انا متلغبطه جداً ومحتاجه نصيحه. انا مخلصه الثانوية العامة من سنه، ومدخلتش جامعه عشان اللي جالي في التنسيق سكرتاريه وكمان ٤ سنين وعشان اكمل الاربع سنين لازم اكون جايبه 99%، فمعجبنيش الصراحه + انها حاجه مليش ميول ليها ولا حتى محاسبه، فكان الحل اني ادخل خاص، والظروف ساعتها مكنتش تسمح عشان كنا بنبي و اي فلوس البيت اولى. انا بحب الرسم والحاجات اللي فيها تصميم، زي الازياء والجرافيك ديزاين فكنت عايزه ادخل كليه بتدرس الحاجات دي. انا جايبه 56.5% والسنادي كنت عايزه اقدم تربيه نوعيه بس لقيتها بتاخد اقل حاجه من 57% وكمان في مطروح وانا في محافظه تانيه، وبابا رافض اني اطلع من البيت اصلاً فمابلك محافظه مختلفه وسكن. حاولت ادور على بديل لقيت معاهد في اكتوبر والتجمع والمصروفات بتاعتها يعنى متوسطه، بس هما بعيد شويه عني والدراسه كل يوم، يعني اقل حاجه 3000 جنيه في الشهر عشان المواصلات، وكدا المصاريف هتكون زياده اوي على اهلي. دورت على معاهد تانيه ومجالات تانيه زي الترجمه او الحاسبات والمعلومات لقتهم عايزين مجاميع اعلى، سألت عن التعليم المدمج فيها وقت فراغ وهو يوم واحد دراسه وباقي الايام ادور على شغل في حضانه ولا حاجه لحد ما اجمع فلوس واشتري لابتوب لقيتهم لغو درجه البكالوريوس. دلوقتي مفيش حاجه قدامي غير سياحه وفنادق ودي بابا رافضها، وحاسبات ونظم معومات إداريه ودي انا كنت رفضاها من الاول عشان برضو مليش ميول ليها. دلوقتي انا تعبت من التفكير والتدوير وصعبان عليا احلامي اللي اتمنتها مع اني مطلبتش حاجه مستحيله ولا حاجة عاليه. وفي نفس الوقت مش عايزة اتقل على اهلي، بس قصاد دا بتنازل كتير. بابا هيدخلني بالعافيه وبيتلكك عشان اقعد في البيت، وانا قاعده ال24 ساعه السنه اللي فاتت مبعملش حاجه، حتى رافض انى اشتغل، الحاجه الوحيده اللي خلته يرضي يدخلني جامعه اني اختار تخصص اعرف اشتغل بيه بعدين من البيت. مش عارفه اعمل اي ولا اتنازل واختار اي حاجه وخلاص ولا اصر على موقفى واتقل عليهم + زائد اني خلاص معنديش وقت للتفكير عشان التقديم هيقفل يوم الأربعاء. مش عارفه اعمل اي.
تم النشر الاثنين، ٣١ أغسطس ٢٠٢٦
انا كمان داخله الجامعه السنادي ولسا مجهزتش حاجه. بالنسبه لغض البصر عشان متركزيش على حد حددي مكان زي هدف تبصى فيه وانتي كدا هتشوفي الطريق من غير اي عائق ومش هتكوني مضطره انك تخلي عينك في الأرض. انا شخصياً بعمل كدا ومعظم الوقت مبخدش بالى مين ماشي اصلاً حتى لو قرايبي 😅
تم النشر الاثنين، ٣١ أغسطس ٢٠٢٦
بجد شكراً ليكي، كلامك خفف عني شويه، لما كنت بكلم حد يقولي اللي انتي عيزاه عشان متجيش تلومينا بعدين
تم النشر الاثنين، ٣١ أغسطس ٢٠٢٦
عادي ولا يهمك أنا برضو كنت مفكره كدا الاول لحد ما دورت كتير ولقيت اللي بيقول ان نظم المعلومات غير حاسبات ومعلومات بس وان في فرق كبير بينهم
تم النشر الاثنين، ٣١ أغسطس ٢٠٢٦
بفكر فى كدا بس في ناس بتقول انتي هتركزي على دراستك ولا انك تتعلمي مهاره تانيه، كنت لسا بكلم ماما الصبح بقولها ان مفيش حاجه غير كدا
تم النشر الاثنين، ٣١ أغسطس ٢٠٢٦
اه زي محل او عامود عربيه اي حاجه
تم النشر الاثنين، ٣١ أغسطس ٢٠٢٦
حسابات ونظم معومات مش بدرسو فيها جرافيك و جزء صغير من استخدام ادوات البرمجه
تم النشر الاثنين، ٣١ أغسطس ٢٠٢٦
لعرض الملف الشخصي في فدني اضغط هنا