السلام عليكم ورحمه الله وبركاته. يعني انت بس بتذكري ان في وقت الخطوبه كان كويس معاكي وما كانش فيه مشاكل هو ممكن تكون شخصيته شخصيه بسيطه طيب جدا ما عندوش حاجات بيوقف عليها اصلا فلذلك مفيش مشاكل يعني أنت بدأتي تشوفي تعاملات ومع الاخرين وهي دي اللي انت لاحظت فيها الحاجات الغريبه التعاملات الاخرى ممكن تكون اصعب من تعاملك انت معاه يعني انتوا تعاملكم الحمد لله بسيط يعني مش بتقفوا على حاجات كبيره فلذلك الدنيا جميله لكن اول ما الموضوع بيخرج للاخرين وارد جدا يكون طبيعه شخصيته الطيبه قوي او الهاديه قوي او البسيطه قوي هو بيحس نفسه قدام الاخرين ما عندهوش حاجه يقولها فلذلك ممكن تلاقيه بيقول اي كلام ملهوش علاقه بالموضوع او يقول كلام غير مفهوم. ده احتمال في احتمال ثاني ان هو يكونعنده ازمات نفسيه وحاجات ان وهو صغير متعلقه بتعاملاته الاجتماعيه او تعاملاتهم على الاخرين ما عندوش ثقه في نفسه كافيه مثلا بسببها فلذلك بيتوتر داخليا كل اما يكون قاعد في وسط تجمعات او حتى يكون قاعد ما بين شخص او شخصين وفي مفتوح ونقاش وهكذا ممكن يكون في عنده مواقف هو متأزم او بتعقد منها ممكن يكون احتمال ثالث ولا اي حاجه من دول وفي حد كان ذكرها في الاجابه ممكن يكون في عنده ضغوط داخليه لها علاقه مثلا بالمسؤوليات لها علاقه بديون مثلا الحاجات دي ممكن يكون هو قاعد بيفكر فيها طول الوقت ولذلك ما بيكونش عنده قدر من التركيز يعمل به حوار مع اي حد. فلما بيحاول يركز ويتحاور مع اي حد الافكار اللي عنده بتكون مسيطره بشكل كبير فهو ما بيعرفش هو بيقول ايه من كتر زحمه الافكار اللي في دماغه فانت ضروري تتكلمي مع جوزك عموما في الحياه وفي الحاجات القديمه وتتكلموا تتكلموا بشكل دردشه كثير عشان تعرفي هو ايه الحاجات اللي بتضايقه وايه الحاجات اللي كانت مضايقه قبل كده الحاجات اللي حصلت معاه وبتوتره الاشخاص اللي بيحب يقعد معاهم الاشخاص اللي ما بيحبش يقعد معاهم الاسباب لو حسيتي ان هو مش قادر يجاوبك على الاسئله دي او مش قادر يتكلم عنها يبقى هنا هو ممكن يكون محتاج مختص وشخص يقعد معاه يكون تخصصه دعم نفسي ايا كان بقى والله طبيب نفسي اخصائي نفسي الموضوع في البدايه هيحتاج اي حد يكون دعم نفسي يتكلم معاه عشان يقدر يحدد هو الموضوع رايح في انهي اتجاه واقرب حل ليه ايه.
هو فعلا اما بتكلم معاه واقوله بتفكر في اي وسرحان ف حاجه يقولي بفكر ف الايام وف المستقبل بيقعد يفكر ف للي جاي وللي راح بحس تفكير مسيطر عليه وبحاول انا اتكلم معاه او يشارك معايا مسئوليه شويه وكل واحد يلعب دور بتاعه بس الاسف بقيت انا حاسه شايله كل حاجه وهو اما بيكون ليه مزاج يشيل مسئوليه بيشلها ملهوش مزاج بيكبر دماغه بس انا ع اقد مااقدر بحاول اساعده عشان هو انسان طيب
تم النشر الخميس، ٢٥ سبتمبر ٢٠٢٥
لعرض الإجابة في فدني اضغط هنا