السلام عليكم
أنا في شلة من سنين طويلة فيها واحده ف الشله انا و هي مختلفتين عن بعض تماماً و دايما حاسه ان مش مرتاحه و أنا بكلمها
لما كنا صحاب زمان كنت أنا ذيها و هي ذيي بس أنا صلحت فيا حاجات كتيرة أوي و اتغيرت بقيت ببعد ع قد مقدر من الغلط و الحرام و أقرب للحلال اكتر بعدت عن أغاني و اللبس الديق صلحت حجابي و حاجات كتيره اوي بعدت عنها كنت بعملها زمان
هي لسه متغيرتش و حاولت معاها و نصحتها كذا مرة نصحتها كتير جداً جداً ، بس ولا نصيحة من دول كانت بتمشي بيها هي وصلت لمرحلة إنها بقت بتتريق عليا و شايفاني متشدده و اوڤر
ف بقيت مبنصحهاش تماماً عشان خلاص تعبت من كتر منا بنصحها
المشكلة هنا إن أنا عايزة أبعد أوي ، إحنا اه بعدنا الفترة دي عن أي فترة تانيه بس لسه بنتكلم عشان بيننا صحاب مشتركة ، انا مش عايزه يبقا في بيننا تواصل نهائي كأننا مكناش عارفين بعض
بس للأسف إحنا شله و كمان و أهلها كمان يعرفو أهلي ف إني ابعد عنها ده صعب جداً
صارحت صحابنا التانين كذا مره إن انا عايزه أبعد بس هم محطوطين بين نارين عشان هيختارو بيننا ونا معنديش مانع أبدا يبعدوا عني و يختاروها و يخرجوا منغيري بس هم الي عايزني ابقا معاهم ف أي خروجة و أي حاجه حتى هي عايزاني معاهم دايماً
سؤالي هنا هو أنا كدا بنافقها؟؟
انا بتمنالها الخير و بدعيلها كمان و مبحبش ليها أذى أبدا و بزعل لو هي زعلت ، بس أنا مش مرتاحه غصب عني حاسه ان مبقتش مرتاحه معاها خالص و مجبره اتعامل ونا مش عايزه اتعامل معاها خالص
و طبعا مش هقدر اصارحها ب ده عشان أنا صحبتها من بدري ف هتشوفها نداله مني و هتتأثر ب كدا
أنا كدا حرام الي بعمله و ده نفاق ولا لاء عشان خايفه يبقا حرام و اشيل ذنب إن بمثل قدامها إن انا مرتاحه بس أنا مش مرتاحه تماماً ،
بحسها بتخاطب شخصيتي في الماضي مش أنا دلوقتي
يعني الحاجات الي بعدت عنها هي بتعملها و كونها بتعملها قدامي ده بيخليني أحن للماضي برغم إن كل الي كنت بعمله زمان غلط
هي لو احتاجتني ف اي حاجه مش هتأخر لإن من جوايا مش بكرهها بس مش عارفة أبعد خايفه يكون ظلم بعد كل السنين دي إن أبعد
إحنا السنة الجايه غصب عننا هنبعد عشان تخصصاتنا مختلفة
ف عادي استنى السنة الجايه نبعد لوحدنا ولا غلط ونا كدا بنافق؟؟
وعليكم السلام ورحمة الله يا جميله — أولاً بارك الله في نيّتك وإنك بتحرصي على نفسك وعلى دينك، وفهمت عليك كل اللي بتحسيه، ومكانك واضح عندي. جوابي القصير: لا، مش لازم ده نفاق. النفاق في الإسلام معناه تصديق داخلي مخالف للقول أو إظهار إيمان وإبقاء الكفر داخل القلب — أما اللي بتحسيه إنتِ: إنك بعدتي عن بعض التصرفات والقيَم وعايزة تبعدي عن تأثير سلبي، وفي نفس الوقت بتحافظي على أدبك ومعاملتك الحسنة، فده مش نفاق بل حفظ للنفس والستر والرحمة. توضيح عملي وإسلامي: - الإسلام يأمرنا بالحسنى والمعروف في التعامل، لكنه كمان يحمينا من الصحبة التي تجر إلى المعصية. النبي ﷺ قال: "المرء على دين خليله..." فاختيار الصحبة جزء من الحفاظ على الإيمان. - إنك تدعين لها وتتمنين لها الخير ولا تريدين لها أذى — ده علامة على خلّاق طيبة، مش نفاق. - الحرج الوحيد يكون لو كنتِ تمثلين إيمانًا أو ترغبين في إضلالها عمداً — وهذا ليس حالك حسب كلامك. نصايح عملية كيف تتصرفي بدون ما تضيع أخلاقك أو تتسببي في جرح كبير: 1. ضبط النِّية: قولي في قلبك إن هدفك ابتعاد لطاعة الله وحفظ نفسك، ومش لإيذائها. هذه النية تطهر العمل. 2. خدي مسافة تدريجية ومهذبة: قللي الخروجات الخاصة معها، وخلّي تواصلك أحياناً في مجموعات أكثر منه بشكل فردي. 3. استخدمي أعذار واقعية ومحترمة: "عندي مذاكرة/مشروع/التزامات عائلية" — كلها أسباب مقبولة ومريحة للجميع. 4. لو سألوك أوقفتي نصيحة أو ابتعدتي: ممكن تقولي بصراحة بلطف: "أنا بشتغل على حاجة شخصية ومش قادرة أنصح كتير دلوقتي" بدل ما تكوني جارحة أو متشددة. الحقيقة بس بصيغة رقيقة. 5. لا تراجعي نفسها بالقهر: لو كانت بتسخر منك أو تجرحك، حطي حدود واضحة: "انا مش بحب الكلام ده" أو امتنعي عن الاستجابة للسخرية. 6. استغلي العام القادم كفرصة: لو فعلًا الظروف هتفصلكم بسبب التخصص، ممكن تصبري لحد ما تبعدوا طبيعياً بدل المواجهة الكبيرة الآن. 7. حافظي على الطيبة والدعاء لها: الدعاء لها بالهداية والرحمة فعل مبارك، ويخلي ضميرك مرتاح. 8. لو شكلت العلاقة ضغط كبير على دينك أو نفسيتك — ليس لديك واجب استمرار الصحبة، فالإسلام يبيح حفظ النفس والدين. بخصوص الشعور بالذنب: - طبيعي تحسي بزعل أو ذنب، خصوصاً لسنوات الصداقة. الذنب الحقيقي يكون إنك تؤذين عمداً. أما حماية نفسك فتكون أحياناً واجبة. - اعملي استغفار ودوّمي على النية الطيبة، واطلبي من الله التيسير والهدى لك ولها. لو حابة، أقدملك جمل جاهزة تقدري تقوليها لصحابكم لو ضغطوا عليك: - "أنا محتاجة أركز السنة دي على دراستي/تطويري الروحي، فهقلل الخروجات شوية." - "أنا مش في حالة إني أنصح دلوقتي، لكن بتمنى لك كل خير ودعواتي معاكي." لو تحبي، أقدر أكتبلك ردود معاها بصيغة لطيفة تقدري تقوليها لو احتجتي تواجهينها. ولو حابة استشارات أعمق عن كيفية إدارة العلاقات وصناعة حدود سليمة، ممكن تلاقي خبراء في فدني هنا: https://www.fedni.net/experts وابحثي كمان عن أسئلة مماثلة في فدني للحصول على أرآء أخرى. أنتِ ماشية في طريق صح لما بتحافِظي على حدودك وتحافظي على أدبك. أنا معاكِ لو عايزة نصيغ كلمات أو تتكلمي عن موقف محدد.
تم النشر الأحد، ٩ نوفمبر ٢٠٢٥
بصراحة ردك مقنع بس عالأقل خدي موقف لما تتريق عليكي و تقول اوفر عشان بجد بيبقي فيه ناس في حياه الانسان بيكونوا بيرجعوه لورا حاولي تحطي نفسك في المكان الاول في حاجة زي دينك و اخلاقك و صحتك و مذاكرتك و كل حياتك متخليش حاجة تضايقك انا مش هقولك اني حاليا مقاطع صاحبي ده نهائيا بس اقدر اقولك اني اتعافيت من وجوده معايا
تم النشر الأحد، ٩ نوفمبر ٢٠٢٥
أنا باخد موقف بس إحنا متعودين ان لو حصل تاتش بيننا نرجع نهزر و كأن ده محصلش ، يعني لما حصل سوء تفاهم كبير بيننا رجعنا عادي و جت قعدت معايا و قعدنا نحكي ، ف ده خلى في صعوبة شويه ف إننا نكون جد ف كل حاجه بنقولها لبعض ، هو فعلا لما ببقا معاها بحس إن انا برجع لنقطة البدايه عشان كدا عايزه ابعد ، علاقتنا ذي متقول معقدة مش مفهومه، بس هو كوننا هنبقا تخصص مختلف السنه الجايه هيساعدني أبعد ب ذوق منغير مأذيها ، بس الي حقيقي عايزه أعرفه هل ده غلط الي بعمله؟غلط التعامل معاها كدا بشكل مؤقت ع أمل ان التخصص هيبعدنا ؟خايفه يبقا نفاق ونا مش قد ذنب النفاق
تم النشر الأحد، ٩ نوفمبر ٢٠٢٥
أنا مبحبش المشاكل و مش عايزه انهيها ب إن اعملها موضوع ع اقل حاجه ، مهما كانت هي صحبتي من بدري ونا محترمه ده ف عايزه انهيها ب دون اي مشاكل بيننا ولا هي تتأذى من الكلام الي هقوله ولا أنا اتأذى من كلامها ، انا لو نهيت و قولتلها مش متقبله الوضع هتفهم ان انا مبحبهاش من بدري و ده بردو هيسببلها حزن و ممكن تكره نفسها كمان "ده دايماً بيحصل لما حد بيتخانق معاها" ، هي عارفه إن انا مش بتاعة زمان ف مش محتاجة أعرفها ، هي الفكره انها متقبلاني بالحالتين شايفاني نفس الشخصيه بس ب عقليه انضج عن زمان ونا مش عارفه أتعامل معاها ب عقليتي الأنضج دي طول الوقت ف بنزل بالتعامل معاها ف بعض الحاجات بشخصيتي بتاعت زمان الي مش عايزه ارجعلها أبدا
تم النشر الأحد، ٩ نوفمبر ٢٠٢٥
بصي انا كنت هحكيلك عن موقف زي ده بالظبط حصل معايا بس الموضوع يطوووووول شرحه بس انا هديكي الخلاصة من أقل حاجة اعملي معاها موضوع و عرفتها انك مبقتش بتاعة زمان انك اتغيرت و انك مش متقبله الوضع كده و بس كونكم عندكم اصحاب مشتركين هيبقي فيه تواصل و محاولات للصلح و ده كله حصل معايا والله بس انا مكنتش واخدها غير فرصة اني أبقي لوحدي بعيد عن كل اصحابي فإنتي انتهزيها فرصة و الله يوفقك و يعينك علي طاعته
تم النشر الأحد، ٩ نوفمبر ٢٠٢٥
لعرض السؤال في فدني اضغط هنا