بصي يا روحي انا متأكده انك عارفه انه العلاقة دي حرام وانه أكيد انتي طول السبع سنين في أيام جه في بالك انك تبعدي بس غلبتك نفسك والشيطان بس هقولك حاجه أولا احنا عارفين انه مفيش حاجه اسمها ولد وبنت مرتبطين او متصاحبين بدون علاقة رسمية زي الزواج دي مسميات سنيت علشان تجمل المعصية دي فبدل من قول بنت بتكلم ولد او مثلا معلش في الكلمة بنت مش محترمه لا بقينا نقول دول مرتبطين فعادي تاني حاجه المعصية دي يا روحي معصية وحشة جدا لانه فيها للاسف تجاوزات وقد توصل للزنى العياذ بالله وفيها فساد للقلب وعدم حياء من الخالق وغير انه فيها سمعه وحشه عن البنت ولو تعرفت هيكون قلة ثقة من الاهل و هتأثر على جوازها سواء لو كان الجواز من شخص تاني أو من الشخص نفسه ليه لانه الشخص ده بعد الجواز هيكون عنده قلة ثقة فيكي لانه احساسه هيكون زي مكلمتيه هتكلمي غيره عادي وده احساس طبيعي جدا لانك كلمتيه ده حتى لو انتي كلمتيه علشان بتحببه ومش هتكلمي غيره برضه هيجيله الاحساس ده والكلام ده حاصل قدامي يا روحي عندينا واحده وواحد حبوا بعض سنين وكلموا بعض وكدا واتجوزوا عن حب هو عارف والناس عارفه انه مكلمتش غيره بس كل ميتخانق معاها يقلها ده انتي كنتي بتكلميني المهنى انه انتي شمال ومبيثقش فيها ده حتى انتي قبل الجواز مبتثقيش فيه وروحتي اختبرتيه من اكونت تاني وطلع مش ثقة اومال بعد الجواز هتعملي اى اصله يا روحي الخيانة او خلينا منقولش خيانه لانه انتي ملكيش الحق في قول خيانه لانك مش في علاقة رسمية انتي مش مراته وزي مبيكلمك عادي هيكلم غيرك ولكن زي مبقول اللي بيكلم ستات ده حتى لو اتجوز طالما هو مش ببخاف من ربنا مش هيخاف منك عادي بعد الجواز هيكلم ستات والجواز طالما مش مبنى على ثقة اى فايدته مره هيكلم ومره هينجوز تاني وكدااا فياروحي الراجل اللي بيكلم ستات مش مناسب وانتي طبعا لازم تكوني ست مش بتكلم رجاله وست محترمه علشان يجيلك واحد مناسب فانتي يا قلبي لازم تتوبي لازم ترجعي لربنا وتقربي منه بإنك تصلي وتقرئي قرءان وتقربي من ربنا وتتوبي لانه باب التوبه مفتوح علشان بعدها تحطي لنفسك معيار لزوج مناسب وتعرفي تختاري صح وتبصي للانسان الصالح اللي هتحسي معاه بالامان وتثقي فيه ويثق فيكي وتعيشوا مع بعض في هدوء مش شك وحوارات فياروحي لازم تتوبي وتسيبي العلاقة دي نهائي وتقطعي الراجل ده خالص اصله اللي بيحب حد بيغليه مش بيرخصه اللي ببحب حد بييجي يتقدمله ويتجوزه مش يصاحبه ويقبى معاه في علاقة يضحك عليه لحد بس ميلاقي البنت اللي هيتجوزها وهيسيبك عاديييي خالص اصله دول سبع سنين يعني لو عاوز يتجوزك كان بنا ڤلة مش شقة علشانك وكان بقي جاهز من كل النواحي في السبع سنين دول بس الفكره هنا انه هو مش عاوز يتجوزك ولا حاجه هو بيتسلى منها اهتمام منك ومنها كلام حلو منك بيملي عليه حياته لحد ميشوفله واحده يتجوزها فبلاش ترخصي نفسك وحطي لنفسك مفهوم صحيح عن الحب عن الحب الصحي مش اي حاجه نقول عليها حب لانه اللي انتي فيه يمكن تعلق خايفه تخسري الاهتمام اللي اكيد بيعطيهولك بس مش واخده بالك انك بتخسري نفسك ودنيتك وأخرتك فزي مبقولك اقطعي العلاقة دي نهائي وتوبي منها يا روحي وخلي بالك على نفسك اتمنى تكوني استفدتي 🤍🤍🤍
شكرا اوي للاجابات الحلوة شبهكم وانا سبته رجع يبعتلي تاني وبرضه عملتله بلوك ♥
تم النشر الخميس، ١٩ يونيو ٢٠٢٥
بيضحك عليكي يا روحي أولا انتي مش في علاقة رسمية معاه علشان يبقى ليكي حق عليه ثم انه ده لو واحد متجوز واحده وفي علاقه رسمية مش مبرر انه يخونها بسبب بعدها عنه فهماني اتمنى انك تبعدي عنه 💪❤ربنا يصلح حالك وحالنا جميعا❤❤
تم النشر الجمعة، ١٣ يونيو ٢٠٢٥
عندك حق واه انا قررت بدال المرة مليون ابعد عنه عشان حرام وهو قالي ان كلامه مع البنت التانية كان بسبب اني مش موجودة معاه ومش بسمعه
تم النشر الجمعة، ١٣ يونيو ٢٠٢٥
وطبعا انتي كمان محتاجه هتهتمي بنفسك ومتخليش نفسك في فراغ ممكن تشتغلي او تتعلمي العلم الشرعي وتحفظي قرءان وكمان مثلا تعملي رياضة وتكون ليكي حياة كافيه كدا بحيث انه تكوني مهتمه بنفسك وثقتك في نفسك عاليه وهتحتاجي لشريك وحب واهتمام بس هيكون احتياج صحي وعاوزاه بطريقة صحية فهماني❤
تم النشر الخميس، ١٢ يونيو ٢٠٢٥
لعرض الإجابة في فدني اضغط هنا