انا 20سنه
مشكلتي نفسيا انا عندي شخصيتين وحاسه ديما اني لو ارتبطت وقربت من حد مشكلتي هتتحل بس فنفس الوقت مبخليش حد يرتبط بياااا
انتي حاسة بالوحدة و محتاجة اهتمام و رعاية ف عقلك بيهيألك ان لو ارتبطتي المشكلة دي هتتحل و هتلاقي اللي يهتم بيكي و يحبك و يحن عليكي، لكن احب اقولك ان ده مش حل و حتى لو ارتبطتي مش هتلاقي اللي كنتي متخيلاه، الحب و الاهتمام الحقيقي بيبدأ من جوا من نفسك انتي، اقعدي مع نفسك و فكري هل انتي بتحبي نفسك؟ هل انتي بتهتمي بنفسك و بتحني عليها؟ لو انتي فعلا بتحبي نفسك مش هتحتاجي حب خارجي من حد طالما نفسك مكفياكي، انا عارفة ان ساعات بيجي علينا وقت بنحتاج دعم خارجي من حد لكن لو انتي الداعم الأساسي لنفسك ده احسن بكتير و هيغيرك للأحسن دايما، متقفيش مكانك و حاولي تتعرفي ع نفسك اكتر و حاولي تفهمي نفسك عشان تفهمي احتياجاتك و تنظمي مشاعرك، و لو عرفتي تحبي نفسك هتعرفي تحبي اللي حواليكي، و عززي ثقتك بنفسك.
تم النشر الاثنين، ٢ يونيو ٢٠٢٥
السلام عليكم ورحمه الله وبركاته 20 سنه احنا هنا بدانا في السن بنبقى محتاجين فيه حد يشاركنا تفاصيلنا اكثر ده احتياج نفسي عادي جدا الاحتياج للمشاركه مع شخص مقرب الاحتياج للزواج فلذلك هنبقى بنفكر في حد يكون شريك من الجنس الاخر لكن خلينا هنا بقى نقف عند حته مهمه جدا ان انا اعمل ده او اسد الاحتياج ده عن طريق الارتباط لا اعملي اكس ما تفكريش في ده خالص ليه بقى لانه غالبا هو ده الجزء اللي من جواكي بيقول لك ايه لا مش عايزه ارتبط بحد مش عايزه ارتبط بحد لانه دي مش سكته صح صدقي بقى الجزء ده وهو بيقول لك بلاش ارتباط اه بلاش ارتباط لكن لو في فرصه لحد متقدم ممكن يبقى فيه فرصه لخطوبه والجواز جميل جدا يعني بالسكه صح اوكي لكن بالسكه الغلط اللي هي ارتباط حد جاي بيقول لي انا معجب بيكي وبحبك وتعالي نرتبط ونشوف اذا كنا هنبقى مناسبين لا بلاش
تم النشر الخميس، ٢٩ مايو ٢٠٢٥
مرحبًا عزيزتي، شكرًا على صدقك ومشاركتك هذه المشاعر المهمة جدًا. ما تعانينه ليس سهلاً، وأنتِ على وعي بمشكلتك وهذا أولى خطوات التقدم. دعيني أساعدك في فهم الموضوع خطوة خطوة: الشخصيتان داخل نفس الشخص الشعور بأن لديكِ "شخصيتين" قد يكون تعبيرًا عن التناقضات أو الصراعات الداخلية التي تواجهينها. من الطبيعي في مرحلة الشباب أن تكوني في حالة اكتشاف للذات وللذات الحقيقية، وقد تواجهين أفكارًا ومشاعر متناقضة أحيانًا. رغبتك في الارتباط كحل للمشكلة من الطبيعي أن تشعري بأن وجود شخص قريب منكِ وداعم يمكن أن يحسن وضعك النفسي. الارتباط يجلب أحيانًا الأمان والراحة، لكنه لا يحمل دائمًا الحل الكامل لمشاكلنا النفسية العميقة. الرفض من جهة أخرى للارتباط الخوف من الارتباط وعدم السماح للآخرين بالدخول في حياتك قد يكون ناتجًا عن تجارب سابقة، قلق من الانكشاف، أو خوف من الألم أو الإحباط. نصائحي لكِ لتجاوز هذه الحالة: ابدئي بالتعرف أكثر على نفسك : اكسبي وقتًا لكتابة مشاعرك وأفكارك، جربي معرفة متى ولماذا تشعرين بهذه الصراعات داخل نفسك. هذا يساعد كثيرًا في التحليل الذاتي. لا تضغطي على نفسك للارتباط : كوني لطيفة مع نفسك، الارتباط هو اختيار مهم ومناسب عندما تكونين مستعدة نفسياً وعاطفياً. ما دمت تشعرين بأنكِ تحتاجين أولًا للعمل على نفسك، ركزي على هذا. تعلمي طرق التعبير عن مشاعرك بثقة وأمان : قد يكون من المفيد التفكير بكتابة مشاعرك، الرسم، أو حتى الانخراط في نشاطات تساعدك على التواصل مع ذاتك. ابحثي عن دعم نفسي : أنصحك بشدة بالتواصل مع متخصصة نفسية يمكنها مساعدتك في فهم مشاعرك بعمق، وضبط هذا الحوار الداخلي الذي تشعرين به. الدعم المهني هنا مهم جداً. ثقي أن الله معك دائمًا : لا تنسي أن تلجئي إلى الدعاء واستشعار قرب الله في كل موقف. التوكل عليه واليقين بأن هذه المحنة ستكون سببًا في قوتك هو أمر مهدئ. إذا أحببتِ، يمكنكِ زيارة قسم الخبراء في فدني ( https://www.fedni.net/experts ) للتواصل مع مختصات في علم النفس يمكنهن تقديم استشارات شخصية تدعمك في هذا المسار. وأيضًا، أنصحك بتصفّح أسئلة مماثلة في فدني لأن تجارب الآخرين قد تعطيكِ دفعة جديدة وتساعدك على الشعور بأنك لستِ وحدك. أنا هنا دائمًا إذا أردتِ الحديث أو تحتاجين دعمًا، فقط اطّلبي مني. دمتِ بخير وعافية يا جميلة القلب ❤
تم النشر الخميس، ٢٩ مايو ٢٠٢٥
الزواج هنا حل لأن ممكن يكون انسان يسمح لك تكوني حقيقتك ولاكن في نفس الوقت ممكن يكون انسان ينهيكي فالأفضل انك تحاولي تصارحي نفسك وتنادي على الشخصية الحقيقية وتديها الأمان انها تطلع
تم النشر السبت، ٣١ مايو ٢٠٢٥
سبب المشكلة هي انك في الطفولة عشتي ظروف خلتك تضطري تصطنعي شخصية مختلفة عن حقيقتك عشان تتأقلمي ... يعني مكانش في قبول لحقيقتك وكان دائما في توقعات عالية منك أو مثلا كان في عنف أو إهمال... فوصل لك ان شخصيتك الحقيقية سيئة ومرفوضة فلازم تخبيها وتصطنعي وش تحمي نفسك بيه
تم النشر السبت، ٣١ مايو ٢٠٢٥
انا متفائل لأنك معترفة ودي بداية العلاج فاللي فعلا منافق مش بيعترف ان عنده شخصيتين .... الزواج فعلا حل ولكن متتسرعيش لأنك وانتي في وضعك الآن مش هتختاري صح ... ليه ؟ ... لأنك باختصار معندكيش شخصيتين لاكن عندك شخصية حقيقية وشخصية مصطنعة ... فالاختيار هيكون ملخبط بين الشخصيتين
تم النشر السبت، ٣١ مايو ٢٠٢٥
التعليق اللي فوق ده لا يمثل الا نفسه .. اذا ساء فعل المرء ساءت ظنونه
تم النشر السبت، ٣١ مايو ٢٠٢٥
قصدك قولي عندك مليون شخصية 😂
تم النشر الجمعة، ٣٠ مايو ٢٠٢٥
لعرض السؤال في فدني اضغط هنا