السلام عليكم، أولًا العلاقة دي حرام شرعًا يعني إيه صديقك؟؟؟ وكمان ٣ سنين هل أهلك عادي عندهم الصداقة ما بين الولد والبنت وحتى لو أهلك عادي فـ هي حرام حرام، ثانيًا يا غالية الأخ باين عليه بيلعب بيكِ هو إيه يعني تفضلي جنبه هو عيل صغير يعني، وكمان يتعصب وأنتِ مستحملة مين قالك إنه ليه عليكِي حق ولا هو ليه عليكي حق ولا أنتِ ليكي عليه حق محدش ليه حق ومفيش حاجة إسمها صداقة ما بينكم، وعامةً هو لما يلاقي بنت تكون زوجة ليه مش هيتكلم معاكي أصلًا عشان طبيعي مفيش زوجة هتقبل إن زوجها يكون معاه صديقة بنت وأنتِ بجد إزاي تقبلي دا على نفسك، متتعبيش نفسك ولا تستمري في علاقة زي دي أبعدي وأقطعي العلاقة وتوبي عشان دا ذنب وركزي في دراستك وفي حياتك وأهدافك وأحلامك ومستقبلك، وكان عندي سؤال هل عادي عندك لما ربنا يكرمك وتتزوجي زوجك يعرف إنك عندك صاحب ولد؟؟؟ راجعي نفسك بالله الأمر صعب جدا وبلاش تزلي نفسك لحد وتكسري قلبك بإيدك وتتعبي نفسك
ده فعلا بيحصل واخدت قرار اساعدها فيه عشان متضعفش قدام نفسها لو لوحدها هشجعها لانها صعبانه اوى عليا والله يبنتى حالها يحزن حسبي الله ونعم الوكيل الحمدلله انها فاقت
تم النشر الأربعاء، ٣ يونيو ٢٠٢٦
@السائلة يا غالية أنتِ أو هي كلنا أخوات عادي بس أنا حبيت أفهمها بجد إن العلاقة حرام، طيب أنتِ بتقولي هي مكنتش تعرف عفا الله عما سلف، ربنا سبحانه وتعالى فاتح باب التوبة، وهي تحاول قدر الإستطاعة تساعد نفسها ومن غير ضعف وتحاول تمارس هواياتها المفضله ومن غير يأس من نفسها ولا حزن الفات فات خلاص، هي ممكن تبدأ حياة جديدة بنفسها وتأخد قرار وتغير حياتها الله يرضى عنها اللهم آمين.
تم النشر الأربعاء، ٣ يونيو ٢٠٢٦
بصي يحبيبتي انا كنت كاتبه رساله ليكي بس تقريباً متبعتتش انه مش انا اللى حصل معايا كل ده الحمدلله على نعمه العقل والدين وربنا مايكتبها على حد وحيات كسره القلب اللى شوفتها ف عيونها لا دى واحده صديقه حبت تاخد رأيي بعد ماتعبت نفسيا وفعلا عرفت ان كل ده كان غلط هى اصلا مكانتش تعرف ده حرام بس لما حكتلى من تعبها النفسي فهمتها ان كل ده اصلا حرام وانه ربنا محرمش حاجه عبث انه مينفعش الصداقه بين ولد وبنت لأن المشاعر بتتحرك غصب عنهم وبتيجي بالضرر على اصحابها بس وهى كانت ف فتره صعبه ف حياتها خليتها مش عارفه تعمل اى لقت الفضفضه والحنيه والاهتمام ف المكان الغلط بس استمرت فيه واهى بتجنى محصول فعلها انا لومتها كتير اوى اوى وحسستها بالذنب زياده وحبيت اوريها قد اى الموضوع مش حلو وقولتلها انتى مش مضطره تحكى لحد تانى يقطع ف قلبك انتى توبتى الحمدلله وخير الخطائين التوابون وهى تابت ف محتاجه منكم نصيحه ليها هى عارفه انها حرام خلاص لكن نصيحه وكلمه حلوه منكم هتفرق قولتلها عشان تاخدى رأي ناس انتى اكتبى كل حاجه حابه تاخدى رأي ناس فيها من غير ماحد يعرفك وانا هتصرف بحثت ولقيت الابليكيشن ده فيه كل المواصفات حرفيا ناخد رأي ناس من غير مايعرفوا هى مين بس اهى نصيحه ورأي ناس حقيقيه ونزلت عندى وعملت الاكونت وعملته باسمى عشان متقلقش وعملت copyللكلام اللى بعتتهولى وحطيته وخلاص كده اسمها شهد اذكرى اسمها عشان تعرف كلام موجهه ليها
تم النشر الثلاثاء، ٢ يونيو ٢٠٢٦
هى الرسالة وصلتك يافاطم؟؟ انا رديت بس معرفش وصلت ولا لا
تم النشر الثلاثاء، ٢ يونيو ٢٠٢٦
لعرض الإجابة في فدني اضغط هنا