اولا : السلام عليكم ورحمه الله وبركاته
ثانيا :انا طالبة فى الصف الثالث الثانوى الازهرى علمى وحاليا بحاول انظم وقتى اكتر بس الحقيقة انى مش عارفة انظم وقتى بسبب انى بنزل دروس والمواصلات بتاخد نص الوقت وبتتعبنى وراكمت دروس بسبب التعب ومش هينفع اسمع حصص اونلاين :ولو حولت الدروس لاونلاين هراكم اكتر وبحاول انتظم فى صلاتى وبيضيع برضو نص اليوم وبحاول اظبط نومى نومى متلخبط عايزة حل للمشكلة دى بجد خصوصا انى عايزة اجيب مجموع فى اخر السنة كويس يدخلنى كلية شكرا لحضراتكم معذرة على الاطالة .
عليكم السلام ورحمة الله و بركاتة قبل إى شئ عايز أقولك حاجة بسيطة، كلمنا مع نفسنا هو اكتر شئ بيأثر فينا، لأن ده أنا اللي بقول على نفسي كذه و كذه و كذه و مين هيكدب على نفسه؟ مفيش صح؟ فخلي بالك كويس جداً من كلامك مع نفسك لأنه بيفرق جداً جداً في نفسيتك و مجهودك اللي هيطلع. أنا واخد بالي من طريقة كلامك أنك سألتي قبل كده في الموضوع ده أو سألتي نفسك و و ديه كانت الإجابات اللي طلعت ففي جزء بسيط من كلامك في زي شوية إحباط و زهق ( الهو خلاص مفيش أنا... مش لاقي حاجة تقوليها بعد أنا) #عايز أول حاجة أبدأ معاكي من نهاية لبداية اليوم، إى هيا آخر حاجة في اليوم؟ النوم، علشان نبدأ إى حاجة لازم نكون نايمين كويس أو نايمين 7/8 ساعات على الأقل، طيب أنا مش عارفه أنام و كل شوية اصحى! مش مشكلة خليني على السرير و حاولي تنامي، أقولك حاولي قبل ما تنامي تتوضي هيفرق معاكي جداً، و اظبطي منبه على 7/8 ساعات و اعملي حسابك إن التليفون يكون بعيد عنك بلاش تخلي التليفون جنبك نهائي و لو جيه إشعار إى مش مهم اقفلي النت و الداتا و خليه بعيد و حتى لو صحيتي في نص الليل خليكي مكانك على السرير و غمضي عينك و روحي على الجنب الآخر و استعيذي بالله من الشيطان و هتنامي إن شاء الله. طيب بالنسبة للوقت؟ والله يفضل لو يكون من 10 ل 12 ميزدش و لو زاد مره مش مشكلة مش عيب اصلنا بشر وارد نغلط يعني و مفيش خطة بيرفكت. # كده قولنا اخر اليوم فاضل بداية اليوم، خلينا نقول و على افتراض أنك بتروحي درس الصبح على 8 بتخرجي من بيتك 7 علشان توصلي بدري نص ساعة او ربع ساعة، ركزي معايا أنا قولت بتخرجي من بيتك امتى؟ الساعة 7 و من 7 ل 7ونص او 8 إلا ربع أنتي في الطريق، خلال الوقت ده تقدري تراجعي حاجة على السريع خليها على التليفون أو اكتبيها في ورقة و وانتي في العربية راجعي و لما توصلي الربع الساعة اللي فاضلة اعملي شئ بتحبيه ( اقرأي قران مثلاً أو رواية أو دردشي مع صحباتك). طيب خلينا نقول انك بتروحي لمدرس ب و هو بعيد أوي كده لو في مدرس أ و هو قريب من بيتك يفضل لو تروحيله ( مفيش حاجة أسمها ده مدرس مشهور أو مدرس جامد مفيش منه اتنين، في حاجة اسمها مدرس بيشرح معلومة و أنا فهمت منه) بدل ما تروحي المسافة دي كلها و بكده تقدري تخلي نفس النص ساعة مذاكرة في البيت بدل الطريق طيب كده قولنا بداية اليوم خلينا نتحرك خطوة لقدام بعد بداية اليوم و تحديداً بعد أول درس، خلينا نقول أنك وراكي في اليوم تلات دروس في يوم واحد و كلهم ورا بعض، لو كلهم في نفس السنتر يبقى اكيد في فاضل بين كل درس في خلال الفاصل ده اعمل نفس الشئ اللي قولتلك اعمليه في اخر ربع ساعة قبل الدرس أو لو عندك سؤال في الحصة اسألي المدرس أو المساعدين لو في إمكانية للسؤال. برضوا خلينا نقول إن مفيش وقت فاصل و كله ورا بعضه، مش مشكلة خلي معاكي مايه و افصلي بين كل واحد منهم بشربة مياه و توكلي على الله، و هو في حد بيتوكل على الله و بيغلب؟ أكيد لأ. طيب كده شكلك بتقولي أنا نسيت الصلاة، كده الظهر و العصر راح عليا و هصليهم مع بعض 😕، خليني اسألك سؤال هو انتي بتعملي إى؟ في حصة! غلط أنتي بتسعي في سبيل الله، هو مش رسولنا الحبيب قال اللي بيسعي لعلم ينتفع به لاخر الحديث فهو في سبيل الله؟ فأكيد ربنا مديكي عذرك لأنك بتجاهدي في سبيله فمش هيعاتبك اكيد ولا هيزعل منك لأنك في سبيله. #طيب كده انتقلنا لمنتصف اليوم، خلصتي دروسك و روحتي، أولا لو جعانة كلي طبعا أكيد مفطرتيش كويس قبل ما تخرجي، بعدها صلي فرضك اللي فاتك (و أنتي في سبيل الله) و بعدها ... اكيد هتقولي هقولك دلوقتي أنك تذاكري بقى للتلات دروس 😂😂، أكيد لأ الدنيا بسيطة اكتر من كده، شوفي درس أو اتنين و تذاكريهم و التاني تأجليه لتاني يوم مع درس اخر من اليوم اللي بعده، و اكيد مش كل الايام تلات دروس يعني. ملحوظة في اثناء مذاكرتك يفضل لو تحطي وقت معين مثلاً ساعتين للمادة الواحدة مثلا و تقسميهم براحتك لو هترتاحي ولا حاجة في نفس الوقت و مهما حصل متقوميش من على المادة ديه غير لما تخلصي الساعتين... إى ده يعني مش هلزم نفسي مثلاً بدرس أو بدرسين؟ لأ أنا بقولك وقت معين بحيث حتى لو خلصتي قديم تدخلي في الجديد مرتاح، و هكذا مع المادة التانية. ملحوظة كمان خلي بالك إن تقسيم المواد هيكون عليكي فيفضل لو تحطي مادة تقيلة و مادة خفيفة، مش مادتين تقال مع بعض، ممكن مادتين خفاف مع بعض عادي لكن العكس لأ. ملحوظة كمان لو آذان الصلاة حضر في اثناء الساعتين مثلاً ممكن تخلي وقت الراحة اللي في النص الصلاة، يعني تقومي و تسيبي اللي معاكي و بعدها تصلي و ترجعي و تعتبري مثلاً إن ده وقت الراحة ( صدقيني هتبقى أحسن من إى وقت راحة) وبس كده خلص يومنا الكريم و صلينا فروضنا و قضينا اللي علينا و مع الأيام كل المتراكم هيروح😂😂🥳 أخيرا أنا بكلمك بشكل عام يعني مثلاً لو في اختلافي في الاوقات تقدري تطبقيها عليها برضوا عادي، يعني مثلاً معاد صحيانك هيكون عادي 7/8 ساعات في اليوم بشكل طبيعي جداً و بعدها تقومي اللي كنتي هتعمليه في منتصف اليوم بعد الدروس ممكن تعمليه في بداية اليوم بعد ما تفطري، ربنا خلقنا بشر نعرف نتكيف مع الحياة مش نخلي الحياة تصعب علينا. أخيرا ديه طريقة من وجهة نظري ممكن تنفع معاكي و بسيطة لو عجبتك ممكن تجربيها. ملحوظة هسيبلك صور تحت ممكن تساعدك. و اتمني يكون في إفادة ...
تم النشر الخميس، ٨ أكتوبر ٢٠٢٦
وعليكم السلام ورحمة الله وبركاته يا سارة، شكراً لمشاركتك مشكلتك بصراحة، وأنا فاهمة تماماً إنك بتمري بمرحلة ضغط كبيرة، خاصة في الثانوية الأزهرية مع الدروس والمواصلات والرغبة في التوفيق بين الدراسة والعبادة. أنتِ مش لوحدك في هذا، ومن الطبيعي إن التعب يؤثر على النوم والانتظام، لكن يمكننا إيجاد توازن عملي يناسب ظروفك. ابدئي بجدول يومي واقعي يراعي صلاتك كأولوية أساسية، لأنها مصدر قوة وبركة، لكن اجعليها نقاط ثابتة في اليوم (مثل الفجر والظهر والعصر) واستغلي الوقت بينها في جلسات دراسة قصيرة ومركزة، مثل 45 دقيقة دراسة ثم استراحة قصيرة. بالنسبة للمواصلات التي تأخذ نصف وقتك، حاولي تحويلها إلى فرصة مفيدة: احملي مذكرات خفيفة أو استمعي إلى تسجيلات صوتية للدروس المتراكمة إذا أمكن، أو استخدميها للتسبيح والذكر لتجمعي بين العبادة والراحة النفسية. أما عن الدروس المتراكمة، قسميها إلى أجزاء صغيرة يومياً بدلاً من محاولة إنجازها كلها مرة واحدة، وركزي على المواد الأساسية التي تحتاجينها للمجموع الجيد. بالنسبة للنوم المتلخبط، حددي وقتاً ثابتاً للنوم والاستيقاظ حتى لو بدأتِ تدريجياً، واجعلي غرفتك مظلمة وهادئة، وتجنبي الشاشات قبل النوم بساعة. إذا كان التعب من المواصلات شديداً، فكري في تقليل عدد الدروس الحضورية تدريجياً إذا أمكن، أو اطلبي من والديك مساعدة في تنظيم الجدول. تذكري أن التوازن يأتي بالصبر والتجربة، وليس الكمال من أول يوم. أنتِ قادرة على تحقيق هدفك في الكلية إن شاء الله، فاستمري بخطوات صغيرة وادعي الله أن ييسر لك الأمر. لو أردتِ تفاصيل أكثر عن جدول معين، أخبريني.
تم النشر الخميس، ٨ أكتوبر ٢٠٢٦
انا برده لما كنت في ثانوية عامة كنت مراكم كتير لحد قبل الامتحانات ب 3 شهور كده بدأت أذاكر وكان الموضوع صعب جدا بس كنت متضطر وبعد أسبوع ولا اتنين لقيت نفسي حبيت المذاكرة وكنت لما أخلص وقبل ما أنام أعمل حاجة بحبها وانام وانا قلبي مطمئن لدرجة إني لما خلصت ثانوية عامة جالي إحباط وكان نفسي الدراسة تبدأ عشان أرجع أذاكر تاني 😅
تم النشر الخميس، ٨ أكتوبر ٢٠٢٦
بس من وجهة نظري الصراحة والأقل ضررا- في نظري - وهي إنك تاخدِ أونلاين وتجبري نفسك على المذاكرة، حتى لو حستيها تقيلة اجبري نفسك في الأول لحد ما تخش في مود المذاكرة
تم النشر الخميس، ٨ أكتوبر ٢٠٢٦
بصراحة انت قفلتي كل الحلول اللي كنت هقولها😂
تم النشر الخميس، ٨ أكتوبر ٢٠٢٦
هحاول اعمل كدا. ومراكمش جزاك الله خيرا 🌷
تم النشر الجمعة، ٩ أكتوبر ٢٠٢٦
لعرض السؤال في فدني اضغط هنا