بيجيلي فجأة كده نوبة هلع و خوف انخفاض وصعوبة في التنفس و وجه طفيف في القلب و والصدر و المعدة بخاف جدا أموت في الوقت ده و انا مقصر مع ربنا.. بحاول أعمل اللي عليا في الدين و أقرب لربنا.. بس أوقات كتير بيحصل الموقف ده و بحس اني بجد تعبان و مهنة و مش عاؤف اعمل ايه
السلام عليكم كانت بتيجي ليا اعراض شبه دي من فترة والحمدلله راحت بعدها تقريبا بيكون ضغط نفسي حاد وخوف وتوتر من حاجه وتفكير زايد وانت قلقان تقريبا والله اعلم بس احتمال دول المهم جرب اول ما تيجي تقوم تتوضى وتصلي ركعتين وتدعي ربنا والله كنت بعيط بس دا الي كان بيريحني ادعي ربنا وانت بتصلي وساجد وكأن دا آخر حاجه هتعملها في حياتك وربنا يرزقنا جميعا حسن الخاتمه يارب ويغفر لنا ويهدينا أجمعين استغفر صلي على الرسول (عليه افضل الصلاة وأتم التسليم) اذكر ربنا وان شاء الله خير متخافش وتوكل على الله فهو المنجي وهو الي بيحس بينا اكتر من نفسنا ، للعلم فضلت تيجي ليا مدة ومرة واحدة وقفت ورجعت تاني بس بعدها خلاص ، واخيرا بقا ربنا كاتب ليك كل حاجه في حياتك وهو اعلم فين الخير لينا فسيبها على الله واعمل الي عليك واسعى والباقي عليه متشيلش هم حاجه فوق طاقتك لان مش هيجي من كتر التفكير غير التعب والقهر وربنا يفك كربك ويفرج همك
تم النشر السبت، ٢٠ سبتمبر ٢٠٢٥
اولا مفيش حد كامل مفيش حد معصوم انت مش نبي لكن بروده كتر من الاستغفار لو متوفر فلوس كتر من الصدقه فالصدقه تطفئ غضب الرب كما في الحديث وقال ﷺ يا معشر النساء تصدقن فإني رأيتكن أكثر اهل النار وده يعرفك قيمة الصدقه والاستغفار قال الله عنه {وما كان الله معذبهم وانت فيهم وما كان الله معذبهم وهم يستغفرون} حياة المؤمن مبنيه على مجاهدة نفسه وحملها على الطاعه حتى تترك المعصية طول ما انت بتحاول تقرب من ربنا بالطريقة اللي ربنا شرعها ما تخافش واحسن الظن بالله وتذكر حديث قاتل 100 مات بعد ما قتلهم دخل الجنه لمجرد انه نوى واتجه اتجاه القريه اللي هيعبد ربنا فيها طول ما انت بتحاول ما تيأسش عشان ده الشيطان عاوز يوقفك عن المحاوله هو متضايق من محاولتك
تم النشر السبت، ٢٠ سبتمبر ٢٠٢٥
بروتوكول 30 ثانية لمواجهة panic attack قول لنفسك بصوت داخلي واضح: "أنا بخير دي مجرد نوبة قلق وحتعدي." 5 – 15 ثانية: خد شهيق من أنفك 4 ثواني. احبس النفس ثانيتين. زفير ببطء 6 ثواني. 15 – 25 ثانية. ركّز في حاجة قدامك: لون، نقش، أي تفصيلة صغيرة. ألمس حاجة ملمسها واضح (خشونة، نعومة). 25 – 30 ثانية: شد إيدك في قبضة جامدة 3 ثواني وبعدين سيبها. كرر في دماغك: "أنا مسيطر علي نفسي " الفكرة هنا: بتدي إشارة للمخ والجسم إن “الوضع تحت السيطرة” قبل ما الدائرة تكمل وتتحول لهلع كامل. ده قبل النوبة بثواني اهم جزئية التنفس.. التنفس السريع ↔ التنفس الهادئ: خد شهيق 4 ثواني احبس النفس ثانيتين زفير 6 ثواني (كرّر 3–5 مرات). ده بيكسر دائرة “النهجان ↔ الهلع”. بصفة عامة.. الحركة السريعة: لو أنت واقف ثابت، حرّك جسمك: امشي خطوتين، افرد دراعك، شد عضلاتك وسيبها. الجسم بيتفكّر إنه بيتحرك مش بيموت.
تم النشر السبت، ٢٠ سبتمبر ٢٠٢٥
السلام عليكم، أخي العزيز، أنا ذكية، وأتفهم تمامًا مدى الخوف والضيق النفسي الذي تشعر به عندما تأتيك هذه النوبات بشكل مفاجئ، خاصة مع الشعور القوي بالخوف والإحساس بأن الحياة مهددة، مع الأعراض الجسدية التي تصفها مثل صعوبة التنفس وخفقان القلب والضغط في المعدة. هذه الأمور تجعل الإنسان يشعر بالضعف والتعب الشديد. بس مع ذلك، من الجميل أنك تحاول تقرب إلى الله وتقاوم نفسك باللجوء للدين، وهذا فعل رائع ومهم جدًا في رحلتك نحو الشفاء. اسمح لي أن أشاركك بعض النصائح العملية التي يمكن أن تساعدك في التعامل مع نوبات الهلع، مع الحفاظ على إيمانك وقوتك الروحية: تعرف على نوبات الهلع : نوبات الهلع هي استجابات مؤقتة للخوف الشديد، وهي ليست خطيرة بشكل فعلي على صحتك الجسدية، رغم أن الأعراض مؤلمة ومخيفة. فهمك لهذا يمكن أن يقلل من خوفك منها. ثق أن هذا الشعور سيمر : ذكّر نفسك دائمًا أن نوبة الهلع مثل موجة في البحر، تأتي فجأة، ثم تمر وتختفي. التقبل الهادئ الذي لا يزيد من المقاومة يمكن أن يساعد في تقليل مدة النوبة. حفّظ أذكار الصباح والمساء : الأذكار التي تعلمناها تزيد من راحة النفس وطمأنينة القلب، كما أنها وسيلة تقوية إيمانية تربطك بالله وتكسبك سلوانًا روحيًا. قل "حسبنا الله ونعم الوكيل" عند بداية الشعور بالخوف ، فهذا الدعاء يشحنك بالقوة والسكينة. اطلب المساعدة المهنية : قد يكون من المفيد جدًا أن تستشير طبيبًا نفسيًا أو مختصًا نفسيًا (يمكنك البحث عن خبراء في تطبيق فدني.net) ليقيم حالتك ويوجهك إلى العلاجات الممكنة، سواء علاج نفسي بالكلام (جلسات علاج نفسي) أو أدوية إذا دعت الحاجة. حافظ على نمط حياة صحي : مثل النوم الكافي، تناول طعام متوازن، وممارسة الرياضة الخفيفة إن أمكن. إذا شعرت أحيانًا أن الأمور باتت صعبة جدًا، لا تتردد في التواصل مع أحد الخبراء في الطب النفسي أو الاستشارات النفسية عبر فدني، فهم متواجدون لمساعدتك بشكل محترف ومناسب. لا تنسى أن الله رحيم وعطوف، وابتلائك هذا قد يكون يكون فرصة لتقوية إيمانك وحياتك الداخلية، وبتوفيق الله ثم بخطوات عملية سوف تتحسن حالتك بإذن الله. هل تريد مني أن أوجهك لبعض الخبراء النفسيين في فدني؟ أو هل تحب أن نتحدث أكثر عن هذه النوبات وكيفية التعامل معها خطوة بخطوة؟ أنا هنا معك دومًا، لا تتردد بالسؤال. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٢٠ سبتمبر ٢٠٢٥
جرب تكلم لايف كوتش مش دكتور نفسي ومتاخدش اي ادوية اكتئاب (نصيحة من مجربة) وداوم عالاذكار دايماً وارقي نفسك وادعي ادعي ادعي بجد الدعاء دا سحر واتصدق حتى لو بجنيه واقرأ قرآن حتى لو كل يوم آيه بس متسيبهوش وحاول تخشع في صلاتك وصلي السنن واحدة راحدة اهم حاجة في التقرب لربنا عشان ميجيلكش فتور انك تاخد الموضوع واحدة واحدة يعني لو مبتصليش السنن خالص صلي لمدة اسبوعين سنة الفجر بس وبعدين الأسبوعين خليهم سنة الفجر والنغرب وهكذا بس الاذكار والقرآن الاحسن انك تواظب عليهم وصلاة الضحى جميلة جداً
تم النشر السبت، ٢٧ سبتمبر ٢٠٢٥
نفس المشكلة تقريباً مع اختي واستمرت معاها سنين لحد ما لجأت لدكتور نفسي ودا الحل الوحيد لمشكلتك بجانب انك تقرب من ربنا
تم النشر الجمعة، ٢٦ سبتمبر ٢٠٢٥
اذكار صباح ومساء وحولي تتدرج في العباده وارقي نفسك
تم النشر السبت، ٢٠ سبتمبر ٢٠٢٥
لعرض السؤال في فدني اضغط هنا