كيف أتخلص من العصبية؟

Question

السلام عليكم ورحمة الله وبركاته، انا عمار عمري 11 سنة، أريد أن أطلب نصيحة لأن عندي مشكلة تزعجني أنا سريع العصبية جدًا، وأغضب من أشياء صغيرة، خصوصًا عندما يستفزني إخوتي أو يضايقونني أشعر أنني لا أستطيع التحكم في نفسي وقتها، فأصرخ كثيرًا وأغضب بسرعة المشكلة أن إخوتي هادئون أكثر مني، وأنا أكون أكثر واحد يتعصب في البيت، وبعد أن أهدأ أشعر بالندم وأتمنى لو أنني لم أصرخ أنا لا أحب أن أكون هكذا، وأريد أن أكون أهدأ وأتحكم في غضبي مثلهم، لكنني لا أعرف كيف أفعل ذلك هل يمكن أن تعطوني نصائح تساعدني لأصبح أهدأ وأتحكم في عصبيتي عندما يغضبني أحد؟ جزاكم الله خيرًا. (أكتب من هاتفي أخي وليس لدي هاتف) @Psy-a'laa M. Abdulhamid

Accepted Answer

وعليكم السلام ورحمة الله وبركاته يا عمار خليني الأول أقولك برافو عليك وعلى شجاعتك ووعيك يا بطل انك تسأل وتطلب نصيحة دي خطوة جميلة جدا وشجاعة من بطل زيك 👏 بس تعرف كثير من الأطفال في عمرك يحسوا بالغضب بسرعة أحيانا فمش أنت وحدك ومش العيب فيك الغضب شعور طبيعي، لكن المهم نتعلم ازاي نتحكم فيه مش يتحكم فينا لما تحس نفسك هتغضب 1️⃣ متردش فورا، اسكت شوية هتلاقي نفسك هديت 2️⃣ تنفس ببطء 3️⃣ ابعد شوية عن المكان او الشخص اللي بيخليك تغضب 4️⃣ بدل الصراخ والغضب بكلام بعني قول عايز ايه أو حاسس بإيه بكلام هادي مش صراخ بس خليك فاكر التحكم في الغضب بيحتاح وقت وكل مرة تحاول انت بتخطو خطوة👌 ولو استمر الغضب كلم حد كبير يساعدك تتحكم فيه زي ماما او بابا او معلمك أو اخ كبير بالتوفيق يا بطل 💪

Answer

*لازم يكون عندك أساس قوي ،بحيث إن مهما حصل انا تمام،وكويس إنك مُدرك اضرار الأمر ده ..عشان تبني أساس قوي ،لازم ورقه وقلم وحط نفسك ف المواقف اللي بتحصل لك يوميا او معتاد عليها تمام، ثم تكتب اي افظع حاجه ممكن تحصل ،يعني اي اسوء سيناريو ،يعني مثلا لو اخوك ضايقك وفتح الباب مثلا وأنت مش بتحب حد يفتح الباب ف تكتب ف الورقه وبعد مايفتحه هقوم اقفله طب لو فتحه تاني هقفله وهكلمه براحه يعني خليك جاف المشاعر ف النقط اللي بتضايقك عادي خليه يجيب آخره فاهم قصدي؟ يعني عادي حرب الموضوع مره واثنين وتلاته هتبدأ تتعود وهما عندما لا يجدوا منك ردود أفعال تجاه أفعالهم ،تلقائيا هيبدأو عدم فعلها وف النهايه هتكون إنت الكسبان *

كيف أتخلص من العصبية؟

اجتماعية

أهل

نفسية

سؤال من احد أعضاء فدني

تم النشر الخميس، ٥ مارس ٢٠٢٦

2 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك