انا متلغبطه جداً ومحتاجه نصيحه.
انا مخلصه الثانوية العامة من سنه، ومدخلتش جامعه عشان اللي جالي في التنسيق سكرتاريه وكمان ٤ سنين وعشان اكمل الاربع سنين لازم اكون جايبه 99%، فمعجبنيش الصراحه + انها حاجه مليش ميول ليها ولا حتى محاسبه، فكان الحل اني ادخل خاص، والظروف ساعتها مكنتش تسمح عشان كنا بنبي و اي فلوس البيت اولى.
انا بحب الرسم والحاجات اللي فيها تصميم، زي الازياء والجرافيك ديزاين فكنت عايزه ادخل كليه بتدرس الحاجات دي.
انا جايبه 56.5% والسنادي كنت عايزه اقدم تربيه نوعيه بس لقيتها بتاخد اقل حاجه من 57% وكمان في مطروح وانا في محافظه تانيه، وبابا رافض اني اطلع من البيت اصلاً فمابلك محافظه مختلفه وسكن.
حاولت ادور على بديل لقيت معاهد في اكتوبر والتجمع والمصروفات بتاعتها يعنى متوسطه، بس هما بعيد شويه عني والدراسه كل يوم، يعني اقل حاجه 3000 جنيه في الشهر عشان المواصلات، وكدا المصاريف هتكون زياده اوي على اهلي.
دورت على معاهد تانيه ومجالات تانيه زي الترجمه او الحاسبات والمعلومات لقتهم عايزين مجاميع اعلى، سألت عن التعليم المدمج فيها وقت فراغ وهو يوم واحد دراسه وباقي الايام ادور على شغل في حضانه ولا حاجه لحد ما اجمع فلوس واشتري لابتوب لقيتهم لغو درجه البكالوريوس.
دلوقتي مفيش حاجه قدامي غير سياحه وفنادق ودي بابا رافضها، وحاسبات ونظم معومات إداريه ودي انا كنت رفضاها من الاول عشان برضو مليش ميول ليها.
دلوقتي انا تعبت من التفكير والتدوير
وصعبان عليا احلامي اللي اتمنتها مع اني مطلبتش حاجه مستحيله ولا حاجة عاليه.
وفي نفس الوقت مش عايزة اتقل على اهلي، بس قصاد دا بتنازل كتير.
بابا هيدخلني بالعافيه وبيتلكك عشان اقعد في البيت، وانا قاعده ال24 ساعه السنه اللي فاتت مبعملش حاجه، حتى رافض انى اشتغل، الحاجه الوحيده اللي خلته يرضي يدخلني جامعه اني اختار تخصص اعرف اشتغل بيه بعدين من البيت.
مش عارفه اعمل اي ولا اتنازل واختار اي حاجه وخلاص ولا اصر على موقفى واتقل عليهم + زائد اني خلاص معنديش وقت للتفكير عشان التقديم هيقفل يوم الأربعاء.
مش عارفه اعمل اي.
يا بنت الناس..متزعليش نفسك خالص ومتحسيش إنك بتتنازلي ولا حاجة أدخلي المعهد المتاح قدامك زي نظم معلومات إدارية واعتبريه مجرد شهادة حكومية في جيبك ترضي بابا وتطلعي بيها من البيت بدل القعدة والزهق وفي نفس الوقت هي دي الفرصة الذهبية ليكي عشان المجال ده بالذات ميزته إن شغل الجرافيك والأزياء والتصميم مبيتطلبش شهادة معينة إطلاقا والكل بيتعلمه أونلاين من البيت فاستغلي فترة دراستك في المعهد إنك تتعلمي الجرافيك ديزاين ذاتي من كورسات اليوتيوب المجانية زي قناة نور حمصي أو أحمد إبراهيم وطوري نفسك وحده وحده لحد ما تشتغلي فري لانسينج من البيت وتعملي فلوسك الخاصة وتكتسبي خبرة حقيقية تفيدك في شغلك واستغلي وقتك ومتحبطيش خالص لأن الشغف والمهارة هما اللي بيعملوا المستقبل مش اسم الكلية وجد والله ربنا يحفظك ويوفقك
تم النشر الاثنين، ٣١ أغسطس ٢٠٢٦
أنا فاهمة إنك تعبانة جدًا من التفكير والضغط ده كله، وإنك بتحاولي توازني بين أحلامك في التصميم والرسم وبين ظروف البيت والمصاريف واحترام رأي بابا. ده موقف صعب، ومش عيب إنك تحسي بالحيرة والإحباط، خاصة إن الوقت ضاغط والتقديم بيقفل قريب. خلينا نفكر عمليًا في الخيارات المتاحة دلوقتي. بما إن بابا مصر على إن التخصص يسمح بالشغل من البيت، فكري في "حاسبات ونظم معلومات إدارية" كخيار وسط: هي مش ميولك الأساسية، لكن فيها جوانب تصميم وجرافيك وبرامج يمكنك تطوريها بنفسك بعدين، وتقدري تشتغلي فريلانس في التصميم أو الجرافيك من البيت بعد التخرج. ده هيقلل الضغط المالي عليكم، وهيخليكي تقدري تتعلمي مهارات التصميم أونلاين أو بدورات بسيطة جنب الدراسة. لو رفضتيها تمامًا، هتحتاجي تقنعي بابا بخيار آخر يناسب الشروط دي، أو تقبلي التنازل المؤقت عشان تبدئي خطوة وتكملي تطوير مهاراتك في الرسم والأزياء في وقت فراغك. أهم حاجة دلوقتي إنك ما تتأخريش أكتر، فاختاري الخيار اللي يناسب الظروف ويفتح لك باب للشغل من البيت، وبعدين ابدئي تبني مهاراتك في التصميم تدريجيًا. دوري على أسئلة مشابهة على فدني عشان تشوفي تجارب بنات تانيين في نفس الوضع. أنتِ قادرة تتجاوزي الفترة دي، وهتوصلي لحل يرضيكِ ويحترم عائلتك.
تم النشر الاثنين، ٣١ أغسطس ٢٠٢٦
" وعسي أن تكرهوا شيئا وهو خير لكم " خلاص ادخلي اللي والدك عاوزه واحتسبيها عند ربنا أجر رضا الوالدين وعسي ربنا يكون كاتبلك خير في الأمر دا انتي مش شايفاه .
تم النشر الاثنين، ٣١ أغسطس ٢٠٢٦
لعرض السؤال في فدني اضغط هنا