السلام عليكم، أنا متفهمة إن البيئة بتفرق وبتؤثر لكن برأيي تطوير الذات مش محتاج خروج من البيت. ناس كتير عايشة في نفس الظروف وناس تانية طبيعتها انطوائية جدا ومش بيحبوا يخرجوا أو يتفاعلوا مع الناس ومع ذلك بيلاقوا الطريق لتطوير نفسهم وتغيير ظروف حياتهم. ** فكري في الأدوات المتاحة بالنسبة لك حاليا واستغليها. وبلاش جلد ذات بسبب إنك بتبدئي حاجات ومش بتلتزمي لأن ده بيحصل مع كتير مننا، سواء بقى ملل او تسويف أو النفس مش مدربة كفاية على الاستمرارية والالتزام لكن بيحصل ومفهوم وتحويله لعقدة أو جلد ذات بيزود المشكلة مش بيحلها. *** لو بتبدئي حاجات كتيرة في نفس الوقت أو بتضعي أهداف كتيرة فغيري ده وقرري تشتغلي على حاجة واحدة (تكون أولوية) تلتزمي بها من ثلاثة لستة أشهر. وامشي خطوات صغيرة أفضل من إنك تبدئي باندفاع وحماس وخطوات كبيرة وبعدين تقفي بسبب ملل أو ضغط أو غيره. *** جربي تمشي بنموذج (عجلة الحياة المتوازنة) هتلاقي له شروحات كتيرة على يوتيوب، وابدئي طوري وصلحي خطوة خطوة. متفكريش إن العمر بيعدي، مش مطلوب منك إنجازات خرافية كل يوم وبلاش مثالية وبحث عن الكمال وترفقي بنفسك. بلاش التفكير السلبي والضيق من البيئة والظروف يخليكِ واقفة مكانك. ابدئي بالمتاح وغيري واحدة واحدة. *** لو بتدرسي أو بتروحي كلية، ممكن تستغلي الأوقات اللي في المواصلات أو بين المحاضرات في إنك تعملي الحاجات اللي متقدريش تعمليها في البيت. يعني مثلا لو بتحبي القراءة وفيه مكتبة قريبة من كليتك، تقدري تعملي اشتراك فيها وتستغلي مثلا الوقت بين المحاضرات أو أي وقت فاضي وتروحيها شوية سواء للقراءة أو لاستعارة الكتب. ده مثال، جربي تطبقيه لو ينفع على الحاجات اللي عاوزاها من برا البيت. **** ما دام عندك إنترنت وأدوات (حتى لو بسيطة) في محيطك استغليها قدر الإمكان وإن شاء الله تقدري تحققي اللي عاوزاه. المهم لا تيأسي من نفسك أو تملي عقلك الباطن بأفكار ومعتقدات سلبية تؤخر النجاح اللي عاوزة تحققيه في حياتك. وبالتوفيق إن شاء الله.💚💚
آمين يا رب، وإياكِ يا قمر، تسلمي.❤️🥰
تم النشر الأربعاء، ١٦ سبتمبر ٢٠٢٦
حاضر الله يرضى عنك اللهم آمين ويراضي قلبك🥹💕
تم النشر الأربعاء، ١٦ سبتمبر ٢٠٢٦
وجزاكِ خيرا وتوفيقا🌺❤️، أكيد إن شاء الله هدعيلك. موفقة دايما. رددي كتير ذكر (لا حول ولا قوة إلا بالله العلي العظيم) خلي لك ورد يومي منه وإن شاء الله ربنا يغير حالك للأفضل ويعطيك القوة للتغيير إن شاء الله.💚
تم النشر الأربعاء، ١٦ سبتمبر ٢٠٢٦
وعليكم السلام ورحمة الله وبركاته جزاكِ الله خيرًا يا د. مي حاضر هحاول أعمل كدا بس بالله أدعيلي
تم النشر الأربعاء، ١٦ سبتمبر ٢٠٢٦
لعرض الإجابة في فدني اضغط هنا