أنا بنت وعندي أخ حالياً هو عنده 15 سنة أنا مش عارفه أتكلم إزاي والله بس أنا بابا مش بيكلم أخويا خالص لأن هو ولد وحيد وإحنا 6 بنات وكلنا أكبر من الولد وهو من هو وطفل في قمة الدلع وأي طلب بيكون متنفذ.
إحنا كلنا البنات درسيًا متفوقين وبابا كان رافض إن البنت تمسك فون لحد أولى ثانوي هو وافق.
وكلنا مسكنا الفون في أولى ثانوي بس ومش مشغولين بالفون بالعكس علطول في إفادة
الموضوع تغير لما أخويا دخل أولى إعدادي مسك فون وإحنا كنا رافضين بس بابا قال لأ عادي يمسك هو ولد وحتى ولو غلط عادي
والحاجة دي علمت أخويا إن غلط الولد لكن البنت لا لو غلطت تتعاقب أشد العقاب!
أنا من فترة بدأت أشوف أخويا أغلب الأوقات قافل على نفسه الغرفة وأصلا من سن 11 سنة وهو مش بيسمع كلامنا خالص وأبي وأمي معاه في كل حاجة
بصراحة مش تجسس بس أنا كنت شاكة فيه وفي نظرات عيونة كان يطلع من الأوضة وعيونة حمراء وعرقان وكأنه مصطول والله.
أنا كنت بسمع بودكاستس عن الإباحية وحاجات فيه وعي والموضوع منتشر ومعروف
فبعدين بدأت أشك فيه معقول يكون بيشوف حاجات من دي
أنا عمري ما مسكت الفون بتاعه خالص لأن هو علطول في جيبه ولو بيشحن في الأوضة بيكون قافل بالمفتاح.
ف بابا مرة كان عامل عزومة وأخويا كان مشغول بالصدفة شوفت الفون بتاعه مفتوح صراحة قولت فرصة أتاكد أنا بتصرف بدافع الخوف على أخويا، وكنت خايفة هل دا تجسس
المهم بعدها دخلت لقيت إباحية ومواقع وحاجات بالهبل
ولقيت رسايل من بنات على الفيس
ولقيت صراحة حاجة تحزن وتخليك عايز تقتل نفسك
أنا ليا شهر مصدومة حتى مش بأكل في البيت.
أنا طبعًا مش هحكي لحد حاجة ولا هفضح أخويا حبيبي بس أنا مش قادرة أبص في وش أخويا وحاسة إني مخذولة دا أخويا الوحيد
بابا وماما هما السبب دلع مبالغ فيه عمرهم ما حاسبوه علي الصلاة ولا المال بياخد فلوس زيادة مدلع...
أنا وأخواتي البنات رفضنا الفون وبابا قال عادي
أمي عمرها ما ضربت أخويا على أي حاجة عشان هو ولد وحيد
أقولكم إيه غير إني كرهت عالم وسائل التواصل الإجتماعي وكرهت أي أهل مشغولين عن أولادهم ظننا منهم ان أولادهم كويسين..
أنا دلوقتي في حالة نفسية صعبة مش عارفه انسى ولا عارفة اتعامل مع أهلي ولا أخويا
لازم توجهي اي حد كبير من العيله واثقه فيه او ممكن توجهي اخوكي وانصحيه ان ده حرام وغلط و هو احتمال مايسمعش منك ابق خوفيه بس كده انك هتقولي ل باباه او حد من العيله بيخاف منو و متخافيش انك تقولي لحد لانك خايفه ع مصلحتو وفاهميه ده كويس اووي لانو برضو صغير ومش فاهم حاجه
تم النشر الأربعاء، ٢٩ يوليو ٢٠٢٦
أختي العزيزة، أشعر بمدى الصدمة والألم اللي بتمرين بيه، وهو شعور طبيعي تمامًا لأنكِ بتحبي أخوكِ وبتخافي عليه، وفي نفس الوقت بتشوفي الظلم في المعاملة بينكم كبنات وبينه كولد وحيد. اللي حصل مش سهل، والصدمة دي بتأثر على صحتكِ النفسية والجسدية، فأول خطوة مهمة هي إنكِ تعتني بنفسكِ: حاولي تاكلي ولو وجبات خفيفة، وتكلمي مع نفسكِ بلطف، وتذكري إن مشاعركِ مش خيانة لأخوكِ، بل دليل على حبكِ له. من منظور إسلامي، التربية مسؤولية مشتركة، والدلع المفرط بدون حساب أو توجيه يؤدي لمشاكل زي اللي بتشوفيها، لأن الولد محتاج حدود واضحة وتوجيه مستمر زي البنت تمامًا. أبوكِ وأمكِ ربما يظنون إنهم بيحبونه، لكن الحب الحقيقي يشمل التصحيح والمراقبة الإيجابية. أنتِ مش مسؤولة عن تصرفاته، لكنكِ تقدري تساعدي بطريقة غير مباشرة: حاولي تفتحي حوار هادئ مع والديكِ، ركزي على "خوفكِ على أخوكِ وصحته النفسية" بدلًا من سرد التفاصيل اللي ممكن تثير الدفاع، واقترحي أفكار عملية زي وضع قواعد مشتركة لاستخدام الهاتف للجميع، أو تشجيع أنشطة عائلية خارج الغرفة، أو حتى الاستعانة بمرشد تربوي إسلامي يتحدث مع الأب تحديدًا عن مسؤولية الولد الوحيد. أما بالنسبة لأخوكِ، فالتعامل معاه يحتاج صبر وذكاء: لا تواجهيه مباشرة باللي اكتشفتيه حتى لا يشعر بالخزي ويبتعد أكثر، بل ابدئي بمحادثات خفيفة عن يومه أو اهتماماته لتبني جسور ثقة، وادعي له بالهداية في صلاتكِ. أنتِ مش لوحدكِ في هذا الشعور، وابحثي عن أسئلة مشابهة على فدني لتجدي وجهات نظر إضافية تساعدكِ. خذي وقتكِ في التعافي، وتذكري إن قوتكِ في التعامل بهدوء وحكمة هتساعد العائلة كلها على المدى الطويل.
تم النشر الأربعاء، ٢٩ يوليو ٢٠٢٦
لعرض السؤال في فدني اضغط هنا