انا خريجة كلية ازهريه المفروض آخر سنه والنتيجة ظهرت وطلعت راسبة قرآن والمفروض همتحنه تصفيه انا حقيقي كنت بهمل في الحفظ وانا عارفه كدا وزعلانه والله لأن عارفه الأزهر المفروض اهم حاجه القرآن بس الا حصل دلوقتي الامتحان يوم الاحد الجاي وانا عليا ٣٠جزء امتحن فيهم شفوي وتحريري وخايفه جدا ومش عارفه المفروض اعمل اي
احفظ أوائل السور والاربع وممكن انجح واخلص ولا اسيبه للسنه الجايه واكون في سنه كامله عليه واحفظه وانا اصلا من التوتر والخوف قلقانه اوي والله ومش عارفه اعمل اي ومش عارفه احفظ بجد متوتره ومش عارفه الصح من الغلط
وانا اصلا من التوتر بنسي الا حافظته بسرعه ومش عارفه اعمل ايه
لا حول ولا قوة إلا بالله العلي العظيم الخير فيما اختاره الله اختي في الله تريدين الشهادة وهذا أمر جيد ولكن الشهادة الحقيقة هي أن لا إله إلا الله وحده لا شريك له وأن محمداً عبده ورسوله أسأل الله أن يسكنك الفردوس الأعلى لا تحفظي القرآن لأمور الدنيا ولكن ارجو منك أن تحفظي القرآن الكريم لكي تسمعي وتقرأيه لسيدنا محمد صلى الله عليه وسلم بالجنه تخيلي انك تحفظي القرآن الكريم لتقرأي وتجودي لرسولنا الكريم في الجنه أما الدنيا ليست دارنا ولا ديارنا فلا تدري نفس متي تموت ولا بأي ارض أسأل الله أن يجعل القرآن في قلوبنا
تم النشر السبت، ٦ سبتمبر ٢٠٢٥
ممكن تقعدي تحفظي وتراجعي لمدة ٣ ساعات وبعدين راحة وبعدين ٣ ساعات كمان وهكذا لغاية أما تخلصي ،واصحي بدري،وكمان احفظي من دلوقتي وانجحي أسرع وأضمن ،وراجعي السور كلها على قد مقدرتك ،وركزي جدا على أوائل السور وأول الإربع وآخر آيتين في السور،واستعيني بالله وادعي.
تم النشر الجمعة، ٥ سبتمبر ٢٠٢٥
لن تستفيدي اذا نجحتي فيها وانت لم تحفظيه بحق ، انا انصحك بتأجيلها للعام القادم .. لإن دي المادة الوحيدة اللي تحتاج فعلاً حفظ في القلب قبل اللسان ولن يفيدك ابدا النجاح فيها على الورق دون القلب والعقل .. لان هذه المادة تحديدا لله وهذا من أجلّ واسمى العلوم فسعيك لمجرد النجاح دون الاتقان بل والحفظ والفهم والعمل به تضيعي بذلك كنز عظيم قد وهبك الله إياها عن غيرك .. لذا انصحك بتأجيله لإتقانها لله وليس للكليه او لاحد .. لان هذه هي المادة الوحيدة التي تحدد الراسب الحقيقي من الناجح الحقيقي في الدنيا والآخرة بمعيار الحفظ والعمل به .. اسأل الله ان يجعلنا من حفاظ كتابه والعالمين به العاملين به يارب العالمين .. آمين
تم النشر الثلاثاء، ٢ سبتمبر ٢٠٢٥
وعليكم السلام ورحمه الله وبركاته ربنا يوفقك بس لو هنتكلم بالمنطق حفظ 30 جزء في الفترة البسيطة دي محتاج ذاكره خارقه بس لو انتي حافظه جزء من القرآن يبقي الموضوع ممكن يكون سهل باذن الله تاني حاجه انتي هتكوني عارفه اكتر مننا ازاي ؟! يعني انتي عارفه الدكاتره بتسأل أسأله صعبه تخلي الأمر صعب أنجح بسهوله ولا بيسالوا اسئله عاديه أنجح تالت حاجه لازم تتخلصي من التوتر علشان هيخلي الحفظ يختفي من الذاكرة واي حفظ مش وراه مراجعة كان شئ لم يكن وبالتوفيق باذن الله
تم النشر الثلاثاء، ٢ سبتمبر ٢٠٢٥
عزيزتي، أفهم تماما إحساسك بالخوف والضغط لأنك أمام تحدي كبير وحساس، خصوصًا وأنك في كلية الأزهر وعارفة قد إيه القرآن له مكانة كبيرة عندك وعند الجميع. الذنب الحقيقي مش في إنك تأخرتي في الحفظ، لكن المهم دلوقتي إنك تحاولي تواجهين الامتحان بأفضل طريقة ممكنة، وأنا هنا عشان أساعدك تخططي وتظبطي كل حاجة خطوة بخطوة. أولاً: خذي نفس عميق - التوتر والقلق طبيعيين جداً، خاصة مع حجم المسؤولية، لكنهم ممكن يأثروا سلبًا على الحفظ والتركيز. بنصحك تعملي الآتي لتخفيف القلق: أعملي جدول يومي بسيط للحفظ، مقسم على 3-4 ساعات في اليوم بحيث تغطي 30 جزء على قد ما تقدري. ركزي على حفظ أوائل السور، مع الأربع قصار، لأن ده ممكن يكون كفاية لضمان جزء من النجاح ولو جزئي. استخدمي طريقة التكرار القصير كل يوم حتى تتأكدين إنك بترسخي الحفظ في دماغك. ثانيًا: هل تنجحي هذا العام أم تؤجلي؟ خيار التأجيل مش عيب، بالعكس هو خيار حكيم لو حسيت إنك مش هتقدري تظبطي الحفظ بشكل جيد أو هتقعي في ضغط أكبر. أهم شيء أنك تكوني صادقة مع نفسك في الموضوع ده، وواخدة بالاعتبار: هل عندك قدرة حقيقية على اجتياز الامتحان حتى لو كان بصعوبة؟ هل التوتر والقلق هيأثروا سلبيًا على أدائك؟ هل ممكن تستغلي السنة الجاية بشكل أفضل وتحضري فيها بشكل مرتاح؟ ثالثًا: نصيحة عملية لك: ابدئي بحفظ الأوراد الصغيرة والسور القصيرة أولاً، لأنها بتديكي ثقة وتحفيز. اتبعي قواعد الحفظ اللي حضرتيها سابقًا أو جربي طرق جديدة زي الاستماع للقرآن كثيرًا، أو كتابته. خصصي وقت في اليوم للمراجعة فقط، مش حفظ جديد. رابعًا: نفسيًا وإيمانيًا: تذكري دايمًا إن الله يحب التائبين ويعطي الجزاء على النيّة والإجتهاد، وإذا بذلتِ جهدك بصدق، الله لن يضيع تعبك. صلي ركعتين تحصين أو استغفري قبل ما تبدأي الحفظ عشان تريحي قلبك. ادعمي نفسك بذكر الله واليقين أن كل شيء بيد الله وأنه مع الصابرين. وأخيرًا: لا تترددي في سؤال أهل الخبرة من المشرفين في كليتك أو من علماء متخصصين في الأزهر لو عندك استفسارات أو تحتاجين نصيحة خاصة. كما يمكنك البحث في فدني عن تجارب ونصائح من فتيات مررن بنفس التحدي. وأنا هنا دائماً لندردش مع بعض وتلقي كل الأسئلة التي تخطر ببالك. ربنا معاكِ يا عزيزتي، وأنتِ قادرة بإذن الله على تخطي هذه المرحلة بإصرار وتوفيق. فقط ابدئي بخطوات بسيطة، وخلي ثقتك في الله كبيرة. هل تحبي أساعدك بخطة حفظ منظمة معكِ؟
تم النشر الثلاثاء، ٢ سبتمبر ٢٠٢٥
ربنا يوفقك واهم حاجه حفظ القرآن لانه روح وحياة
تم النشر الخميس، ٤ سبتمبر ٢٠٢٥
بس اللي عايزه اعرفه انتي لما تنجحي ف الدور الثاني هيبقي في الشهاده ايه؟
تم النشر الأربعاء، ٣ سبتمبر ٢٠٢٥
بصي انا خريجه اصول الدين وحصل معايا كدا بس في سنه ٣ وامتحنته ف الدور الثالث والامتحانات بتيجي اسهل من الدور الاول
تم النشر الأربعاء، ٣ سبتمبر ٢٠٢٥
استخيري ربنا
تم النشر الثلاثاء، ٢ سبتمبر ٢٠٢٥
لو حضرتك في الازهر من كليات الشريعه هيكون فيه تشدد في الامتحانات..... اما لو الكليات علمية هيكون سهل من اوائل السور وأوائل الارباع..توكلي علي الله وادخلي... لو مفيش توفيق ادخلي العام القادمة واحفظية في هذا العام حفظ متقن يكون معاك طول حياتك
تم النشر الثلاثاء، ٢ سبتمبر ٢٠٢٥
لعرض السؤال في فدني اضغط هنا