ماتيلدا .

بصي يا سكرة الوقت دة على حسب كل واحد والتزام كل واحد تمام ممكن انصحك بشويه حاجات تعمليها زي انك تفكري باللغه دي تكتبي يومياتك بيها تكتبي to do list بتاعتك بيها تسمعيها على طول زي بودكاست او فيديوهات على اليوتيوب بس اهم حاجه تكون على حسب مستواكي ولو عاوزه تتعلمي انجليزي ممكن تتابعي قناه طليق او Z American English والمنشئ بتاعهم واحد كده كده بس بجد حلوين وبالتوفيق يا قمر 🤍

ياروحي الف مليون مبروك يا قمراية😍💕ربنا يوفقك يا سكرة يارب انا فرحانة اووووي 💖انك راضية بالمجموع ودي حاجة مش عند كل الناس للاسف 🥺 بصي اول حاجة صلي استخارة تمام يا قمر 💕 ادخلي تربية إنجليزي لو: بتحبي التدريس ومرتاحاله ومش فارق معاك دراسة الأدب الإنجليزي بشكل كبير قد ما يهمك اللغة كوسيلة للتدريس ادخلي آداب إنجليزي لو: نفسك تتعمقي في اللغةو الأدب و التحليل النقدي والروايات مش مهتمة بالتدريس وعاوزة تشتغلي في مجالات زي الترجمة او الكتابة او المحتوى أو حتى تسافري تكملي برا مستعدة تشتغلي على نفسك جامد لأن قسم آداب بيبقى نظري أكتر ومش بيديك وظيفة مضمونه اوي رأيي الصريح: بما إنك بتقولي مستواك C1 وبتحبي اللغة جدًا ومش باين إن عندك شغف بالتدريس فأرشحلك آداب إنجليزي بس ممكن تحتاجي تعتمدي على نفسك شوية و تتدربي وتاخدي كورسات ترجمة وsoft skills جنب الكلية وان شاء الله الطريق ده يفتحلك أبواب شغل حلوة فعلًا في مجالات بتحبيها بس لو عندك أي ميول للتدريس أو عاوزة تبقي في سكة مضمونة وظيفيًا أكتر ساعتها تربية إنجليزي هتبقى اختيار كويس وراي تفكك منهم الاتنين وتخشي ألسن أو لغات وترجمة اعتقد هيبقوا مناسبين معاكي جدا أن شاء الله 🤍

بصي يا قمر أول حاجة لازم تعرفيها إن إحساسك بالذنب ده دليل على إنك إنسانة نضيفة من جواكي وضميرك صاحي وده لوحده حاجة كبيرة جدًا لأن كلنا بنغلط بس مش كل الناس بتعترف بغلطها وتتعلم منه زيك وده أهم حاجة فعلًا انت انتي عرفتي إن اللي عملتيه مكانش صح وتغيرتي وحسّنتي علاقتك بوالدك ومبقتيش تكرري نفس الغلطة… يبقى خلاص كفاية جلد ذات بقى بجد بالنسبة لعمّتك، يمكن بتحاول تذكّرك أو "تفكرك" علشان تحسسك بالغلط بس في الآخر مش من حقها تفضل تعيد وتزيد في حاجة خلصت خصوصًا لو أسلوبها بيضايقك انتي عملتي اللي عليكي ولو هي مش قادرة تشوف التغيير اللي حصل فيكي فده مش ذنبك بقي و خليكي فاكرا دايمًا: ان ربنا بيحب التايبين مش المعصومين وانتي توبتي بقلبك وبفعلك… وربنا شايف ده وده أهم من نظرة أي حد تاني. ولو جابت الموضوع تاني، ممكن تقفلي معاها الموضوع باحترام أو تغيري الموضوع

حبيبتي كلامك وجع قلبي بجد، واضح إنك بتمرّي بحالة صعبة جدًا وده مش ضعف ولا عيب، بالعكس إنك كتبتي وشاركتي ده دليل إنك شجاعة ومش لوحدك اللي بتوصفيه من نوبات غضب وتسارع ضربات القلب والرغبة في الأذى الذاتي ممكن يكون مرتبط بحاجة اسمها نوبات هلع أو حتى اكتئاب مختلط بقلق شديد، وده محتاج مساعدة من طبيب نفسي فاهم ومتخصص، مش لأنك "مجنونة" زي ما ناس بتحب توصف، بل لأنك إنسانة مرهقة وتستحقي ترتاحي وتتعالجي زي أي حد بيتعب في جسمه وأفكارك الانتحارية مش لازم تخوّفك بس لازم تكون جرس إنذار للناس اللي حواليك بس لو مش لاقية حد يسمعك فأنتِ لسه تقدري تنقذي نفسك وتروحي لمتخصص وعلي فكرة في جمعيات خيرية ومبادرات بتقدم دعم مجاني أو بأسعار رمزية 🤍

لا يُشترط لتوبة نصوح أن تترك العمل مباشرة إذا لم يتوفّر بديل ولكن يُشترط أن تترك المعصية نفسها وتجتهد في الابتعاد عن أسبابها مع السعي بصدق للبحث عن بديل. لكن إن كان العمل نفسه محرمًا بذاته (مثل بيع خمور، الترويج لحرام، أو أي وظيفة جوهرها معصية) فالواجب تركه إذا توفر البديل ومع عدم توفره تستمر فيه مؤقتًا مع الاجتهاد في البحث عن بديل والنية الصادقة تفتح أبواب الرزق بإذن الله. أما إن كان العمل مباحًا في أصله لكن المحيط فيه معاصٍ (كالزملاء، الجو العام) فهنا لا يجب ترك العمل بل: تتجنب المعصية. تحاول أن تظل ثابت على دينك. تتقي الله ما استطعت. وتدعو الله أن يبدّلك بيئة أفضل. قال الله تعالى: "فاتقوا الله ما استطعتم" " [التغابن: 16].

العفو يا قمر 🤍