وعليكم السلام ورحمه الله وبركاته بصي يا بنت الحلال أول حاجة المهديات دي توقفيها بالتدريج وبلاش تدمري جسمك عشان ناس متستاهلش وتعملي مسح لكل صورهم وسكريناتهم وأرقامهم وبلوك من كل حتة وما تسيبيش خيط واحد يربطك بيهم وتملي يومك على الآخر تنزلي جيم أو تدوري على شغل أو تاخدي كورسات وتنزلي تفرغي طاقتك هناك عشان مخك ما يلاقيش دقيقة فاضية يفكر فيهم ولو حد سألك من الناس أو الأهل تردي كلمة واحدة وتقفلي الكلام وتقولي كل شيء قسمة ونصيب وما تفتحيش أي تفاصيل وتفتكري دايماً إن ربنا أنقذك من شخصين خاينين ورجعك لراحتك بدري بدري قبل ما تتدبسي في جوازة وتكتشفي قرفهم بعدين .. وجد والله ربنا يحفظك ويسعدك
الشكر لله..ربنا يحفظك ويسعدك
تم النشر الثلاثاء، ٢٩ سبتمبر ٢٠٢٦
شكراً جدا لنصيحتك
تم النشر الثلاثاء، ٢٩ سبتمبر ٢٠٢٦
بصي بالنسبة للمهدئات دي ما ينفعش توقفيها فجأة من نفسك لأنها هتعمل لك أعراض انسحاب وتخليكي تعبانة وزعلانة أكثر الصح إنك تروحي لصيدلي أو دكتور وتقوليله على اسم الدواء اللي بتاخديه عشان يحط لك خطة تسحبيه بيها بالتدريج وبأمان ثاني حاجة موضوع الليل ده طبيعي جدا لأن بالليل الدوشة بتهدى والمخ بيقعد يقلب في الفكر عشان كده لما ترجعي من الجامعة ما تقعديش لوحدك في السرير وأنتي صاحية أجهدي جسمك في اليوم بحركة أو مشي أو رياضة بحيث ترجعي بالليل تنامي فورا وما تمسكيش الموبايل وأنتي على السرير خالص بل اسمعي حاجة تهدي بالك أو شغلي القرآن لحد ما تنامي. ولما يجيلك التفكير بالليل افتكري دايماً إن ربنا كشفهم لك ونظف حياتك منهم والوجع اللي حاسة بيه ده وقتي طبيعي عشان ضربة غدر بس بمرور الأيام وهتلاقي نفسك بقيتي أقوى وحياتك مشيت أحسن من الأول ..ربنا ييسرلك الحال
تم النشر الثلاثاء، ٢٩ سبتمبر ٢٠٢٦
هما فعلا عملو بلوك من كل حاجه وانا كمان ومسحت بردو كل الصور اللي بتربطني بيهم واصلا بيكون عندي جامعه كل يوم بس باجي بليل وافتكر كل حاجه ومش قادرة ابطل المهدئات ومش عارفه ازاي اتصرف
تم النشر الثلاثاء، ٢٩ سبتمبر ٢٠٢٦
لعرض الإجابة في فدني اضغط هنا