JANA

أنا داخلة أولى ثانوي زيك،وشايفة إنك لو قادرة تشتري أقلام مركر أو كراسات شكلها حلو أو مستلزمات شكلها كيوت أو كدا فاشتري، هايشجعوكي جدا على الدراسة ،وكمان فكري في الفرحة إللي ها تكوني فيها لما تنجحي وتطلعي من الأوائل،وتخيلي نفسك وأنتي بتتكرمي

ممكن تقعدي تحفظي وتراجعي لمدة ٣ ساعات وبعدين راحة وبعدين ٣ ساعات كمان وهكذا لغاية أما تخلصي ،واصحي بدري،وكمان احفظي من دلوقتي وانجحي أسرع وأضمن ،وراجعي السور كلها على قد مقدرتك ،وركزي جدا على أوائل السور وأول الإربع وآخر آيتين في السور،واستعيني بالله وادعي.

وكمان ممكن يكون عندك أربع كراسات ،واحدة للملخصات،والتانية لأسئلة مهمة والثالثة للملاحظات والرابعة للانجازات،وزينيهم كدا بحيث يكون شكلهم لطيف. وشجعي نفسك والله يوفقك.💕

وواصلي التقرب من الله،وممكن جدول للأخلاق والترتيب هايفيدك جدا

حاولي على قد ما تقدري ،ولا تضغطي نفسك وحبي نفسك وشكلك،والثقة في النفس مهمة جدا ليكي،وثقتك في نفسك ومظهرك سبب في حب الناس ليكي،وتعودي على الإسلوب الجميل ،والاجتهاد والشغف ،وواضح جدا عليكي إنك عندك طموح وشغف (اللهم بارك).