انا ليا ابن خاله هو في 3 اعدادي وانا اكبر منه بخمس سنبن هو بالنيبه ليا اخويا الصغير واحنا قريبين من بعض اوي بس مؤخرا حاسه انه مش بيعاملني زي اخته الكبيره يعني بيقول حاجات علي سبيل الهزار بس ماتنفعش اكنه شاب بيقرب من بنت ونظراته متجاوزه معايا لدرجة انه لازم اكون لابسه حجاب كامل واحنا مع بعض مش عاوزه اكون بكبر المواضيع بس هو سنه دلوقتي بيبقي في تغييرات من حيث الفكر او شكله وكل حاجه انا خايفه يكون بيهدر مشاعره اللي لسه مش فاهمها دي عليا فاانا بحاول طول الوقت افكره انه اخويا وعيل بالنسبه ليا بس هو بييجي عندنا تقريبا كل يوم وده مش العادي وبيفضل سهران لوقت متأخر لدرجة كل البيت ينام مثلا وافضل انا وهو قاعدين وانا بتحرج اقوله يمشي عشان خاطر خالتو وامي ملاحظه انه بييجي كتير وانا خايفه يكون متخيل صورة تانيه عني انا بجد مش عارفه اتعامل زي الاول معاه الموضوع يضحك ويضايق في نفس الوقت هو ماشاء ماعدش صغير حتي جسمانيا انا بالنسبه له ضئيله اصلا فمش عارفه اكلم مين ولا اعمل ايه ولا اقوله اي والموضوع زايد ومأفور والله
هديكي من واقع خبرتي لاني كنت صغير في يوم من الايام وحصل نفس الموضوع ويمكن كانت هي نفس السن وانا تانيه اعدادي تقريبا الفكره اننا بنبقا فاهمين الحياه غلط في السن ده فاللي حصل ان اللي كنت معجب بيها دي صارحتني بالكلام ولما حستني مش مقتنع او مفيش فايده مني اختفت مره واحده ولحسن الحظ ان بيتها مش جمبنا وبعدها بفتره اتجوزت وانا زعلت بس نسيت الموضوع وحضرت فرحها وسلكت عليها وحضنتها ورقصت معاها بس واانا مقتنع انها زي اختي مش زي ما كنت فاكر الاول وقاعد بضحك كل ما افتكر فالفيصل اقطعي علاقتك بيه او لو مش حابه اول ما تحسي ان في تجاوز منه نظر كلمه فهميه ان ده غلط وانه اخوكي الصغير وانتي مش شايفه غير كد وخليكي جريئه وقاسيه حتى لو هيتصدم ويزعل وميكلمكيش تاني عادي بس هيفوق مع الوقت وهيرجع يكلمك بس وهو شايفك اخته بس ولو كلمتيه وخد الموضوع بهزار ورجع يتجاوز تاني اقطعي علاقتك بيه تماما او اختفي تدريجي من حياته انشغلي متقعديش معاه كده فصارحيه وخليكي جريئه في كلامك هيزعل بس هيفهم مع الوقت ان اللي كان فيه ده عبط
تم النشر السبت، ٢ مارس ٢٠٢٤
لما يجي البيت .. ياريت متقعديش معاه واخرك اهلا .. اهلا وسلام عليكم. وتدخلي على غرفتك لحد ما يمشي .. وكل مرة تعملي نفس النظام. وخلي الكلام معاه بحدود جدا، لانه ف في سن حرج جدا. ومينفعش تقعدي معاه وانتي لوحدكم .. طالما انتي حاسه ب حاجه .. ولو زعل مش مهم .. انتي مش بتعملي غير الصح.
تم النشر الخميس، ٢٩ فبراير ٢٠٢٤
اي رد فعل منك حاليا مهم جدا هيقعد يفسره بالتفصيل؛ حاولي تديله انطباع انك مش طايقة هو بيسهر عندكم لوقت متأخر علشان يقعد معاكي لوحدك اكبر قدر ممكن ف متديهوش الفرصة دي متقعديش معاه نهائي لوحدك لو فكرتي انك تتجنبي تتواجدي معاه في اي مكان بمعني أصح تهربي منه ف دا هيزيده تعلق بيكي تعاملي معاه عادي كأنه اخوكي الصغير وكوني حذرة ف الإشارات اللي بتصدر منك ليه
تم النشر الخميس، ٢٩ فبراير ٢٠٢٤
اتجهلي
تم النشر الجمعة، ١ مارس ٢٠٢٤
عامليه بقرف ومتقعديش في مكان موجود فيه
تم النشر الجمعة، ١ مارس ٢٠٢٤
لعرض السؤال في فدني اضغط هنا