السلام عليكم
انا كنت بحاول أوفق بين علاقه بين صحبتي و الي بتحبه و قالتلي في يوم ممكن تبعتيله على الانستا تقولي هو انت بتحب صحبتي فلانه بعت عشان متزعلش مني و بعت اكتر من عشرين رساله و مردش عليا المهم قالتلي طب خدي حساب صاحبه ده اكيد عارف هو بيحب مين و بيكره مين وبعتله وقولت انت صاحب فلان ده هو بجد بيحب صحبتي فلانه مردش عليا برده المهم الي هي بتحبه قالي انا مش بطيق البت دي اصلا و خليها تبعد عني و قولتلها عشان تبعد عنه و صاحبه رد بعد وقت طويل و قال اسف والله الموبايل كان ييتصلح قولي كنتي بعتي اي قولت لا والله اسفه على الازعاج مكنش قصدي و كده و حلف اني اقول و عرف كل حاجه و قالي طيب متزعليش نفسك و عمل متابعه ليا و رديتها ليه و بقي يتفاعل مع صوري ز كان بيكلمني حلو و بيقعد يقول انو معجب بشخصيتي و شكلي و كل ده و في يوم قالي انو بيحبني بعت ل نفس صحبتي دي اسكرين و كنت فرحانه شويه يعني كنت شبه اعجاب بيه هي اتعصبت و شافت الرساله و مردتش لقيتها بعتت بتقولي بصي انا روحت قولتله ملكش دعوه بيها الي هنا انا و اعملها بلوك و قالتلي انو قالها انا انا صدقت لقيت بنت محترمه و جميله زيها طب ليه و كده قالتله معلش اعمل كده و بعدنا عن بعض المهم بعد فتره لقيتها جايه تقولي عارفه انا ارتبط بمين كنت فرحانه عشانها و كنت على نياتي و بقولها مين قالتلي عليه الي هو كان بيحبني و انا معجبه بيه وهي قالتله اعملها بلوك هي مش بتحبك و كذبت وانا خلاص عادي ده نصيب بس هي بتقد تجيب سيرته و تقولي ده عمره ما يبص لغيري و حقد البنات ده بس انا بتخطي عادي بس مش اوي
انتى مش محتاجة تستعيدى ثقه فى البنت دى اصلا لانها مش قد اى ثقه وهتتعبك المواضيع كلها تعتبر فى حيز المراهقه فمش هقدر اقولك فيها اكتر من انها تجربة عشان تكتشفى ان البنت دى متنفعش تبقى صديقة اصلا ركزى مع الناس ومتثقيش الا بمواقف توضح معدنهم وبس
تم النشر الثلاثاء، ١٣ فبراير ٢٠٢٤
وعليكم السلام ورحمة الله وبركاته .. انتي تحمدي ربنا انك بعدتي عن كل ده .. اولا مفيش حاجه اسمها حبيت شخصيتها من مجرد كلام على الشات، ده اسمه تسالي ولعب مراهقة. ثانيا، موضوع صحبتك كويس اوي انه ظهر بالشكل ده، ابعدي عنها تماما بقى لانها سبب كل المشاكل ديه، وياريت متدخليش بعد كده في اي مشاكل من النوع ده، ولا تكملي صاحبها ولا تدخلي في نقاشات زي ديه.
تم النشر الثلاثاء، ١٣ فبراير ٢٠٢٤
لعرض السؤال في فدني اضغط هنا