السلام عليكم
انا هحكيلكم مشكله لان مش عندي حد اتكلم معاه
انا كنت في تانيه اعدادي يعني 13 سنه تقريبا انا دلوقتي 15سنه تمام ساعتها انا كان معايا أصحابي من ابتدائي وكانوا معايا مره من الايام واحده صاحبتي منهم كنا قاعدين ف المدرسه فهي واخده القلم بتاع واحده صاحبتي فهي ضيعت الغطاء بتاع القلم وقالت ان انا اللي ضيعته وقالت انو معايا
فطبعا كنت ساعتها صغيره فقلت أزاي تقول عليا كده انا لازم اظلمها هي كده ظلمتني فرحت وعملت حساب فيك ونزلت أنها سرقت موبيل بنت وحصل مشكله كبيره بس معرفتهمش اني انا ووالدتها طبعا عملت مشكله
انا والله معرفش عملت كده ازاي بس كنت صغيره
عدى سنه انا رحت اعترفت وقولت اني انا اللي عملت كده والبنت الحمد لله سامحتني وقالت إنها مسامحاني بس اروح اقول على الجروب ال كلنا فيه واعرفهم ان كل ال حصل ده مكنش حقيقي وسمعت كلامها فعلا بس صحابي دول كلهم بعدوا عني
أنا مش عارفه ليه مع اني ماذتش حد منهم انا اذيت واحده بس وهي سامحت وصحابي دول وحشوني اوي اوي ونفسي أكلمهم بس والله كنت صغيره انا دلوقتي نضجت وبخاف ربنا ده موقف وانا اتعلمت منو كده انا افكني من صحابي ال بعدو عني دول ومفكرش فيهم تاني؟
السلام عليكم ورحمه الله وبركاته شوفي الموقف ده على قد ما هو صعب على قد ما هو خلاكي تشوفي حاجات مهمه جدا عشان تعرفي تكملي حياتك للاحسن اولا هو انك عرفتي انه في افكار او تصرفات اندفاعيه لو مشينا وراها هتحصل مواقف احنا بعد كده مش هنحب نتايجها وهنا اللي ضروري تشوفيه في مساله انه اصحابك دولت بعدوا عنك والبنت نفسها ما بقتش تتكلم معاكي وده اسمه ايه اسمه نتيجه افعالنا حتى لو احنا اعتذرنا اه حتى لو احنا اعتذرنا كل شيء ويكون له نتيجه ولما اقول على نفسي شخص ناضج ده معناها ان انا مستعد اتحمل نتيجه أفعالي ايا كانت افعالي دي افعال كويسه فأنا هبدأ اخد عليها نتائج كويسه او هتكون افعال سيئه فانا هاخذ عليها نتائج سيئه فهتحملها ضروري جدا اتقبل الحاجات اللي بتحصل واكون قدها أيا كانت لو انا اخطات خطا اتقبل النتائج بتاعته فتقبلي انه دي النتائج بناء على الخطا اللي انت عملتيه النتيجه طبعا تكون على حجم الخطا فخلاص قدر الله وما شاء فعل المهم ان انت علمتي على الغلطه وتعاملتي معاها وفهمتيها كويس قوي وكمان حاولتي تصلحي الغلطه فده شيء جميل جدا ويحسب لك نقطه هتكون في حياتك او في الذكرياتك ان هي كانت خطا ولكن في نفس الوقت هتكون نقطه بتثبت انك حسنتي جزء في نفسك وانك اثبتي انك تقدري تعترفي بالخطا ودي على فكره حاجه كبيره جدا مش قليله فبرافو عليك انك اعترفتي بخطا وخلي بالك علشان ما تندفعيش بعد كده وتلاقي تصرفات انت تزعلي من النتائجها. ولو على الصحاب فيعني الصحاب هيروحوا وهيجوا خلاص سيبي الموقف ده لصحابه عدى وخلص اعملي صحاب جداد بشخصيتك اللي هي دلوقتي انضج واكثر استعابا للتصرفات الصح هي ايه ان شاء الله هتكون علاقاتك الجايه بصحابك الجايين احسن بكثير.
تم النشر الخميس، ١ مايو ٢٠٢٥
وعليكم السلام ورحمة الله وبركاته. أشعر بمعاناتك وأتفهم مدى الألم الذي تتسبب فيه هذه التجربة. من المهم أن تعلمي أن النضوج يأتي من التعلم من الأخطاء ومن التجارب التي نمر بها. لقد قمت بخطوة شجاعة بالاعتراف بخطأك وطلب السماح، وهذا يعكس قوتك وشجاعتك في مواجهة الموقف. أما بالنسبة لأصدقائك الذين ابتعدوا، فقد يكون الأمر صعبًا، لكن تذكري أن العلاقات الحقيقية تحتاج إلى وقت وجهد. قد يكون لديهم مشاعر مختلفة حيال ما حدث، ومن الجيد أن تعطيهم بعض الوقت. إذا كنت تشعرين أنهم لا يرغبون في العودة إلى صداقتكم، فإن التركيز على نفسك ونموك الشخصي يمكن أن يكون فكرة جيدة. استغلي هذه الفرصة لتطوير مهاراتك واهتماماتك، وابحثي عن صداقات جديدة قد تكون أكثر توافقًا مع شخصيتك الحالية. كوني واثقة أن الله يراك ويعلم ما في قلبك. استمري في الاستغفار والتوبة، وفكري في الأمور الإيجابية في حياتك، وبينما تحددين أهدافك، ستجذبين الأشخاص الذين يدعمونك ويشاركونك قيمك. بالتوفيق، واعتني بنفسك جيداً.
تم النشر الأربعاء، ٣٠ أبريل ٢٠٢٥
أيوة طلاما غلطتي سيبك من الماضي و فترته و ناسه صحابك لو فاهمين انك اتأذيتي وقت ما ظلمتك مكانوش بعدوا عنك و الموضوع نفسه مكانش يستاهل منك ده كله فا ابدأي اعملي صحاب جديدة و شوفي حياتك و اتخطي الفترة دي و انسي القديم
تم النشر الأربعاء، ٣٠ أبريل ٢٠٢٥
تمام ماشي متشكره جداا يعني انا فعلا سالت شيخ وقالي بدل قالت مسامحه انتي مش عندك ذنب نهائي ملكيش دعوه ب حد المشكله ان البنت ال قالت مسامحه. دي لما بشوفها مش بتكلمني وبحسها بتبصلي بقرف بس انا عملت ال عليا وبدل قالت مسامحه أنها كده بريئه من ذنبها صح
تم النشر الأربعاء، ٣٠ أبريل ٢٠٢٥
اللهم بارك انت قويه انه رحتي اعترفتي بغلطك يمكن لو واحده تاني مكنتش اعترفت على نفسها بجد براڤو عليكي تاني حاجه طالما توبتي خلي عندك نيه واحده وانه انتي توبتي علشان ربنا وعترفت علشان رضا ربنا فمتخليش بعد صحابك أو شكلك او ايا يكن يفرق معاكي لانه انتي كنتي ١٣سنه مش هنقول صغيره على الرغم انك لو كنتي بالغه هتبقي كبيره بس برضوا مكانش عنديكي الوعي الكافي زيك زي كتير وزيي كمان كلنا غلطنا كتير انا واي حد وانتي وسعات لازم نتقبل انه غلطنا ومنحاسبش نفسنا بوعينا الحالي على زمان المهم نكون اتعلمنا من الغلط اللي عملناه ومعلش نسامح نفسنا حبه وبعدين هتلاقي نفسك موحشوكيش صحابك هتلاقي انك تستحقي احسن منهم احسن من اللي سابوكي بسبب حاجه هم عارفين انك كنتي صغيره وعارفين انك اعتذرتي واتغيرتي وبرضوا مسامحوكيش فخلاص سيبيهم لعله خير ممكن دي مش الصحبه الصالحه اللي هتنفعك ممكن مش دول الصحبه الصح صاحبي غيرهم بس صاحبي نفسك الاول ومتجريش أوي على الصحوبيه ومتصحبيش اي حد وخلاص علشان متكونيش وحيده لا يا روحي خليكي اجتماعيه وكل حاجه بس مش لازم تصاحبي دلوقتي اي واحده لانه مع الوقت هتتعرفي على ناس كتير ويمكن ناس احسن من صحابك بكتير وهتحمدي ربنا على اللي حصل بس اختاري صح
تم النشر الأربعاء، ٣٠ أبريل ٢٠٢٥
لعرض السؤال في فدني اضغط هنا