انهيت المرحله الاعداديه هذه السنه ولكن محتاره بين الثانوي العام(البكالوريا) وثانوي التمريض ماذا افعل وكيف اختار.
بصي يمنونه القرار دا بيرجع لهدفك انتي ف المستقبل لو انتي متأكده انك حابه المجال الطبي و مستعده لدراسه التمريض و التدريب العملي فا اوكي و كمان الثانوي التمريض ممكن يكون اختيار ممتاز ويوصلك لسوق العمل بشكل اسرع اما بقي لو لسه مش محدده عايزه تبقي اي وعايزه تسيبي نفسك فرص اكتر لدخول كليات وتخصصات مختلفه فا الثانوي العام حيكون مرن اكتر اهم حاجه تشوفي انتي عايزه اي و اوعي تختاري بناء علي كلام الناس اختاري الحاجه الي تناسب ميولك وقدراتك و تكوني مقتنعه بيها و ربنا يوفقك يحبيبتي يارب
تم النشر الخميس، ١٦ يوليو ٢٠٢٦
أهلاً يا منة، أفهم تمامًا شعورك بالحيرة في هذه المرحلة المهمة بعد الإعدادية، فالاختيار بين الثانوي العام والتمريض يؤثر على مسارك التعليمي والمهني لسنوات قادمة. دعيني أساعدك في التفكير بطريقة عملية ومنظمة لتختاري ما يناسبك. ابدئي بتقييم اهتماماتك وقدراتك الشخصية: هل تحبين المواد العلمية مثل الأحياء والكيمياء وتشعرين بالرغبة في مساعدة الآخرين في مجال الصحة؟ إذا كان الأمر كذلك، فقد يكون ثانوي التمريض خيارًا مناسبًا لأنه يوفر تدريبًا متخصصًا سريعًا وفرص عمل مباشرة في المستشفيات بعد التخرج، مع طلب كبير على الممرضات في سوق العمل. أما إذا كنتِ تفضلين الاستكشاف الأوسع والحصول على فرص جامعية متنوعة مثل الطب أو الهندسة أو غيرها، فالثانوي العام يمنحك مرونة أكبر رغم أنه يتطلب جهدًا أكاديميًا أعلى وسنوات دراسية إضافية. فكري أيضًا في أهدافك المستقبلية والظروف العملية: هل تفضلين الدخول إلى سوق العمل بسرعة لدعم نفسك أو عائلتك، أم أنكِ مستعدة للاستثمار في تعليم جامعي أطول؟ قارني بين الخيارين من حيث المناهج والضغط الدراسي والفرص المتاحة في بلدك، واستخدمي ورقة لتدوين نقاط القوة والضعف لكل مسار بناءً على شخصيتك. تذكري أن الاختيار يجب أن يعتمد على ما يناسب قدراتك وطموحاتك، وليس فقط على آراء الآخرين. يمكنك البحث عن أسئلة مشابهة على فدني للحصول على وجهات نظر إضافية من تجارب الآخرين. أنتِ قادرة على اتخاذ قرار مدروس، وأنا هنا لدعمك في أي خطوة قادمة.
تم النشر الاثنين، ١٣ يوليو ٢٠٢٦
ثانوي عام افضلك فرص احسن
تم النشر الأربعاء، ١٥ يوليو ٢٠٢٦
أنا مش مقتنعة بفكرة ان الممرض أقل من الدكتور الاتنين هما عاملان رئيسيان لنجاح المنظومة تعالوا اضربلكوا مثال. القلب والعقل هل نقول القلب أهم وهو الكل فى الكل. أو نقول العقل أهم وكده يعنى لا. الاتنين لما ينسقوا مع بعض نعيش فى سلام وأمان. زى كده لو الدكتور نسق مع الممرض هنعيش فى سلام وأمان طب تمام لو الدكتور أهمل نقول إهمال طبيب ونطلع عليه كل الحق بس فى إهمال ممرض فى إهمال مثلا عامل نظافة فى إهمال اللى بيشتغلوا مثلا. ممكن ممرض يهمل ويعرض حياة إنسان للخطر ومش بالمستوى دورى على ميولك. وبالتوفيق. وعلى فكرة انا داخلة ثانوية عامة
تم النشر الأربعاء، ١٥ يوليو ٢٠٢٦
هو على حسب ميولك أنتى حابة التمريض ولا لا مش حته مستوى خالص مهو التمريض بيتعب فيه بردو ومهنة عظيمة وبتنقذ ناس وببتأثر على الحالة النفسية للناس ياإما مبسوطين يا إما زعلانين من طريقه الممرض أول حد بيبقى موجود مع المريض الممرض وكمان لو هو مش ملتزم أخلاقيا ممكن الحالة النفسية للمرضى تتعب ف لازم المنظومة كلها من أول عامل النظافة للدكتور تكون متناسقة زى الجسم وأعضاؤه أقل عضو فى الجسم ليه أهم وظيفة وممكن يودى بالبشر الهلاك. نيجى على البكالوريا أو الثانوية العامة على حسب طموحك ولو عاوزه أى وظيفة منهم ادخليها فورا حتى ولو جايبه مجموع التمريض.
تم النشر الأربعاء، ١٥ يوليو ٢٠٢٦
لا طبعا هو سهل جدا بس حسيت بالدونية و خاصة ان في ناس مستواها اقل مني بقوا دكاترة عشان مهربوش و خدوا الريسك
تم النشر الثلاثاء، ١٤ يوليو ٢٠٢٦
حسب مستواك و متسمعيش لحد، دمروني و دخلت تمريض و اديني بدفع التمن
تم النشر الثلاثاء، ١٤ يوليو ٢٠٢٦
لو ضامنه انك هتمسكي منصب إداري أو معيدة تمام م ضامنه بلاش تمريض للبنات
تم النشر الأربعاء، ١٥ يوليو ٢٠٢٦
تمريض للبنات لا
تم النشر الأربعاء، ١٥ يوليو ٢٠٢٦
شكراً
تم النشر الأربعاء، ١٥ يوليو ٢٠٢٦
ولو محتاجه تسألى عن حاجه أنا فى الخدمة
تم النشر الأربعاء، ١٥ يوليو ٢٠٢٦
بصى فى كليات كتير مهمة وأنا مقتنعة ان الكليات كلها مهمة مافيش حاجه اسمها كلية أهم وفى كلية تمريض من ثانوى وفى تمريض مابعد الاعدادى شوفى على حسب شغفك وحبك لأى واحد فيهم هو فعلا البكالوريا نظام مقلق وجديد ومش هتعرف تتعلمى برا أصل الدول مش عندها بكالوريا عندها ثانوى فهمتي قصدى بس مشي ورا حلمك للآخر حتى ولو الموضوع صعب
تم النشر الأربعاء، ١٥ يوليو ٢٠٢٦
اللي محيرني مش الصعوبه أو المستوي بالعكس أنا شاطره جداً الحمدلله بس نظام البكالوريا جديد وكل اللي بيدخل ثانوي بيقولي اوعي تدخليه فأنا عشان كدا محتاره وخايفه لو دخلت ثانوي مجيبش المجموع اللي بحلم بيه واندم اني مدخلتش تمريض واساساً لو دخلت ثانوي يبقي عشان ادخل طب أو تمريض برضو في الآخر.
تم النشر الأربعاء، ١٥ يوليو ٢٠٢٦
بصي حسب عقليتك وهدفك التمريض مش وحش خصوصا انه طريق واضح ومتصدقيش اللي يقولك سهل كمان عايز مذاكره لكن كله بينجح اما لو حبيتي تكملي بعد المعهد كليه وكده هيكون أفضل طبعا لكن الثانوي بيتيح ليكي فرص احسن ومتنوعه طبعا
تم النشر الأربعاء، ١٥ يوليو ٢٠٢٦
اقتنعت شكراً 💗
تم النشر الثلاثاء، ١٤ يوليو ٢٠٢٦
أولًا بالتوفيق في الـ جاي، أما جزئية ثانوي عام أو بكالوريا فـ البكالوريا حاليًا إجبارية الثانوي العام مش موجود بقت إجباري في المدرسة أصلًا أنصحك بالتمريض طريق واضح ومش هتعيش توتر ثانوية عامة هتكوني ماشية في تراك واضح حتى لو بذلتي مجهود هيعود لك، بالتوفيق 🤍.
تم النشر الثلاثاء، ١٤ يوليو ٢٠٢٦
ندمانه عل التمريض ليه عشان صعب يعني
تم النشر الثلاثاء، ١٤ يوليو ٢٠٢٦
لعرض السؤال في فدني اضغط هنا