السلام عليكم،
أنا جبت مجموع كبير في الإعدادية و أهلي استشاروا ناس كتير قالوا دخلوها تمريض وظيفة و مضمون و مش عارفة اي، دلوقتي انا داخلة تانية معهد بس مش عارفة اتقبل اني هكون ممرضة و خاصة ان في ناس مستواها اقل مني و هيكونوا دكاترة و انا طموحة مش برضى بقليلي،
و بفكر اقدم ثانوية عامة منازل و ان شاء الله هعمل دا، بس المشتتات كتير زي المستحدثات العصرية اللي زادت بتحاول تقنعني انها افضل من طب او اي كلية تقليدية عموما او اتعلم لغة و اسافر او مهارة و اشتغل فريلانسير و كدا،
بس نا نفسي ادخل ثانوية عشان نفسي اتكسرت بسبب اني حسيت بعدم كفايتي و قدرتي على تحقيق شئ والدي قالي لو مش هتجيبي طب متدخليش، و بتعالج نفسيا دلوقتي و دا أحد أكبر الأسباب، ممكن رأيكم في الموضوع و شكرًا ليكم.
متخليش مجموع الإعدادية يحدد قيمتك أو مستقبلك. في ناس كتير بدأت من معهد أو كلية عادية ونجحوا أكتر من ناس دخلوا كليات قمة. لو نفسك في ثانوية عامة وقدامك فرصة حقيقية وقدرة على المذاكرة، استخيري ربنا وخدي القرار اللي يريحك، لكن متاخديهوش عشان تثبتي لحد حاجة. والأهم متقارنيش نفسك بحد، لأن كل واحد ليه طريقه ورزقه. وكلام والدك ميكسركيش، خليه دافع إنك تنجحي وتثبتي لنفسك قبل أي حد. ربنا يوفقك ويكتبلك الخير في أي طريق تختاريه. 🤍
تم النشر الثلاثاء، ١٤ يوليو ٢٠٢٦
مين قالك ان الاقل منك هيجيب طب.. الثانويه صعبه و امتحاناتها بتوقع العيال كل سنه عشان الجامعات الخاصه و الاهليه تشتغل و مش كله معاه يدفع فبيضروا يدخلو حقوق و تجاره او ياخدوا دبلومه تمريض فمش كلهم فطب ثانيا لو دخلتى طب و ثانوى مش هتعرفى توفقى بينهم والله.. عارفه انك دلوقتى عندك الطموح و الهمه بس لما تدخلى فى الجد هتسيبى واحد فيهم و هتزهقى من عيشتك الصح دلوقتى لو انتى عاوزه تكونى حاجه فلسه فايدك كملى فى التمريض و ادخلى كليه و هاتى امتياز و ان شاء الله تتعينى معيده فكليه تمريض و ده بالف دكتوره و ربنا يوفقك يرب 🌹😊
تم النشر الثلاثاء، ١٤ يوليو ٢٠٢٦
وعليكم السلام ورحمة الله، أولاً، أقدر شعورك ده جدًا، وأنا فخورة بيكِ إنك بتشاركي كل التفاصيل دي بصراحة. إحساسك بعدم الكفاية وبأن طموحك أكبر من المسار اللي أنتِ فيه دلوقتي طبيعي جدًا، خاصة لما تكوني طموحة وبتقارني نفسك بغيرك. لكن خليني أقولك حاجة مهمة: قيمتك مش مرتبطة بالكلية أو المهنة اللي هتدخليها، ولا بكلام والدك. أنتِ إنسانة ليها قيمة كبيرة، والعلاج النفسي اللي بتعمليه خطوة شجاعة جدًا عشان تعالجي الجذور دي. بالنسبة لقرارك، فكري فيه بهدوء بعيدًا عن الضغط. التمريض فعلاً مجال مضمون وفيه فرص كتير، لكنه مش مناسب للجميع، ولو إنك مش مقتنعة بيه هيأثر على رضاكِ عن نفسك وعن شغلك. فكرة تقديم ثانوية عامة منازل فكرة عملية لو أنتِ مستعدة تبذلي الجهد وتديري وقتك كويس، خاصة إنك بتقولي إنك هتعملي كده. بس قبل ما تقرري، اسألي نفسك: هل أنا عايزة الطب فعلاً عشاني أنا، ولا عشان أثبت للناس أو لأبويا إني قادرة؟ الطموح الحقيقي بييجي من جوا، مش من المقارنة. بالنسبة للمشتتات زي تعلم لغة أو الفريلانس، دي خيارات كويسة لكنها مش بديل عن بناء أساس قوي في التعليم لو ده هدفك. ركزي دلوقتي على خطة يومية صغيرة: خصصي وقت للدراسة، ووقت للعلاج النفسي، وقللي التعرض للأفكار اللي بتشتتك. وتذكري إن التوكل على الله مع الأخذ بالأسباب هو الطريق الأمثل، وإن ربنا بيقدر لكِ الخير حتى لو مش شايفاه دلوقتي. أنتِ قادرة تتجاوزي الشعور ده، وكل خطوة بتاخديها دلوقتي بتبني مستقبل أقوى. لو عايزة تتكلمي أكتر عن خطة عملية للتوازن بين الدراسة والنفسية، أنا هنا.
تم النشر الثلاثاء، ١٤ يوليو ٢٠٢٦
ممكن تكملى بعد المعهد كلية تمريض .. او لو طموحك اعلى قدمى منازل وتوكلى ع الله .. الفرصة قدامك وانتى فى احلى سنين عمرم تقدرى تتحكمى ف مصيرك وتحددى مستقبلك ومتخليش اى مشتتات تلهيك او تأخرك .. بالتوفيق
تم النشر الثلاثاء، ١٤ يوليو ٢٠٢٦
لعرض السؤال في فدني اضغط هنا