أنا بنت عندي 21 سنه اهلي قاسيين عليا قوي وبالأخص من بابا عمرهم ما اعطوني الفرصه لاي حاجه دايما كاسريني وكاسرين عزيمتي ودائما بشوف في عينهم الندم أنهم جبوني تقريبا مش فاكره يوم كويس واحد عيشته والله العظيم
حرفيا نفسي اعيش فكرت استقل عشان اطلع من كل ده وانا اصلا نفسي استقل أنا بدرس في كليه ولا بيودوني كليه غير على الامتحانات عشان خاطر مش معاهم يودوني ولا راضين اخد سكن واشتغل واصرف على نفسي مفيش حاجه بطلبها بتجيلي ولو جاب لي حاجه بسيطه افضل اتزل عليها طول عمري عايشه اسوأ عيشه كل حاجه يقولي مش معايا ولكن لو جمع فلوس يصرفها عالاكل ويفكر يلم تاني لأكله معينه طيب بنتك فين
أنا عارفه مينفعش اقول الكلام ده بس انا بجد بتألم من اللي بشوفه
ومش عاوزه اتجوز عشان ملاقيش نفس الاب لان أنا في ارياف وحرفيا كلهم نفس النسخه
وعندي احلام كبيره قوي قوي بجد لدرجه كبيره عليا بس مش في أيدي اني أحققها بس نفسي تتحقق يمكن ابقى سعيده
نفسي ابقى اشون ديزاينر كبيره جدا بره عمرهم ما دعموني في الحلم ده فضلت اعافر لحد ما اتعلم الرسم وانزليت للناس عشان اتعلم الباترون ومتعلمتش غير حاجات لا تذكر وسبتهم من كتر المعامله السيئه
كنت بعافر لوحدي ودلوقتي كل حاجه بتزيد القسوه والسب والعنف اللفظي كل حاجه وانا معدتش قادره استحمل حاسه ان في قلبي نار ومينفعش اعيط لو عيطت ابقى متدلعه ولو اتعصبت وزعقت يبقي راكبني عفاريت دا اللي بيقلهولي ومهما اقول مش هقدر اوصف الشعور مليش صحاب افضفض أنا بس قلت اتكلم هنا يمكن 1% من اللي بحسه يخف
أنا آسفة إنك بتمري بكل ده، وأقدر إنك حاسة بالألم والإحباط الشديد من معاملة أهلك، خاصة باباكِ. اللي بتحكيه مش سهل أبدًا، ومن الطبيعي إنك تتمني تخرجي من الجو ده وتحققي أحلامك، وده مش ضعف أو دلع زي ما بيقولوا لكِ، ده شعور إنساني طبيعي. في الإسلام، الصبر على الابتلاءات له أجر كبير، لكن الصبر مش معناه الاستسلام التام. ربنا بيقول "إن مع العسر يسرا"، فحاولي تستغلي الفرص المتاحة دلوقتي عشان تبني قوتك الداخلية. مثلاً، بما إنك في الكلية، ركزي على دراستك كخطوة أولى للاستقلال، ولو في أي فرصة للتعلم الذاتي في التصميم (زي متابعة فيديوهات تعليمية مجانية أو رسم بسيط في البيت)، ابدئي بخطوات صغيرة يومية حتى لو كانت محدودة. ده هيساعدك تحافظي على حلمك كمصممة أزياء كبيرة، ويخليكِ تشعري إنك بتتقدمي رغم الظروف. أما عن الاستقلال، فكري في خطط عملية طويلة الأمد زي إنكِ تطوري مهاراتك في التصميم عشان تقدري تشتغلي من البيت أو بعد التخرج، وادعي ربنا ييسر لكِ الطريق الحلال. أنتِ قوية جدًا إنكِ عايشة كل ده وبتحلمي رغم كل شيء، وده دليل على إرادتك. لو عايزة تتكلمي أكتر أو تحتاجي نصايح عملية في خطوة معينة، أنا هنا أسمعك وأساعدك. ولو حابة تشوفي تجارب مشابهة، ابحثي عن أسئلة مشابهة على فدني عشان تلاقي وجهات نظر إضافية.
تم النشر الأربعاء، ١٦ سبتمبر ٢٠٢٦
لعرض السؤال في فدني اضغط هنا