السلام عليكم ورحمه الله.
مش عارفة أبدأ منين بس هتكلم عن اللي حصل اليومين دول وبعدين هحاول أتكلم عن الموضوع.
حاليا أنا مخطوبة واتقرت فاتحتي على شخص هو أكبر مني سنا كتير قالوا لي إنه هو كبير والكلام ده وانا مخدتش بكلام حد بالعكس يعني فيه ناس كتيرة زعلوا مني
وحاليا انا مكمله مع الشخص دوت. اي نعم يعني في الاول ما كنتش عارفه اكلمه واقول له اسمه بالنسبه لان هو اكبر مني سالته في الموضوع قال لي ما عندوش مشكله عادي ان انا اقول له باسمه يا فلان.
دي كانت مشكلتي في الاول اول يومين وكان دايما هو اللي بيسأل وبيتكلم وبعدين يعني لا مفيش اي حاجه من ديت مفيش بدا اللي هو اول يومين وبعدين بدأت انا اللي أسال وانا اللي اتكلم.
بعدين اكتشفت يعني ان انا لما بتكلم معاه على الواتس كلام بيبقى قليل جدا اللي هو اصلا كل كلامنا ازيك عامل ايه تمام الحمد لله خلاص هو ده الدنيا يعني مش بنتكلم هو كلام ولا نحكي والكلام ده كله لا ولا حتى عارفه اتعرف عليه وافهم وهو بيفكر ازاي ولا اي حاجه.
وده مش فارق معايا كثير بس كل اللي فارق معايا. ان انا يعني حابه اتعرف على الشخصيه اللي معايا انا مش حابه الاهتمام ولا الكلام ده كله لا بالعكس انا بحب الانسان يكون هادي والكلام يكون قليل وبالذات في فتره الخطوبه بس اللي هو على الاقل يعني اتعرف على الشخص اللي معايا افهمه دي كلها وجهة نظري
لما بتكلم معاه في الفون انا ما بعرفش اتكلم يعني انا اللي بسكت يعني بتتقلب المواضيع انا اللي بسكت ما بعرفش اتكلم وهو بيتكلم كثير بيسأل عني عن اهلي عن اخواتي واحد واحد. على العكس انا ما بعرفش اي حاجه من دي انا بفضل تمام الحمد لله والكلام ده ما بتكلمش حرفيا.
هو دلوقتي انا يعني مش عارفه مش عارفه اتكلم معاه حرفيا والمشكله مش هنا بس المشكله ان انا بقيت مفتقده الاهتمام وحاسه بفراغ مع اني يوم بطوله طول اليوم بكون مشغول بس دماغي في التفكير مش بتبطل تفكير
بقيت دايما حاسه بصداع وخنقه وان انا مخنوقه حتى بقيت بخرج وبرضه حاسه بخنقة. غير بقى ده كله بقيت انا يعني خطيبي الاولاني كان دائما هو بيهتم بيا كنت بحس بخنقه من كتر الاهتمام دوت دلوقتي ده عشان ما بيهتمش لا انا حابه اني ارجع لخطيبي الاولاني
الخطيب الاولاني انا اللي رافضه لحد الان بيتواصل معايا وانا اللي رافضه اني اتكلم معاه خلاص انا قفلت موضوعه تمام مش عارفه ليه الفتره ديت بقت مشتتة التفكير تماما. تعبت نفسيا وزهقت واتخنقت عارفه أقرر ولا افكر ولا اي حاجه.
مش عارفه اكمل في العلاقه ديت ولا لا؟ هل دوت لانه كبير في السن طب اتكلم معاه واقول له يعني ان احنا نتكلم وكده او ان انا حابه اتكلم معك خايفه يفهمني غلط خصوصا ان احنا دول مختلفه هو من السعوديه وانا من مصر الموضوع مختلف. مش عارفه.
السلام عليكم ورحمه الله وبركاته،، تحياتي التعليقات ردا على سؤال حضرتك جت بتقول لا يجوز التجاوز في الخطبه ونحن مع ذلك ولكن سؤال حضرتك يتكلم عن التعارف في الخطبه وده امر صحيح جدا طب ازاي اتعرف على شخص اثناء الخطبه الشخص اللي انا هعيش معاه وهتجوزه ازاي اتعرف عليه يعني ايه اتعرف عليه يعني افهم دماغه اشوف هو ماشي مع دماغي ولا عكس دماغي انا في طريقه سهله هي عباره عن سؤال انتي بتسالني سؤال وانا بجاوب على السؤال مثلا مثلا تقول لي انت بتحب لون ايه من الالوان اقول لها بحب لون كذا انت بتحب اكل ايه من الاكل اه بحب اكل كذا تمام فكان الحوار ما بينا بيدور حول سؤال وجواب وبناء عليه بنفهم بعض اكثر فاكثر وبعرف ذوقها وبعرف العقليه اللي انا بتحدث معاها في نفس اتجاه عقليتي ولا مخالفه ليا وكان اكتر كلامنا بيكون عن طريق الوتساب وعن طريق انستقرام، كمان ممكن يكون فيه مشاركة مع بعض بعض الانشطه مثل حفظ القران وعلى سبيل المثال حفظ سوره ياسين مع بعض وبكده بيكون بنا ذكريات جميله ، كمان ممكن تشجعيه على ممارسه الرياضه وبالذات الجيم ، وبلاش فتره الخطوبه نظهر بالمظهر احسن مظهر اللائق خلينا نتعامل عاديين اتعاملي بطبيعتك وهو يتعامل بطبيعته علشان لما يحصل نصيب فعلا ونتجوز ما يحصلش مفاجاه ونكتشف ان الشخصيه اللي انا كنت بتكلم معاها اثناء الخطبه تختلف عن الشخصيه اللي انا حاليا عايشه معاه فلابد ان يكون ما بيننا هو الشفافيه في التعامل وبلاش نخبي اي حاجه عن بعض بالذات في فتره الخطبه لان اصعب حاجه هي الكذب لان الراجل مننا بيشوف البنت الكذابه بالمنظور الخائنه وكمان لازم تشوفي هل هو ملتزم دينيا ام لا والحاجة إلا حبها تكون فيه لازم تتوفر فيك قبل ما تكون فيه اوتطلبيها منه مثل لاهتمام ، الثقافة ، الدين ، الرقي ف تعامل ، الاحترام المتبادل ، وهكذا.. لابد أن يمر علي الخطبه الحول اي سنة ع الأقل بلاش الاستعجال ، من ممكن يكون مريض نفسي ، أو عقليته عكس عقليتك انت متدينة وهو عكس ذلك تماما أو العكس لذلك فترة الخطوبة لازم تكون سنه ، ونكتشف بعض صح ، لازم تصلي صلاه الاستخاره ف هذا الأمر لأنه شديد الأهمية.. ⚖️✨
تم النشر السبت، ١٤ فبراير ٢٠٢٦
وعليكم السلام ورحمة الله وبركاته يا حبيبتي، أشعر بتعبك النفسي ده كويس، وده طبيعي في فترة الخطوبة لما التواصل مش متوازن زي ما بتحسي. أنتِ مشتتة عشان مش فاهمة نفسك كويس، وده بيجي من مقارنة بالخطيب السابق (اللي خلاص قفلت موضوعه، برافو عليكِ) وخوف من فارق السن والثقافة. خلينا نرتب الأمور خطوة بخطوة عشان تفهمي نفسك وتقرري: 1. فهم نفسك وإيه اللي عايزاه؟ اكتبي قائمة صريحة : خدي ورقة وقسميها لـ3 أعمدة: "إيه اللي بحبه فيه؟" (هدوءه مثلاً)، "إيه اللي مش مرتاحة ليه؟" (قلة الكلام عن نفسه)، "إيه أولوياتي في الزوج؟" (دين، أخلاق، توافق عائلي، استقرار). ركزي على القيم الإسلامية زي التقوى والرحمة. ده هيساعدك تشوفي الصورة الكبيرة. اسألي نفسك يومياً : "أنا سعيدة معاه لو اتجوزنا غدا؟" و"هل هو يشبع حاجتي للتواصل العميق؟" خدي أسبوع كده بدون قرار نهائي. 2. هل تكملي الخطبة؟ مش لازم تكملي أو تقفلي دلوقتي : الخطوبة فترة تعارف، مش عقد. بس التواصل ضعيف ده إشارة حمراء، خاصة مع فارق الثقافة (السعوديين غالباً أكثر تحفظاً). جربي تتكلمي معاه بصراحة بلطف: "أنا بحب نهتم أكتر بالحوار عن أفكارنا وأحلامنا عشان نتعرف أحسن، إيه رأيك نسأل بعض أسئلة أعمق؟" (مثل: إيه أكبر تحدي واجهته؟ أو إيه توقعاتك من الزواج؟). لو رفض أو فهمك غلط، ده هيوضحلك. صلاة الاستخارة : أهم خطوة إسلامية! صليها واطلبي من ربنا ييسر الخير ويصرفه إن مش خير. 3. تعاملي مع الفراغ والصداع : حددي وقت يومي للقراءة في القرآن أو ذكر الله (سورة الشرح مثلاً للخنقة). اشغلي دماغك بمهام عملية زي تنظيم جدول يومك أو تعلم مهارة جديدة. لو التعب النفسي زاد، روحي لصفحة الخبراء في فدني: https://www.fedni.net/experts وابحثي عن متخصص نفسي أو استشاري زواجي. كمان، دوري على أسئلة مشابهة في فدني عشان تشوفي تجارب بنات زيكِ. أنتِ قوية وقادرة تختاري اللي يسعدك، يا قمر. خدي وقتك. ربنا ييسر أمرك ويختارلك الخير 🤲❤️
تم النشر الخميس، ١٢ فبراير ٢٠٢٦
أختي عندك تفكير مفرط سلمي أمرك لله وادعي بصلاح الحال وداومي علي الصلاة الخمس في وقتها وقيام الليل وأذكار الصباح والمساء ينصب عليكي راحه لا يعرفها الا الصادق فقك انصحك انك تحفظي القرآن في فترة الخطوبه وادعي لخطيبك بصلاح الحال دوما فإن القلوب بيده يقلبها كيف يشاء ف سلمي امرك لله وسيبك من التفكير المفرط والخوف من المستقبل اتق الله وابعدي عن المعاصي يغفر لنا ولك الله خطاياك واهدي شوي مش كل امر افكر فيه كتير سلمي سلمي سلمي امرك لله
تم النشر الجمعة، ١٣ فبراير ٢٠٢٦
اسأليه فيك حاجه تعبان مالك متغير كده ومش بتتكلم
تم النشر الخميس، ١٢ فبراير ٢٠٢٦
في الخطوبه المفروض متتكلموش اساسا كتير ولا حب ولا قرف اتبعوا معايير الشرع شوف الشرعيه تقول ايش يأختي اهم حاجه انه ميحصلش تجاوزات ولا قلة أدب طالما انتي موافقه عليه وعلي منظره وشكله بصي علي مستقبلك وهي الجواز خرب غير من قلة الأدب ونسب الطلاق زادت بسبب ان المرأه حضرتك مش عارفه دينها الا من رحم ربي والراجل عايز ياخد كل المواضيع علي كيفه ميعرفش ان في شوية تنازلات
تم النشر الخميس، ١٢ فبراير ٢٠٢٦
حاولي تسألي عنه كويس أوي أوي وعن كل تفصيلة عنه اوصلي لتفاصيله بأي طريقه علشان تكوني شايفه الصورة واضحه من أولها
تم النشر الخميس، ١٢ فبراير ٢٠٢٦
لو مكنتش صليتي استخارة قبل ما توافقي صلى كتير استخارة الفترة دي ولو متعرفيهاش ابحثي عنها في جوجل وربنا يعملك اللي فيه الخير. بالنسبة للمقارنات بين خطيبك الخالي وخطيبك السابق ده مش الشيطان. ركزي على خطيبك الحالي بس وملكيش دعوة باللي فات. ولو انتي مش مرتاحة سيبيه لان الراحة والقبول اهم شرطين في الجواز
تم النشر السبت، ١٤ فبراير ٢٠٢٦
معاك حق مش لازم كل هذا الشيء وانا والله العظيم ده كان تفكير اول لما اتخطبت اول مره بس كنت ساعتها مضيقه جدا من الإهتمام ده وحاليا انا اول مره في حياتي احس بإحساس الراحه والقبول اتجاه شخص معين وكمان ارتحت أكتر بعض ما صليت الاستخارة حسيت براحه من داخلي بس فكره التفكير وان انا مفكره ان الإهتمام ده لازم وكده بقيت عاوزه يكون موجود، او يمكن لاني حابه اتكلم معاه بصراحة مش عارف لذلك قوت اسال فدني عشان انا بحب اسمع افكار ناس مختلفه وبجد بتفهم كلامكم ومعنديش اي مشكلة لو حد قالي انتي اللي غلطانه بس محتاجه افهم برضو ليه، والمشكله الاكبر اني حتى مش عارفة اتكلم مع اهلي بالعافية لما وافقو عشان بيقولو فرق السن وانتي مش وحشه وبيجيلك ناس بس انا مش حاسه بكده وماشيه ورا إحساسي بانه إنسان كويس وعلى دين وخلق وانا مرتاحه خلاص بس كل مخاوفي من عدم الكلام خايفه يكون ورا ده شيء انا مش فاهمه ايه هو مخي مش بيبطل تفكير وبقول يمكن عشان دي خطوه كبير في حياتي
تم النشر الجمعة، ١٣ فبراير ٢٠٢٦
لعرض السؤال في فدني اضغط هنا