بصي يا قمر أول حاجة لازم تعرفيها إن إحساسك بالذنب ده دليل على إنك إنسانة نضيفة من جواكي وضميرك صاحي وده لوحده حاجة كبيرة جدًا لأن كلنا بنغلط بس مش كل الناس بتعترف بغلطها وتتعلم منه زيك وده أهم حاجة فعلًا انت انتي عرفتي إن اللي عملتيه مكانش صح وتغيرتي وحسّنتي علاقتك بوالدك ومبقتيش تكرري نفس الغلطة… يبقى خلاص كفاية جلد ذات بقى بجد بالنسبة لعمّتك، يمكن بتحاول تذكّرك أو "تفكرك" علشان تحسسك بالغلط بس في الآخر مش من حقها تفضل تعيد وتزيد في حاجة خلصت خصوصًا لو أسلوبها بيضايقك انتي عملتي اللي عليكي ولو هي مش قادرة تشوف التغيير اللي حصل فيكي فده مش ذنبك بقي و خليكي فاكرا دايمًا: ان ربنا بيحب التايبين مش المعصومين وانتي توبتي بقلبك وبفعلك… وربنا شايف ده وده أهم من نظرة أي حد تاني. ولو جابت الموضوع تاني، ممكن تقفلي معاها الموضوع باحترام أو تغيري الموضوع
معاكي حق والله وانا فعلا عذراها وفاهمه كلامك
تم النشر السبت، ١٩ يوليو ٢٠٢٥
مينفعش احنا اللى نغلط ونتمادى وبعدها نبقى منتظرين سرعه وسهوله فى تصليح الخطأ ...نتحمل مسؤولية الخطأ بتحملنا النتيجة ومدة تصليحها
تم النشر السبت، ١٩ يوليو ٢٠٢٥
معاكي حق هي بتحاول تعمل كده فعلا ،شكرا على التذكير اللي ف اخر الكومنت حقيقي شكرا 🤍
تم النشر الجمعة، ١٨ يوليو ٢٠٢٥
لعرض الإجابة في فدني اضغط هنا