يا حبيبتي. عايزه اقول لك حاجه احنا. الام والاب الاول وفي الاخر دول بشر والانسان خطاء طبيعي هم بيخطؤوا والكمال لله وحده هم مش ملايكه واحنا بنضطر نقبل امنا وابونا على عيوبهم واولادنا بيقبلونا على عيوبنا. انت عندك مشكله مع ماما وبابا اولا لازم تباني قويه كلمه ان انت تقولي انا عايزه انتحر وان انا بعيط بسرعه ده غصب عنك انت انسانه مرهفه الحس وبرافو عليك ان انت قدرتي تطلعي اللي جواكي وتعبري عن اللي جواكي وكويس جدا ان انت قررتي ان انت محتاجه مساعده وفعلا انت محتاجه حد يتكلم معاكي وتسمعه ويسمعك ويحتويكي ويقويه ويوصلك تمشي ازاي في طريقك الصح التفت لنفسك واهتمي بنفسك بدروسك اهتمي بشخصيتك ابني شخصيتك قوي نفسك عزيز ثقتك في نفسك اتكلمي مع نفسك وادي لنفسك حافز اعملي لنفسك هدف شوفي ايه هدفك في الحياه ما تستنيش من حد دايما احنا طول ما احنا بننتظر من الاخرين احنا بنصاب باحباط وبنفقد الشغف انت لسه صغيره الحياه لسه. طويله قدامك ما تفقديش الامل و تياسي وتحبطي دلوقتي انا عارفه انها ظروف صعبه بتمر بيها وخصوصا لما يبقى المعامله السيئه تيجي من الام والاب فالموضوع بيبقى صعب ثاني خذي اهلك على عيبهم وتعاملي معاهم من المنطلق دوت وما تنتظريش منهم حاجه وما توريهمش ضعفك وما توريهمش استسلامك بلاش تعيشي دور الضحيه وتنتظري منهم ثاني انا بقول لك اهو قوي نفسك بنفسك انت طريقتك وانت كاتبه كاتبه كلامك دوت فيه قوه وده حاجه لازم تبقى انت فخوره بيها كملي في الطريق دوت اشتغلي على نفسك الجاي لحد محتاجه حاجه ابعتي لي وانا هتواصل معاكي اتكلمي وععبري اكتبي اكتبي كل ما تبقى جواكي مشاعر سلبيه اكتبيها طلعي المشاعر السلبيه دي واقريها بصوت عالي وبعد كده. اوصلي لحل ليها انا اتعرضت للموقف الفلاني وحصل كذا كذا اقريها وبعدين اه فكرتي بقى وانت هاديه مش في نفس الموقف لا خذي وقتك وابعدي افصلي نفسك عن الناس اللي حواليكي واقري الكلام اللي انت كتبتيه واقعدي فكري بقى تتعاملي مع الموقف ده ازاي حتى لو ما تعاملتيش مع الموقف ده دلوقتي بيعلمك عشان مواقف ثانيه قدام الكتابه هتفيدك لان انت كل ما بتقري أفكارك ودماغك بتشتغل بتعرفي ترتبي افكارك
هو بعييدا عن النهاية السيئة اللي حصلت دي بس بنسبالي الحاجة الوحيدة الحلوة اللي في الموضوع دي خلاص كدة مش هحكي تاني ولا هحاول ادافع عن نفسي خلاص اللي عاوز يقول عني حاجة يقول معدش هيفرق بالنسبالي كتير كانوا علي طول يزعقولي لما يحصل حاجة وماما مثلا تقول اكيد انت اللي عملتي كدة فأنا اقولها مش انا واقعد احلف اني معملتش كدة ومش بيقتنوا في الاخر فماما كانت تقولي بس بس بطلي كلام وبابا يقولي اني دايما اسلوبي هجومي مع اني بدافع عن نفسي بس بس ممكن تكون طريقتي بضايقهم فعلشان انا هريحهم خالص من الموضوع ده وهحاول اقرا كتب وأشوف فيديوهات تنمية ذات وكدة علشان اخلي شخصيتي اقوي ويبقي عندي لا مبالاة ادعيلي بقي بليز يا دكتور 🥺🥺
تم النشر الجمعة، ١٣ يونيو ٢٠٢٥
السلام عليكم ورحمه الله وبركاته في البداية كدة احب اقول لحضرتك أن كلامك شجعني جداا😊 اني اكلم ماما واقول لها اية اللي بيضايقني وكدة لدرجة اني منمتش طول الليل وكنت بفكر اقولها اية وكدة ودار في دماغي اكتر من سيناريوا بس اللي حصل في الحقيقة كان اوحش واقسي بكتير مما تخيلت توقيت النهاية هتبقي احسن من كدة بس يلا مش مشكلة 🥲هحكي لحضرتك اللي حصل وهحاول اختصر بس يا ريت حضرتك تقوليلي انا غلط في اية علشان بجد انا حاسة اني تايهة هو انا بدأت الكلام معاها قولتلها أن كلنا بنغلط وكلنا عندنا عيوب في شخصيتنا علشان احنا مش ملايكة فهيا ردت قالتلي اختصري وانجزي وقولي الكلام دة لنفسك قولتلها أن الصوت العالي والزعيق بيضايقوني فممكن تكلميني يماما براحة وانا هسمع الكلام وهحاول اطبخ بس كلميني بهدوء بس للاسف هيا مخلتنيش اكمل باقي كلامي وقالتلي أن انا قليلة الادب ومش بينفع معايا الهدوء وقعدت تقولي شوفي صحابك ومش عارفه مين فأنا قولتلها متقارنيش بحد وانا مليش دعوه بحياة حد انا ليا دعوة بيا وبحياتي قالتلي اه ليكي دعوة بحياتك انت اصلا راضية عن نفسك وحياتك هيا دي حياة هو انت بتعملي اية اصلا ولا لازم اقارنك بيهم علشان هما اول ناس هيشمتوا فيكي وهيتكلوا عليكي ويقولوا اه اطلعت علشان مش بتعرف تطبخ اه متخاتقة مع حماتها علشان مش بتعرف تعمل حاجة أصلها خايبة كل صحابك بيعرفوا يطبخوا الا انت قولتلها أن الزمن بيتغير وكدة وان في حجات كتيرة طلعت جديد بتساعدك في الطبخ قالتلي لا اهم حاجة الخبرة ويبقي ايدك في الاكل وكدة وقدت بقي تحكيلي عن طفولتها (هيا كانت طفولتها قاسية شوية بسبب مامتها بس باباها كان حنون اووووي وطيب جدااا وكان بيتخانق مع مامتهما ويزعقلها لما يعرف انها ضربتهم) وعن لما اتجوزت وكانوا فاكرين أنها مش بتعرف تطبخ يعني(علشان يعني رجليها كانت مكسورة من وهيا صغيرة فهيا عندها رجلها المكسورة دي اقصر من السليمة بس ماما مش بتمشي بعكاز بتمشي طبيعي بس في سنة عرج) وفي الاخر قالتلي انها رمت طوبتي خلاص وأنها مش هتكلمني تاني و بعدها طبعا قعدت تحسبن وتقولي أنها مش عاوزة تشوفني عروسة ويارب تموت قلبل اليوم دة وان كل الامهات مطمنة علي بناتها الا هيا وكلام من دة(كل الحوار دة دار وانا بعيط ) وبعدها بفترة سمعت صوت عياطها وكانت بتقول اعف عني يا رب كانت قاعدة علي الكرسي وفارشة السجادة بتاعت الصلاه فأنا رحت وحضنتها وطبطبت عليها وبست رأسها قولتلها حقك عليا ودموعك دي غالية عندي وفضلت حضنها وبطبطب عليها لحد ما هيا زقتني وبدأت الصلاة فأنا لست رأسها قولتلها حقك عليا متزعليش مني ومشيت روحت حطيت الاكل وغسلت المواعين وبس كدة والي الان مش بتكلمني مع أن المفروض انا اللي زعلانة منها مش العكس (ماما مش بتعيط علي كل حاجة زي كدة فمش عارفة عيطت لية بجد دي اكتر حاجة محسساني بالذنب انا مش عارفه انا قولت اية غلط وانا والله مقولتش غير اللي انا كاتباه بس)و آسف جدا علي الازعاج+شكرا جدااا لحضرتك علي المساعدة🥺🤍
تم النشر الجمعة، ١٣ يونيو ٢٠٢٥
👏👏
تم النشر الخميس، ١٢ يونيو ٢٠٢٥
بجد كلامك حضرتك عسل خالص وحضرتك كيوت اوووي 🥺🤍بجد انا مش ببالغ بس بجد انا حبيتك 🤍 وحضرتك فعلا ادتيتي شوية ثقة بالنفس كنت محتاجاهم فعلا انا فعلا فقت الثقة بنفسي للاسف لدرجة أن لما حد بقي يقولي اية القمر دة او لما حد يقولي دمك خفيف او والله دة انت سكر ببقي مصدومة كدة اللي هو بجد انا كدة ببقي مقتنعة انها مجاملة مش اكتر بس خلاص بجد انا هحاول اثق في نفسي اكتر من كدة +المشكلة اني لما بواجهم باخطاهم أو كدة أو اني مش حابة الطريقة دي يبدأوا هما يواجهوني باخطائي ويقولولي اني انا اللي يخليهم يعاملوني بالطريقة دى وفي الاخر بطلع انا اللي غلطانة فبطر انسحب من النقاش واقول حاضر وخلاص مع اني ببقي لسة مخلصتش كلامي بس خلاص من انهاردة أن شاء الله هحاول ابقي قوية واخلي شخصيتي اقوي من كدة أن شاء الله اي نعم مش عارفه هعمل كدة ازاي بس خلاص هحاول علشان كلامك اداني دفعة بجد وشكرا جدااا علي كلامك الطيف بجد ساعتيني جدااا💗💗🥺
تم النشر الخميس، ١٢ يونيو ٢٠٢٥
تم النشر الخميس، ١٢ يونيو ٢٠٢٥
اولا انا اسفة اني رديت عليكي متاخر بس انا كنت متعاقبة والتليفون متاخد مني وكدة ثانيا بقي شكرا جدددااا علي كلامك اللطيف دة 🥺💗🤍+انا والله متقبلة عيوبهم وعارفه ومتاكدة انهم بيحبوني جداا وكمان بيعملوا كدة علشان مصلحتي بس انا كل مشكلتي معاهم أنهم مش بيعترفوا باخطاهم خالص علشان هما كبار وكدة يعني فهما مش بيغلطوا في طريقة تربيتهم لينا ولا قادرين حتي يفهموني والمشكلة أنهم حتي مش بيحاولوا و انا مش بعرف اعبر عن مشاعري خالص فديما كلامهم بيجرحتي حتي لو علي سبيل الهزار فكنت اسمع الكلام واسكت او ابتسم وخلاص ولو عيط او اضايقت ابقي نكدية وبجيب الغم في البيت فعلشان كدة بيقت بكتم جوايا ومش قادرة ولا عارفه اتعامل معاهم أو مع نفسي حتي انا بقيت عصبية وانا مكنتش كدة خالص انا بجد تعبت و مش عارفه اغير من نفسي علي طول يقولي غيري من نفسك وان مفيش حد هيستحملني وانا كدة وكلام من دة بس المشكلة أنهم مش بيساعدوني اتغير خالص ولا بيغيروا من طريقتهم معايا علي طول يدوني أوامر وخلاص ولازم انا انفذ انا عارفة أنهم مضغوطين جامد بس لية انا اللي يطلعوا ضغوطتهم عليا انتي عارفه لو طلبوا مني الحاجة بطريقة لطيفة وأسلوب هادي وحلو مع ابتسامه صدقيني هعمل الطلب دة علي طول من غير تردد لا وكمان هيبقي فرحانة ومبسوطة دة انا لما حد بقولي اني لفة الطرحة حلوة أو أن الدريس حلو ببقي طايرة من الفرحة حرفيا فيعني بجد الكلام بياثر فيا جامد سواء حلو او وحش وانا بصراحة عنيدة شوية +انا عندي اخ ولد بس هو اكبر مني بـ٣سنين وانا وهو علي طول في خناق وتقريبا كدة معتبرني خدامة عندة علشان بنت وكدة وبيطلب مني اعملة حجات كتير وانا اكتر حاجة بكرها هيا كتر الطلبات ولما اقول لا أو أن دي مش من مسئولياتي وكدة ببقي في الاخر وحشة وماشية ورا شيخ ملحد لا وكمان ببقي مريضة ومحتاجة تتعالج المشكلة أنهم بيقفوا معاه وبيقولولي لا دي من مسئوليات ولما تتجوزي هتعرينا وهتفضحينا وكلام من دة اقولك على حاجه انا بجد كرهة الجواز ومش عاوزة اتجوز خالص بجد حاسة اني جاتلي عقدة منة بجد وكرة جوزي المستقبلي اللي انا معرفوش اساسا +حاضر هحاول اكتب اللي جوايا هو أنا بصراحة بخاف أن حد يشوفة او يقراه علشان كدة مش بكتب +عندنا مفيش حاجة اسمها تقعدي لوحدك في هدوء كدة الا نادرا +سوري بجد اني كتبت كتير بس والله حاولت اختصر علي قد مقدر و بجد دي اول مرة افتح قلبي لحد كدة اتمني مكنش ازعجتك وشكرا جدااا لحضرتك🥺🥺🥺🥺🤍💗🤍💗💓
تم النشر الخميس، ١٢ يونيو ٢٠٢٥
لعرض الإجابة في فدني اضغط هنا