كيف أتجاوز هذه العلاقة العاطفية؟

Question

السلام عليكم بالله حد يفيدني انا متعلقة بشخص بقالي 7 سنين كنا بنحب بعض اوي بس كان بيعملي مشاكل كتير استحمل واعديها ونتخانق ونرجع بس مرة من المرات بعتله من اكونت انستجرام اختبره بعد 3 شهور لقيت واحدة بتسألني انا مين اتخضيت وعرفت انه مرتبط بيها وبيحبها وبيحبني مش عايز يسيبها بيكذب عليا ويقولي سبتها ويرجعلها تاني وكمان مش بيسيبني ومش عارفة ابعد عنه ولا عارفة اكمل اعمل اييه 💔

Accepted Answer

بصي يا روحي انا متأكده انك عارفه انه العلاقة دي حرام وانه أكيد انتي طول السبع سنين في أيام جه في بالك انك تبعدي بس غلبتك نفسك والشيطان بس هقولك حاجه أولا احنا عارفين انه مفيش حاجه اسمها ولد وبنت مرتبطين او متصاحبين بدون علاقة رسمية زي الزواج دي مسميات سنيت علشان تجمل المعصية دي فبدل من قول بنت بتكلم ولد او مثلا معلش في الكلمة بنت مش محترمه لا بقينا نقول دول مرتبطين فعادي تاني حاجه المعصية دي يا روحي معصية وحشة جدا لانه فيها للاسف تجاوزات وقد توصل للزنى العياذ بالله وفيها فساد للقلب وعدم حياء من الخالق وغير انه فيها سمعه وحشه عن البنت ولو تعرفت هيكون قلة ثقة من الاهل و هتأثر على جوازها سواء لو كان الجواز من شخص تاني أو من الشخص نفسه ليه لانه الشخص ده بعد الجواز هيكون عنده قلة ثقة فيكي لانه احساسه هيكون زي مكلمتيه هتكلمي غيره عادي وده احساس طبيعي جدا لانك كلمتيه ده حتى لو انتي كلمتيه علشان بتحببه ومش هتكلمي غيره برضه هيجيله الاحساس ده والكلام ده حاصل قدامي يا روحي عندينا واحده وواحد حبوا بعض سنين وكلموا بعض وكدا واتجوزوا عن حب هو عارف والناس عارفه انه مكلمتش غيره بس كل ميتخانق معاها يقلها ده انتي كنتي بتكلميني المهنى انه انتي شمال ومبيثقش فيها ده حتى انتي قبل الجواز مبتثقيش فيه وروحتي اختبرتيه من اكونت تاني وطلع مش ثقة اومال بعد الجواز هتعملي اى اصله يا روحي الخيانة او خلينا منقولش خيانه لانه انتي ملكيش الحق في قول خيانه لانك مش في علاقة رسمية انتي مش مراته وزي مبيكلمك عادي هيكلم غيرك ولكن زي مبقول اللي بيكلم ستات ده حتى لو اتجوز طالما هو مش ببخاف من ربنا مش هيخاف منك عادي بعد الجواز هيكلم ستات والجواز طالما مش مبنى على ثقة اى فايدته مره هيكلم ومره هينجوز تاني وكدااا فياروحي الراجل اللي بيكلم ستات مش مناسب وانتي طبعا لازم تكوني ست مش بتكلم رجاله وست محترمه علشان يجيلك واحد مناسب فانتي يا قلبي لازم تتوبي لازم ترجعي لربنا وتقربي منه بإنك تصلي وتقرئي قرءان وتقربي من ربنا وتتوبي لانه باب التوبه مفتوح علشان بعدها تحطي لنفسك معيار لزوج مناسب وتعرفي تختاري صح وتبصي للانسان الصالح اللي هتحسي معاه بالامان وتثقي فيه ويثق فيكي وتعيشوا مع بعض في هدوء مش شك وحوارات فياروحي لازم تتوبي وتسيبي العلاقة دي نهائي وتقطعي الراجل ده خالص اصله اللي بيحب حد بيغليه مش بيرخصه اللي ببحب حد بييجي يتقدمله ويتجوزه مش يصاحبه ويقبى معاه في علاقة يضحك عليه لحد بس ميلاقي البنت اللي هيتجوزها وهيسيبك عاديييي خالص اصله دول سبع سنين يعني لو عاوز يتجوزك كان بنا ڤلة مش شقة علشانك وكان بقي جاهز من كل النواحي في السبع سنين دول بس الفكره هنا انه هو مش عاوز يتجوزك ولا حاجه هو بيتسلى منها اهتمام منك ومنها كلام حلو منك بيملي عليه حياته لحد ميشوفله واحده يتجوزها فبلاش ترخصي نفسك وحطي لنفسك مفهوم صحيح عن الحب عن الحب الصحي مش اي حاجه نقول عليها حب لانه اللي انتي فيه يمكن تعلق خايفه تخسري الاهتمام اللي اكيد بيعطيهولك بس مش واخده بالك انك بتخسري نفسك ودنيتك وأخرتك فزي مبقولك اقطعي العلاقة دي نهائي وتوبي منها يا روحي وخلي بالك على نفسك اتمنى تكوني استفدتي 🤍🤍🤍

Answer

السلام عليكم، أنتِ محتاجة تحبي نفسك الأول وتقدريها. لو بتحبي نفسك مش هتسمحي لأي حد يهينها كده، ولا هتخليها متعلقة بشخص بيؤذيها، موقفة حياتها عليه رغم كل تصرفاته وخياناته. ثم هل متخيلة إن دي الوحيدة اللي ارتبط بها خلال السبع سنين؟ كلامك بيقول إنه لا كان خطيب ولا زوج، صح؟ مجرد مرتبطين؟ فأكاد أجزم إنه مستحيل... إذا كان الرجل بيبقى متزوج وفي علاقة حلال وزوجته مش مقصرة عادي ويروح يخون ولا يتزوج عليها... متخيلة شخص لا يربطه بك إلا علاقة هي شرعًا في ديننا حرام مش هيروح يعرف عليكِ ويصاحب واحدة واتنين وعشرة؟ فوقي لنفسك يا أختي، أنتِ تستحقي أفضل من كده... تستحقي تكوني غالية ومعززة واللي عارف قيمتك ومقدرك هيطلبك من أهلك غير كده يبقى شايفك تسلية مؤقتة لحد ما ربنا يسهل. ** معلش لو كلامي قاسي شوية بس ساعات كتير بنحتاج الكلام اللي يفوقنا لنفسنا حتى لو قاسي. ** قلتِ في تعليقك لذكية إن التنفيذ صعب. التنفيذ هيبقى سهل لما أقعد مع نفسي وأعمل كل جهدي عشان أخليها رقم واحد في أولوياتي، لما ألاقي هدف كبير أعيش عشانه، لما أملأ يومي بإنجازات تخلي ثقتي في نفسي تزيد وتخليني مش محتاجة أشحت عاطفة من حد مش مقدرني ولا يستحقني. ** اقعدي مع نفسك كده وراجعي حساباتك على الورق وخدي قرار ترجعي لربنا وتتوبي وتستعيني به عشان تتخطي كل ده وتكوني أفضل ويكون ربنا راضي عنك. ** بالتوفيق إن شاء الله.

Answer

وعليكم السلام متعلقة وانتى عارفه يبقى كل احاسيسك تجاهه دى حاجة كده بدون وعى وبسبب احتياج مزيف الشخص ده مش بيقدملك اى حاجة اصلا ....وقفى استنزاف لمشاعرك بدون هدف فكى انتى الحبل بدل ما هو دلوقتى بدأ يلف ويخنقك

كيف أتجاوز هذه العلاقة العاطفية؟

اجتماعية

علاقات

سؤال من احد أعضاء فدني

تم النشر الخميس، ١٢ يونيو ٢٠٢٥

4 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك