السلام عليكم، دي استجابة حساسة من جهازك العصبي بسبب التوتر والقلق، مش معنى إن عقلك بيفكر ويستغرب إن مخك مش في ساعتها بيكون بيبعت أو بعت خلاص إشارات عصبية وتفاعلات. جهازك العصبي بيستقبل الموقف (كلامك مع شاب غريب أو حصول حركة غريبة) على إنه ضغط وتهديد وفي جزء من الثانية بيبعت إشارات وبيحصل التفاعل العصبي وبينتج عنه الأعراض اللي ذكرتها. باختصار جسمك بيتفاعل مع الموقف أسرع من عقلك. وعامة فيه ناس كتير جدا بيحصل معها كده. إن شاء الله حد من المختصين يجاوبك بإجابة عملية أكثر إزاي تتعاملي مع الموضوع. بس ممكن تشوفي تمارين التنفس أكيد هتساعدك تقللي من الأعراض في ساعتها.
ما ده حسب الموقف أو التشابه بين الموقفين حتى لو بسيط بس عمل كـ trigger أو زي شرارة بدء... اللي يقدر يحدد أو يوصل معك للأسباب مختص أو مرشد نفسي عشان يوصل لجذر المشكلة ويوصف لك الحل النهائي... التنفس وتمارين مقاومة التوتر جزء من العلاج وممكن تخفف من الأعراض... الأخصائي أكيد بيكون عنده حلول أكتر. أنتِ ممكن تتواصلي مع حد من الخبراء على فدني إذا حابة وإن شاء الله تلاقي حل جذري https://www.fedni.net/experts
تم النشر الاثنين، ٨ ديسمبر ٢٠٢٥
ممكن سبب نفسي أنتِ مش مدركاه على المستوى الواعي وعقلك اللاواعي هو اللي منتبه له فبيحصل ده... يعني موقف قديم حصل وترسخ من دون ما تنتبهي فبقى أي موقف شبيه ولو بدرجة بسيطة بيولد نفس رد الفعل. ومش مقصود بتهديد يعني خطر شديد.. مش شرط يعني.. مجرد الضغط أو القلق ممكن يمثل تهديد أو إنذار إن فيه مشكلة.
تم النشر الأحد، ٧ ديسمبر ٢٠٢٥
طيب ليه دماغي بيبعت اشاره على أن في تهديد وليه مش بعرف اتحكم فيه
تم النشر الأحد، ٧ ديسمبر ٢٠٢٥
لعرض الإجابة في فدني اضغط هنا