بصي يا بنت الحلال الموضوع محتاج هدوء عشان تضمني حقك وحق بنتك واهم حاجة ماتسيبيش البيت بمزاجك عشان تضمني حقك في التمكين من شقة الزوجية طالما معاكي طفلة رضيعة والقانون معاكي في النقطة دي جدا ولو هو عايز يطلق يبقى لازم يطلق رسمي ويدفع كل حقوقك من مؤخر ونفقة ومتعة ويوفر ليكي مسكن حضانة وماتسمحيش ليه يضغط عليكي بالتنازل عن اي حق مادي وروحي نيابة الأسرة هي طريقك لطلب قرار تمكين من الشقة عشان تعيشي فيها انتي وبنتك واستشيري محامي متخصص في اسرع وقت عشان يمشيكي في الاجراءات الصح وتأمني مستقبل بنتك وماتخافيش ربنا مش بيضيع حق حد طالما متمسكة بحقك بالحلال وبالقانون وعليكي بالدعاء والاستغفار عشان ربنا يفتحلك ابواب الخير ويهديلك الحال وهدوء ومتتنازليش عن اي حق من حقوقك القانون في صالحك وجد والله ربنا يحفظك ويسعدك
حصل خير والحمد الله أن المشكله اتحلت وجد والله فرحتلك من قلبي @السائلة وربنا يسترها معاكم ويحفظكم من العين ومن كل حد عايز يوقع بينكم، وايجعل بينكم مودة ورحمة مبيخلصوش. اللهم اجعل بيتها جنة، واملأ قلبها وقلب جوزها بالرضا والصبر على بعض. وبشكرك جدا على نصيحتك ليا @أحمد سعيد وجد ربنا يحفظك ويسعدك ياحبيب أخوك 🩵.. وبشكر اختي @Nehal Nassar جدا جدا أنها كانت عايزه ميحصلش مشكله وبتوضح الآراء ودي حاجه كبير ربنا يحفظها 🩵.. وبعتذر من @السائلة مره تاني انتا وجعنا دماغه معاني بعتذر من حضرتك جدا😊 .. وشكرا جزيلا لكم جميعا
تم النشر الاثنين، ٦ أبريل ٢٠٢٦
@السائلة ربنا يهدى سركوا ويهديه ليكى ولبنته ويهديكى انتى كمان ل زوجك ولبيتك ويزيل التوتر ما بينك وما بين والدك و إن شاء الله ربنا يوفقك فى امتحانك وبإذن الله تعديه على خير وتقفى على رجلك بإذن الله وإن شاء الله تيجى هنا تفرحينا بعد الإمتحان ... يا سلام بقى لو زوجك رايق كدا وسعيد تيجى عاملة كوباية الشاى بالنعناع كدا وكلمتين حلوين منك وتفهمى منه هو ايه اللى بيحتاجه منك بالفعل وإيه اللى يكرهوا فيكى وبيعصبه منك وكذلك انتى تقوليله كدا ايه اللى بتحتاجيه منه وايه اللى بتكرهيه فيه و تحطوا ل نفسكوا هدنة كدا وخطوط تمشوا عليها حاجة كدا زى حقوق وواجبات كل واحد فيكم وتتفقوا عليها .... ونصيحة مش عارف طبيعة زوجك إيه أو حتى ظروفكم أيه بس الراجل عموما بيحب يحس انه متقدر وانه حاجة كبيرة هقول حاجة غريبة شويه بس مثلا لو دلوقتى مثلا وانتوا بتتعاملوا عادى وفيه صمت ما بينكم خليه برا كدا وخشى على الواتس وابعتيله (( الله لا يحرمنا من خيرك ولا من دخولك علينا سليم معافا ودايماً تكون سند ومصدر قوة وحماية لينا)) ❤️ هتشوفي مهما كان بينكم زعل هيفرح ازاي ويا سلام لو جاب ليكم حاجة في البيت مهما كانت بسيطة تمدحيه عليها وتقولي ليه يا ربّ دايماً تدخل علينا بالخير ❤️ الرجالة بيحبوا يتحس بقيمتهم وإن ليهم القوامة وإن العشرة الطيبة موجودة والإمتنان والتقدير من الزوجة محفوظ.
تم النشر الاثنين، ٦ أبريل ٢٠٢٦
مفيش خناق ولا حاجة انتي مكتبتيش تفاصيل في السؤال ف كل واحد فهم حاجة وكل واحد كان بيحاول يساعدك- الحمد ربنا يهدي سركوا يا رب
تم النشر الاثنين، ٦ أبريل ٢٠٢٦
@أحمد سعيد كلانك فادني فعليا كتير و الله
تم النشر الاثنين، ٦ أبريل ٢٠٢٦
ما تتخانفوش بس عشاني .
تم النشر الاثنين، ٦ أبريل ٢٠٢٦
الحمد لله أخدنا هدنة صمت و الكلام طلع كان انفعالات مننا احنا الاتنين و مش هننفذ منها حاجة بإذن الله . انا شخصيا اخترت إني مستحيل أدخل ببنتي في الدوماة دي .
تم النشر الاثنين، ٦ أبريل ٢٠٢٦
ربنا يصلح حالك اللهم امين
تم النشر الاثنين، ٦ أبريل ٢٠٢٦
أشكركم جميعا .
تم النشر الاثنين، ٦ أبريل ٢٠٢٦
كلامي هنا لاختنا صاحبة السؤال انتي ادري ببيتك وجوزك وبنتك وانتي اللي عارفة حياتك معاه وعارفة المشاكل اللي مريتوا بيها وانتي اللي عارفة في امل في العلاقة دي ولا لاء ف انتي هنا صاحبة القرار ف انتي راجعي نفسك شوفي سبب المشاكل اللي بينكم ايه هل عدم اهتمام بالبيت او بيه هل مش بتعملي احتياجاته سواء الاكل او اللبس او مش مهتمية بنفسك شوفي ايه سبب المشاكل من الاول ايه اللي خلاكوا توصلوا للمرحلة دي وانتوا يعتبر لسه متجوزين قريب ولو عرفتي السبب حاولي تصلحيه وفضي قلبك وحاولوا تفحتحوا صفحة جديدة مع بعض علي الاقل علشان خاطر بنتكوا - اقعدي معاه وقوليله ايه اللي وصلنا لكدا اتناقشي معاه وشوفي علي الاقل تكوني عملتي اللي عليكي قدام ربنا - بس خلي بالك حتي لو متخانقين طول ما انتي علي ذمته ف لازم تعملي مسئولياتك كاملة علشان متاخديش وتلعنك الملايكة @السائلة
تم النشر الاثنين، ٦ أبريل ٢٠٢٦
كلنا قلنا رأينا علي حسب كل واحد فهم ايه من كلامها في السؤال عن نفسي اللي فهمته انه بايعها علشان كل شوية يقولها روحي عند اهلك ولما راحت ابوها رجعها من غير من يقرص ودانه حتي ولما رجعت عايزها تخدمه ف اتخانقوا ووصلت للطلاق وكمان مش عايز يديها حقوقها ف الملخص انهم خلاص وصلوا لمرحلة انهم قرروا علي الطلاق بس بيامنوا نفسهم الاول ف ردنا كان مبني علي اللي فهمناه من السؤال وشايفة ان رأي استاذ عصمت صح لانهم وصلوا لحيطة سد يبقي خلاص كل واحد يشوف مصلحته فين بس كمان رأيك صح جدا لاننا بردو منعرفش تفاصيل ويمكن في امل في العلاقة دي بس كل واحد فيهم راكب دماغه
تم النشر الاثنين، ٦ أبريل ٢٠٢٦
@Nehal Nassar والله عادى مش قصدى حاجة بس مينفعش زوجة عايزه تاخد نصيحة وتعبت من الحمل اللى عليها وعايزه تستفسر عن حاجة وتسمع أروح أقولها روحى اتطلقى والقانون حافظلك وعاملك والله يا نهال الطلاق ما فيه النجاه دا متاعبة ومصاعبة أكبر بكتير أوى من ان هيا تكمل هى صعبانة عليا اوى انها مخيرة ببن نارين فى الحالة ديه مينفعش أديها نصايح أو أظهر تعاطفى وخلاص... نصايحى هنا يا نهال من غير ما أفهم الموضوع كامل هيوديها فى داهية و تعاطفى معاه من غير فهم كدا هيعصى قلبها على زوجها أكتر ف لازم فى حاجة زى كدا يا تدعى لها ب ظهر الغيب ربنا يفك عنها اللى هى فيها ويخفف عنها أو تحاول تفهم الموضوع كامل وبعدين تقول نصيحتك ديه أعراض وبيوت ناس ممكن تنخرب يا نهال فاهمانى وبنتها صعبانة عليا أوى أنا حزين أوى على بنتها ومتعصب من زوجها دا ونفسى والله أساعدها وغالبا اللى هما فيه دا عدم نضج منهم هما الاتنين ب حجم المسئولية اللى هما فيها ووالله شيخ بسيط من عندهم من المنطقة معروف ب رزانة عقلة والموضوع هيتحل والله
تم النشر الاثنين، ٦ أبريل ٢٠٢٦
اهدوا يا جماعة فيه ايه صلوا علي النبي -ممكن طيب تفهمنا وجهة نظرك @أحمد سعيد
تم النشر الاثنين، ٦ أبريل ٢٠٢٦
@Esmat Ali هو يعنى مش عايز أقدم نصيحة هخسر حاجة لو قولت كلمتين كويسين ... بس حضرتك نصحيتك اللى بتقولى قدم نصيحة من غير ما تسأل فى تفاصيل مبنى عليها زواج وطلاق فاهم يعنى إيه انت مدرك يعنى إيه طلاق طيب مش لازم تظهر فى كل الأمور التعاطف كلمتك هنا هتحاسب عليها افهم وبعدين احكم فاهمنى ع العموم مش حابب أتجادل أو أقنع فى الموضوع دا وياريت يا عصمت قبل ما تكتب آيه أو تتكلم فى الدين سواء انت أو حد تانى هنا نهال أو حتى السائله تفهم الآيه اللى انت بتكتبها وكمان بتفسرها كمان الموضوع أكبر من كلمتين هيتكتبوا أنا أتقبل رأى أى حد أيا كان فى أى موضوع لكن هتتكلم فى دين الله لا ديه حدود يا عصمت ياعتها أقولك دارس إية ؟ حافظ إيه من كتب الشريعة اللى بتبنى عليها تفسيرك وإجابتك وهنا مش قصدى عليك أو على الموضوع اللى احنا بنتكلم فيه هنا بس من حيث المبدأ والفكرة و ياريت تروح تبحث عن أحكام وشروط وحقوق وواجبات الزوجين فى الزواج والطلاق فى الدين الإسلامى ونفس البحث فى قانون الأسرة المصرى وقارن يا صاحبى وبعدين رد عليا وعلى غيرى وأنا والله مش هتكلم ولا هعترض .... اقرأ الرسالة ديه ومش لازم ترد عليها علشان مش حابب أتجادل معلش بس بوصلك فكرة مش أكتر بالتوفيق يخويا 🤍
تم النشر الاثنين، ٦ أبريل ٢٠٢٦
يا استاذ @أحمد سعيد الست عرضت مشكلتها باختصار عشان محتاجة نصيحة في موقف محدد وصعب ولو كانت حابة تدخل في تفاصيل أكتر أو تحكي أسرار بيتها كانت عملت كدا من الأول لكن الستر مطلوب والشرع أمرنا بكدا واحنا هنا بنرد على المعطيات اللي قدامنا وبنحاول ننصفها باللي يرضي ربنا ويحفظ كرامة بنتها والنفقة والسكن حق شرعي واجب بنص القرآن والسنة لقوله تعالى أسكنوهن من حيث سكنتم من وجدكم فبدل ما نضغط عليها عشان تحكي تفاصيل هي مش حابة تقولها ياريت نركز في المساعدة بكلمة طيبة وحل يرضي الله لأن مصلحة البنت الرضيعة هي الأهم وربنا يهدينا جميعا للحق ويستر على الجميع ويجعلنا عون للمحتاج مش سبب في ضيقه وضغطه بأسئلة هو في غنى عنها وجد والله كامل الاحترام لشخصك .... وشكرا جزيلاً ليكي @Nehal Nassar على رد حضرتك ... وبعتذر للسائله عن الخلاف ده وجد والله ربنا يحفظكم ويسعدكم 🌷
تم النشر الأحد، ٥ أبريل ٢٠٢٦
@Nehal Nassar بصى لو اتكلمت فى وجهة نظرى دلوقتى ممكن الأستاذة تحسنى منحاز ل زوجها وفى نفس الوقت مش عايز أزايد عليها فى اللى هى فيه إن شاء الله لما بس نخلص هنا افتكرى انتى الإجابة اللى فوق وخليكى فاكراها وأنا إن شاء الله هوضحلك وجهة نظرى وازاى فى الدين الإسلامى الأمور دي بتتحسب لأن احنا بنتكلم على بيت من بيوت المسلمين قائم بالفعل وعلى وشك الإنهيار سواء كملوا إن شاء الله أو لقدر الله انفصلوا كل حاجة ليها قوانين وشروط وحقوق وواجبات فى الإسلام أبعد ما يكون عن القانون المصرى بس لما يجى الوقت المناسب هفهمك يا نهال
تم النشر الأحد، ٥ أبريل ٢٠٢٦
ايه اللي حرام جملة والقانون بداية جملة تانية بس عايزة افهم وجهة نظرك ان اجابة استاذ عصمت حرام @أحمد سعيد
تم النشر الأحد، ٥ أبريل ٢٠٢٦
@Nehal Nassar انتى قولتى إيه اللى ""حرام "" وبعدين قولتى ""القانون ""بيقول ف انتى مقصدك وعايزه تفهمى حلال وحرام ولا تفهمى القانون بيقول إيه ؟
تم النشر الأحد، ٥ أبريل ٢٠٢٦
ايه اللي حرام القانون اصلا بيجبر الراجل انه يجيب سكن للحاضنة والمؤخر والقايمة دا حقها بردو ومعني انه كاتب الشقه باسم والدته ف معني كدا انه عايز يطلق وميدهاش الشقة او حقوقها والله اعلم بنيته بردو علشان منظلموش
تم النشر الأحد، ٥ أبريل ٢٠٢٦
وجهة نظرك تحترم بس الست في وضع صعب ومحتاجة حلول عملية تسترها هي وبنتها والشرع والقانون كفلوا للمرأة حقوقها في السكن والنفقة عشان ما تتبهدلش هي وطفلة رضيعة ومحدش طلب غير الحق والعدل فبدل ما تهاجم النصيحة وتعتبرها مسواحة ياريت تفيدنا برأيك اللي شايفه صح عشان نساعدها تخرج من أزمتها دي لأن الهدف في الآخر هو الستر ومصلحة البنت وربنا يهدي الجميع الحق يصلح الأحوال
تم النشر الأحد، ٥ أبريل ٢٠٢٦
بس انت مفيش أى حاجة من اللى قولتها حلال ! مينفعش تحكم على موضوع مش واضح ليس هكذا تحكم على الأمور يا عصمت حاول تفهم الموضوع كامل وبعدين قول رأيك علشان ما تسوحش الست الغلبانة ديه ب رأيك
تم النشر الأحد، ٥ أبريل ٢٠٢٦
لعرض الإجابة في فدني اضغط هنا