آية خالد

احنا هناخد الموضوع وحدة وحدة تمام أول حاجه يا قلبي هنقول انه في غلط من عندك وفيه غلط كبير وهو الغلط الاكبر من عندهم تمام الغلط اللي هم عملوه انه واحده عندها ٣١ سنة تحكي لبنت صغيرة عن مشاكلها النفسية أصلا ثم تحكيلي عن مشاكلها الجنسية مينفعش يا قلبي انه ست كبيرة تخليها تحكيلك عن مشاكلها النفسية لانه ده معناه انه هي مش سوية نفسيا مثلا مش معاها صحاب او اخوات او حد من نفس سنها تحكيله عن مشاكلها النفسية ولكن هي لجإت لبنت صغيرة تحكيلها ثم انه مفيش انسانة سوية ومحترمه هتحكي لاي حد عن مشاكلها الجنسية تمام انا بقولك كدا علشان تاخدي بالك انها انسانه مش كويسة انتي عارفه حتى لو مفيش غيرك في الدنيا دي وانتي بالنسبالها اخت وصاحبه مش هتحكيلك لانه دي حجات مبتتحكيش ولانها المفروض تكون بتخاف عليكي وعلى نفسيتك والحجات دي أكبر من سنك تمام فانتي لازم تقطعي معاها ولازم تخلي علاقتك سطحية بيها لانها بتستغلك وبتستغل ممكن حبك ليها او نفسيتك اللي مش احسن حاجه او لانك معندكيش حد تحكيله مثلا او علاقتك بمامتك وحشه فعملت نفسها صحبتك وابتدت هي كمان تحكيلك لكن الانسانة السوية كانت هتسمعك وتحل مشكلتك لو بتحبك ولو حكتلك مشاكل عنها هتبقى حجات خفيفة حجات تتحكي وفضفة بسيطة مش مثلا كل يوم تحكيلك او تحكيلك كلام مبيتقالش تمام هنيجي لخالك خالك ده يا روحي معلش سامحيني مش راجل انسان مش كويس لانه راح لبنت يتكلم معاها في حاجه زي كدا انتي بنت اخته ده لو راح لبنته هنقول مينفعش تخيلي راح لبنت اخته وقلها احكيلي عن اللي قالتهولك مراتي عن مشاكلنا ااجنسية وكمان هو بدأ يحكيلك مش اوحش من كدا راجل ده انتي لو بنته يا قلبي مكنش حكالك لكن انتي مش غاليه عليه طالما دخلك في حاجه زي كدا وكمان مش خايف على صورته قدامك فمبيعتبركش بنته زي مانتي بتحبيه كإنه بباكي او غالي عليكي تمام فخالك ومرات خالك ناس ستمه ومش كويسة ولازم تخلي علاقتك بيهم سطحية وتوقفيهم عند حدودهم هنيجي ليكي انتي يا روحي بصي يا قلبي مش هقولك انتي صغيرة مع انك صغيرة ولكن هقولك احنا في مجتمع لازم يكون الانسان فيه قوي وشجاع وعارف يميز بين الصح والغلط وهارف يميز بين الانسان اللي المفروض يكون قريب منه والانسان اللي لازم يبعد عنه انتي يا قلبي غلطتي انك سمعتي مرات خالك لما حتلك من الاول انتي كان لازم توقفيها وتقوليلها انتي اى اللي بتحكيهولي ده اى القرف ده دي حجات مبتتحكيش يا ست انتي وكلام من ده ورفعتي صوتك وكدا ولكن انتي معملتيش كدا وده بيدل على وجود مشكلة عندك زي انك معرفتيش تحددي هل اللي بتقوله ده عادي ولا لاء او كنتي خايفها تسيبك ومتسمعكش تاني او كنتي خايفاها تحكي على اسرارك او ايا يكن فانتي لازم تقوي شخصيتك لازم تتعلمي تقولي لاء وتميزي بين الصح والغلط وتعرفي تميزي اللي قدامك هل ده انسان سوي ولا لاء واليوتيوب مليان دكاتره نفسيين بيحكو عن الشخصيات وناس بتحكي عن كيفية التعامل وناس بتثقفك وناس بتعلمك ازاي تقوي شخصيتك وناس وناس...... فانتي دوري على اليوتيوب واتعلمي لانه احنا في زمن لازم الانسان وخاصة البنت تكون فيه قوية وشجاعه ومتخلش حد يضحك عليها انتي غلطتي بس غلطك ينفع يتصلح لانه انتي عرفتي انه اللي بيحصل ده غلط فيبقى انتي ابتدي يحصل عندك ادراك ووعي ونضج اكتر من الاول ومتنسيش انه احنا ناس وبنتعلم ومره على مرة من المواقف اللي زي دي بتخليا أقوي وانضج ويما الانسان بتحصله حجات زي دي وبيقعد مع نفسه ويقرر ميخافش وميلومش نفسه بس بيحاسبها ويعلمها الصح من الغلط ويواجه الموقف بشجاعه فانتي دلوقتي عرفتي انه ده غلط خدي قرار واعي ومحترم ويرضي ربنا وخلي علاقتك بيهم سطحية وقوي شخصيتك وعلاقتك بنفسك وطبعا علاقتك بربنا

بصي يا روحي انا متأكده انك عارفه انه العلاقة دي حرام وانه أكيد انتي طول السبع سنين في أيام جه في بالك انك تبعدي بس غلبتك نفسك والشيطان بس هقولك حاجه أولا احنا عارفين انه مفيش حاجه اسمها ولد وبنت مرتبطين او متصاحبين بدون علاقة رسمية زي الزواج دي مسميات سنيت علشان تجمل المعصية دي فبدل من قول بنت بتكلم ولد او مثلا معلش في الكلمة بنت مش محترمه لا بقينا نقول دول مرتبطين فعادي تاني حاجه المعصية دي يا روحي معصية وحشة جدا لانه فيها للاسف تجاوزات وقد توصل للزنى العياذ بالله وفيها فساد للقلب وعدم حياء من الخالق وغير انه فيها سمعه وحشه عن البنت ولو تعرفت هيكون قلة ثقة من الاهل و هتأثر على جوازها سواء لو كان الجواز من شخص تاني أو من الشخص نفسه ليه لانه الشخص ده بعد الجواز هيكون عنده قلة ثقة فيكي لانه احساسه هيكون زي مكلمتيه هتكلمي غيره عادي وده احساس طبيعي جدا لانك كلمتيه ده حتى لو انتي كلمتيه علشان بتحببه ومش هتكلمي غيره برضه هيجيله الاحساس ده والكلام ده حاصل قدامي يا روحي عندينا واحده وواحد حبوا بعض سنين وكلموا بعض وكدا واتجوزوا عن حب هو عارف والناس عارفه انه مكلمتش غيره بس كل ميتخانق معاها يقلها ده انتي كنتي بتكلميني المهنى انه انتي شمال ومبيثقش فيها ده حتى انتي قبل الجواز مبتثقيش فيه وروحتي اختبرتيه من اكونت تاني وطلع مش ثقة اومال بعد الجواز هتعملي اى اصله يا روحي الخيانة او خلينا منقولش خيانه لانه انتي ملكيش الحق في قول خيانه لانك مش في علاقة رسمية انتي مش مراته وزي مبيكلمك عادي هيكلم غيرك ولكن زي مبقول اللي بيكلم ستات ده حتى لو اتجوز طالما هو مش ببخاف من ربنا مش هيخاف منك عادي بعد الجواز هيكلم ستات والجواز طالما مش مبنى على ثقة اى فايدته مره هيكلم ومره هينجوز تاني وكدااا فياروحي الراجل اللي بيكلم ستات مش مناسب وانتي طبعا لازم تكوني ست مش بتكلم رجاله وست محترمه علشان يجيلك واحد مناسب فانتي يا قلبي لازم تتوبي لازم ترجعي لربنا وتقربي منه بإنك تصلي وتقرئي قرءان وتقربي من ربنا وتتوبي لانه باب التوبه مفتوح علشان بعدها تحطي لنفسك معيار لزوج مناسب وتعرفي تختاري صح وتبصي للانسان الصالح اللي هتحسي معاه بالامان وتثقي فيه ويثق فيكي وتعيشوا مع بعض في هدوء مش شك وحوارات فياروحي لازم تتوبي وتسيبي العلاقة دي نهائي وتقطعي الراجل ده خالص اصله اللي بيحب حد بيغليه مش بيرخصه اللي ببحب حد بييجي يتقدمله ويتجوزه مش يصاحبه ويقبى معاه في علاقة يضحك عليه لحد بس ميلاقي البنت اللي هيتجوزها وهيسيبك عاديييي خالص اصله دول سبع سنين يعني لو عاوز يتجوزك كان بنا ڤلة مش شقة علشانك وكان بقي جاهز من كل النواحي في السبع سنين دول بس الفكره هنا انه هو مش عاوز يتجوزك ولا حاجه هو بيتسلى منها اهتمام منك ومنها كلام حلو منك بيملي عليه حياته لحد ميشوفله واحده يتجوزها فبلاش ترخصي نفسك وحطي لنفسك مفهوم صحيح عن الحب عن الحب الصحي مش اي حاجه نقول عليها حب لانه اللي انتي فيه يمكن تعلق خايفه تخسري الاهتمام اللي اكيد بيعطيهولك بس مش واخده بالك انك بتخسري نفسك ودنيتك وأخرتك فزي مبقولك اقطعي العلاقة دي نهائي وتوبي منها يا روحي وخلي بالك على نفسك اتمنى تكوني استفدتي 🤍🤍🤍

ممكن تطور شخصيتك تشوف ڤيديوهات عن تطور الشخصية على اليوتيوب وكدا ٢ تحفظ قرءان وتتعلم علم شرعي وتصوم ٣ تبتدي تثقف نفسك زي انك تقرأ تاريخ وتتعلم حجات مفيدة ٤ تبتدي تقرأ كتب ابتدي بكتاب مثلا فاتتني صلاة أو لا تحزن او اي كتاب حلو في مجال مفيد انت بتحبه او اقرأ روايه وتكون محترمه وترضي ربنا لانك لازم قبل متقرأ تعرف اى اللي انت رايح تقرؤه الرواية تكون مثلا ٢٠ دقيقة في اليوم علشان تفصل شويه بس ٥ تشوف انت عاوز تعمل اى مثلا فيه ناس بتحب تبني جسمها في الاجازه زي انك تروح الجيم وتلعب رياضه ٦ تلعب كورة مفيده ومسليه ٧ تهتم بأهلك وتصل الرحم ٩ لو حافظ قرءان حفظ الناس قرءان ١٠ انتظم على الصلاة في المسجد ١١ بطل سكر وقلل كافيين

بصي أول حاجه برافو عليكي انك هتحفظي القرءان وتتعلمي العلم الشرعي ♥ بصي احنا في زمن مليان ملهيات من مواقع التواصل الاجتماعي لناس تافهة لكسل لضغط لتفكير زائد لكتييير كتيير بقى يلهينا دلوقتي طيب سلاحنا اى سلاحنا هو الالتزام وضبط النفس ودول من أهم العادات اللي بتخلي الانسان ينجح في دنيته وأخرته بعد الاستعانه بالله طبعا طيب هتقوليلي يا آية ازاي أعمل كدا هقولك بالتدريب المستمر هتفضلي تدربي نفسك على الالتزام علشان بعدين لما تقولي لنفسك يلا هعمل كذا تقومي تعملي على طول طيب ازاي أول حاجه هتبتدي تحطي لنفسك حجات بسيطه زي انك مثلا النهرده لازم تسمعي محاضرة عن كيفية الصلاة الصحيحة فخلاص هتسمعيها يعني هتسمعيها حتى لو مش هتنامي مره على مره هتلاقي نفسك بقيتي انسانه قادرة تضبط نفسها ٢ موضوع السوشيال ميديا زي التيك توك انتي لازم تحددي هل انتي فعلا محتجاه يعني بيفيدك مثلا طيب بسمعي عليه اى ممكن مثلا تكوني بتسمعي عليه ريلز لشيوخ زي محمد الغليظ وكدا وده بيفيدك او بتسمعي للي بيعلموكي ازاي تطوري ذاتك او حجات حلال ومفيده وانتي حباه طيب تعملي اى انا هقولك انتي هتعلي متابعه للقنوات اللي هتفيدك وتسجلي بحساب بحيث انه لما تحذفيه وتنزليه تاني تلاقي كل حاجه موجوده زي ماهيا ثم تمسحيه دلوقتي وتقولي لنفسك انا هعلم نفسي الالتزام واول ملاقي نفسي شخصية ملتزمه وضابطه لنفسها ولما هقول مش هقعد غير نص ساعه في اليوم على التيك توك هعمل كدا يبقى سعتها هنزله لاني هقظر بكدا اثق في نفسي واثق اني مفضلش عليه كتير ووقتي يضيع وكدا ٣ علشان تمشي في طريق الالتزام هنصحك بحاجه حاولي كل يوم تسمعي فيديو عن حب ربنا مثلا لاحمد العزب او سمير مصطفي او محمد الغليظ او أمير منير أو أحمد عامر كل ده هيفيدك علشان قلبك يحي وميقساش اسمعي مثلا أسماء الله الحسنى اسمع خطب عن الجنه وعن النر وكدا وخديها واحده واحده وبراحه وخططي ليومك واسبوعك وحطي فيه انشطة مختلفه زي الرياضه زي القراءة زي القصص الدينيه زي الخروج لمكان انتي بتحبيه زي خروجه مع خواتك او صحابك على حسب اللي متوفرلك وحجات من دي كل أسبوع حلو خلي الرياضه يوميا ♥ وحاجه هتفيدك جدا لو متوفرلك انك تروحي لشيخ يحفظك قرءان روحي لانه المجموعه هتساعدك جداااا طيب لو مش متوفرلك لو عندك حد من البنات في العيله حافظه خليها تحفظك طيب لو مفيش شوفي جروب واتساب مجاني او تليجرام يكونوا بيحفظوا وخليهم يحفظوكلي ولو مفيش احفظي وحدك لانه ربنا يجازيكي ويساعدك وهيعينك طول مانتي جايبه أخرك ولو معاكي صاحبه حابه تحفظ خليها تحفظ معاكي وتساعدك وأخيرااا حاولي تخلصي النيه لله ومتخليش حد يستهزأ بيكي وخليكي قويه وجاهدي نفسك ومتخليش الشيطان يضحك عليكي ولا يقلل منك مثلا بإنه يقلك انك مرائية وكدا لانه انا حصل معايا كدا واعرفي انه أهم حاجه ربنا فرأي الناس مش مهم طالما بتعملي الحاجه علشان ربنا وطبعا بري والديكي أنا حبيت أنصحك بشوية حجات حسيت انها ممكن تفيدك وطبعا على قد خبرتي أتمنى اني أكون فدتك ومغلطتش في حاجه

أول حاجه هقولها لحضرتك انه الارتباط من غير جواز بعيدا عن الشرع حرام وأكيد حضرتك عارف كدا شوف انت حط في مخك انه انا هسيبها علشان ربنا ثم علشان نفسي ثم علشان مراتي وبنتي الجنه والدنيااهم من واحده معلش بتكلم شباب حتى لو مش بتكلم حد غيرك لانه انت في النهايه راجل مش حلال ليها لا جوزها ولا من محارمها المشكله اللي بينك وبين مراتك كان لازم تحلها معلش افضل كلمها كتير فهمها انت عاوز اى قولها واشرحلها كتير بدون انتقاد وباسلوب حلو علشان تستقبل النصيحه والكلام وشوف اجابيات مراتك زي انها محترمه مش بتكلم رجاله مثلا مهتمه بيك وببنتك عارف سعات الست بتكون طالعه من بيت اهلها فاكره الجواز انه تحضر الاكل وتهتم بالاولاد بس مش واخده بالها من ناحية الاهتمام بنفسها وكدا تمام واحترم انه انت في علاقة زوجيه هل ترضى انه مراتك تكلم راجل بالله ترضى اذا كان الغريبه مخنوق انه جييلك احساس انها بتكلم راجل طيب دلوقتي لو مراتك عرفت هتحس باى؟ شكلك قدام بنتك لو حصل طلاق بعد الشر شكل ابوها انه مامتها اتطلقت بسبب خيانه شكلك هيبقى اى فكر في ده كله لانه هيخليك تاخد خطوه انت متعلق بيها مش حاببها انت جاييلك احساس انه لو سبتها هتخسر حب هتخسر اهتمام طبيعي المخ يوهمك بكدا لانه دي حاجه متعلق بيها زي كدا اللبس القديم مش بنرضى نرميه سعات على الرغم من انه ملهوش لازمه لانه تعلقنا بيه مش اكتر ممكن ليه ذكريات حلوه شوبه بس واخد مكان في الدولاب فلازم نرميه فاهم ربنا سترك كتير ومتفضحتش فخلاص توب واستغفر توب توبه قول انك مش هترجعلها ابدا لانه دي ست مش محترمه ابعد عنها نهائي لانه اللي كلمتك عادي تكلم غير ربنا يصلح حالها وحالك استر على نفسك وعليها وانهي كل حاجه بينك وبينها بدون راجعه هي خلاص معلش في الكلمه لقيتك بتشحت اهتمام وحب منها فقالت خلاص هو اتعلق فبتتقل عليك او ايا يكن او ممكن تكون بتتوب منك او اي حاجه متفكرش في السبب وسيبها نهائي مهما حصل حتى لو هي بقيت عاوزاك متهتمش سيبها علشان لو كملت هتخسر كتير الجنه ونفسك وكبرياءك وكرامتك وزوجتك وبنتك ومش بعيد لو اتفضحت اهلها يإذوك وحجات من دي صلي وادعي كتير وطور سخصيتك خليها اقوى اسمع فيديوهات من على اليوتيوب لشيوخ ودكاتره زي الشيخ حازم شومان وسمير مصطفي وعثمان الخميس اتمنى انك تكون استفدت ربنا يصح حالك ويتوب عليك ويعطيك اللي فيه الخير ويخرج حبها من قلبك

الف سلامه عليكي يا روحي الست اللي ردت ردت بجواب يمكن كافي اللهم بارك بس هقلك على حاجه كمان لو انت مسلمه فانت لازم تبقي عارفه انه ربنا مبيجبش حاجه وحشه لحد ربنا رحيم بينا وده ممكن يكون سبب في دخولك الجنه ممكن يكون ابتلاء محتاج صبر علشان ربنا يجازيكي بالصبر ده ويدخلك الجنه فلازم يكون عندك رضا رضا بقضاء الله تكوني دايما عارفه انه ربنا مش هيعطيكي حاجه وحشه لازم تثقي بالله ادعي ربنا دايما بنعمة الصبر والرضا لانه بجد النعمتين دول بيخلوكي عايشه مرتاحه نفسيا وسعيده ومريحه بالك تقربي من ربنا صلي اقرئي قرءان ادعي وخليكي عارفه انه كمان في امراض صعبه جدا مثلا واحد عنده شلل كامل اللهم احفظنا تبصيله وتقولي الحمد لله انا ربنا عطيني الصحه قادره اتحرك واعمل كل حاجه وربنا مبيجبش حاجه وحشه لحد 🤍🤍 ربنا يشفيكي 🤲🤍🤍

بيضحك عليكي يا روحي أولا انتي مش في علاقة رسمية معاه علشان يبقى ليكي حق عليه ثم انه ده لو واحد متجوز واحده وفي علاقه رسمية مش مبرر انه يخونها بسبب بعدها عنه فهماني اتمنى انك تبعدي عنه 💪❤ربنا يصلح حالك وحالنا جميعا❤❤

وطبعا انتي كمان محتاجه هتهتمي بنفسك ومتخليش نفسك في فراغ ممكن تشتغلي او تتعلمي العلم الشرعي وتحفظي قرءان وكمان مثلا تعملي رياضة وتكون ليكي حياة كافيه كدا بحيث انه تكوني مهتمه بنفسك وثقتك في نفسك عاليه وهتحتاجي لشريك وحب واهتمام بس هيكون احتياج صحي وعاوزاه بطريقة صحية فهماني❤

الشكر لله🤍

وكمان لو قدرتي تروحي لدكتور روحي ده مش عيب ولكن لو مقدرتيش بالمناسبه أهلي زي أهلك وكمان عندينا مفيش حاجه اسمها تروحي دكتور لانه للمجانين بس😭😂 مش عارفه ليه على الرغم انه ممكن الواحد يحتاجه عادي بس مش مشكلة بكرا نشتغل ونعمل اللي احنا حابينه ومش، هننسى في الاخر انهم أهلنا وهم تربوا تربية قديمة شوية فلو مقدرتيش سلاحك هو الصبر والدعاء

بصي يا روحي انا ١٩ سنة اعتبريني أختك الكبيرة أول حاجه برافو عليكي انك بتصلي دي أحلى حاجه الانسان يعملها اناي يا غاليه لازم تقربي من ربنا لانه هو الوحيد اللي هيبقالك الوحيد اللي بيعطيكي الخير الوحيد اللي لما تحبيه مش هتتئذي بل هتفرحي وترتاحي ويكرمك الواضح انه أهلك مش مقدرين اللي انتي بتمري بيه ولا مش فاهمينك خالص بس ده مبيدلش على عدم خبهم ليمي لانه ممكن يكون اتولدوا وعاشوا واتربوا على طريقة حب معينة زي انه الاب يشتغل ةيعطي اولاده فلوس ده بالنسباله هو الحب وزي انه الام تجهز الاكل او تنضف الشقة وكدا ده بالنسبالها هو الحب فاحنا لازم ناخد بالنا من النقطه دي ونخلي في نفسنا انه هم فعلا بيحبونا بس بالطريقة اللي هم بيعرفوها مش بالطريقة اللي احنا بنحبها وومكن تكون طريقتهم غلط بس ده ميمنعش انهم يكونوا بيحبونا تمام يا روحي طيب هم مش بيحبونا بالطريقة اللي احنا عاوزينها زي الاهتمام والاحضان والهدوء والسؤال والحب بطريقة لطيفة نعمل اى هل نفضل نلوم ونعاتب ونقول انتو غلط اذا كان أهلك هيسمعولك وعندك طريقة لطيفه تكلميهم بيها كلميهم قولي يا ماما انا عاوزه كذا وكذا واحكيلهم اللي نفسك فيه طيب حكيتي ومسمعوش ليكي خلاص نبرهم علشان ربنا ونقوي نفسنا نقوي شخصيتنا ونطبطب على نفسنا ونقوي علاقتنا بربنا وده الاهم ثم تقوي شخصيتك تدوري على هوايات ليكي تكتشفي نفسك ولو عندك مشاكل نفسية ابتدي حليها مثلا اسمعي على اليةتيوب المشكلة وحلها واصبري على نفسك وهتلاقي مع الوقت بقيتي اهدى خلي عندك رضا بعيلتك وقولي الحمد لله معلش يا نفسي كل انسان هيتحاسب على اخطاؤه بس ربنا اللي هيحاسبه انا مش هحاسبهم انا هبرهم علشان ربنا وتكبري دماغك ومتخليش اي كلمه عابرة تضايقك فانتي لازم تبني شخصيتك بس هقولك حاجه مهما قويتي هتضعفي وهتاثر الكلمات فعادي خالص انك تكوني قويه معناه انك تتخطي مش معناه انه الكلمه مأثرتش خالص تمام يا روحي وهتتعدل هتكبري هتدخلي جامعه وتكوني أحلى صحاب عادي اصبري ومتدوريش قوي على الصحاب دوري على نفسك وابتدي اختلطي شويه شويه وحطي مقاييس للي الصحاب اللي انتي عاوزاهم يكونوا في حياتك واختاري صح وبعظيها هتلاقي نفسك مكونة أحلى صحاب واحلى ناس مش مشكلة لو غلطي مرة وتنين ومليون المهم تفضلي تحاولي علشان ترضي ربنا وتكوني مسلمة قويه نافعة لامة الاسلام وعلشان محدش يقدر يكسرك وعلشان تربي نفسك تبقي ام قوية وصالحة وتعيشي بناتك واولادك الحياة اللي كنتي عاوزاها وربنا بإذنه هيعوضك بزوج وعيلة حنينة هتخليكي تحمديه وتفرحي وتنسيكي كل حاجه وحشه وأخر حاجه يا قلبي الانتحار بيدخل النار اللي بينتحر بيموت كافر يعني دي مش معصية ولا حاجه ساهلة مع انه مفيش معصية ساهلة لانه ممكن اي معصية تدخل النار بس الانتحار مفيهوش توبه لانه خلاص هيكون الانسان مات طيب وهتستفادي اى غير انك تكوني دخلتي النار هتخليهم يهتموا بيكي مثلا انتي وميته ولا اى هم هيبكوا شويه وينسوا زيك زي اي انسان مات بس هتكوني الوحيدة اللي خسرتي هتكوني خسرتي أخرتك هتكوني خسرتي الجنة كل اللي حبتيهم اللي كان نفسك تبقي معاهم هيدخلوا الجنة وانتي تدخلي النا العياذ بالله فمفيش حاجه تستاهل انك تدخلي النار عبشانها لازم تصبري وتدعي ربنا براحة البال والصبر وربنا رحيم ربنا يفرج كربك ويهديهم ويهديكي وكمان يا قلبي لو معاملتك وحشه ليهم حاولي بالتدريج تخليها حلوة معلش تعالي على نفسك شويه علشان مفيش حاجه بتيجي بالساهل وانتي كمان لازم تبصي لاغلطك شوية ممكن يكون عندك أغلاط وانتي مش واخده بالك خلي بالك اللي بيحاسب نفسه انسان قوي ♥♥

اللهم بارك انت قويه انه رحتي اعترفتي بغلطك يمكن لو واحده تاني مكنتش اعترفت على نفسها بجد براڤو عليكي تاني حاجه طالما توبتي خلي عندك نيه واحده وانه انتي توبتي علشان ربنا وعترفت علشان رضا ربنا فمتخليش بعد صحابك أو شكلك او ايا يكن يفرق معاكي لانه انتي كنتي ١٣سنه مش هنقول صغيره على الرغم انك لو كنتي بالغه هتبقي كبيره بس برضوا مكانش عنديكي الوعي الكافي زيك زي كتير وزيي كمان كلنا غلطنا كتير انا واي حد وانتي وسعات لازم نتقبل انه غلطنا ومنحاسبش نفسنا بوعينا الحالي على زمان المهم نكون اتعلمنا من الغلط اللي عملناه ومعلش نسامح نفسنا حبه وبعدين هتلاقي نفسك موحشوكيش صحابك هتلاقي انك تستحقي احسن منهم احسن من اللي سابوكي بسبب حاجه هم عارفين انك كنتي صغيره وعارفين انك اعتذرتي واتغيرتي وبرضوا مسامحوكيش فخلاص سيبيهم لعله خير ممكن دي مش الصحبه الصالحه اللي هتنفعك ممكن مش دول الصحبه الصح صاحبي غيرهم بس صاحبي نفسك الاول ومتجريش أوي على الصحوبيه ومتصحبيش اي حد وخلاص علشان متكونيش وحيده لا يا روحي خليكي اجتماعيه وكل حاجه بس مش لازم تصاحبي دلوقتي اي واحده لانه مع الوقت هتتعرفي على ناس كتير ويمكن ناس احسن من صحابك بكتير وهتحمدي ربنا على اللي حصل بس اختاري صح

أنا كمان زيك للاسف😢

فاضل شهرين وانا مبدأتش من اول السنه هو انا ممكن الحق