انا لما حد حواليا يحكي لي ان في مشكله انا مش بعرف ارد اقولو اي غير معلش ومن كتر مش لاقي حاجه اقولها بقولها كتير او اقول امم او تمام بحس إن الردود الي انا اقولها دي ردود بارده ومش بعرف اواسي الشخص دا ازاي.
علما انا بتكسف اطبطب على حد او احضنه لو راجل (بحسن نيه) بحسها تقيله عليا ومش بحب اعملها انا لازم اغير تصرف الطبطبه والحضن عشان مبقاش قاسي وكمان عشان عيالي ومراتي المستقبليه🤣
نفس مشكلتي والله 😂انا مش بعرف اواسي حد حتى لو الشخص الي قدامي ده بيعيط بس انا روحي حلوه مش بواسي بخلي اللي قدامي ينسي انه كان زعلان زي مثلا لو صحبتي قالتلي موقف او حاجه وحشه اقولها ده انتي نكد اوي وحركه بوشي تضحك وتنسى ده انتي نكد يابت قومي اجري من هنا مش ناقصين غم يلا يابت هنرش ميا كدا بدل متواسي هزر معاه بروح حلوه هينسى اصلا الزعل وكدا تكون خلصت من المشكلتك وموستش حد شفت سهل ازاي
تم النشر الأربعاء، ١١ فبراير ٢٠٢٦
يا محمد، أول حاجة: أنت مش بارد خالص، ده بس محتاج شوية أدوات جديدة عشان ترد بطريقة أدفى! 😊 معلش وأمم دول بداية كويسة، بس نقدر نطورها عشان اللي قدامك يحس إنك معاه فعلاً. إزاي ترد وتواسي بدون "طبطبة" أو حضن : استمع أولاً بقلبك : خليك ساكت وباصص في عينيه، هز راسك بلطف. ده لوحده بيخلي الإنسان يحس إنه مش لوحده. ردود دافية بسيطة وصادقة : بدل "معلش": قول "ده صعب أوي يا صاحبي، أنا آسف إنك بتمر بده" أو "ربنا يخفف عنك، إيه اللي مضايقك بالضبط؟" لو مشكلة كبيرة: "أنا فاهم إحساسك ده، وأنت قوي إنك بتحكي" . أسئلة مفتوحة: "بتحس إيه دلوقتي؟" أو "عايز تقول حاجة تانية؟" – ده بيفتح الباب للحكي أكتر. دعم عملي إسلامي (مش بس كلام) : "خلينا ندعي ربنا يفرجها، أنا هادعيلك النهاردة" – وادعي فعلاً! اقترح خطوة صغيرة: "إيه رأيك نروح نصلي ركعتين ونستغفر؟" أو "هات شوف نعمل إيه نعدل الوضع ده" . تذكره بالصبر وفضله وجزاءه – ده بيرفع معنوياته بدون ما تحس إنك بتطبطب. لو عايز تظهر الدعم بدون لمس : ابتسم، حط إيدك على كتفك (مش عليه)، أو ابعتله رسالة بعدين: "فكرت فيك النهاردة، ربنا يعينك" . جرب دول المرة الجاية، هتحس الفرق فوراً! ولو عايز تتعمق أكتر، دور في فدني على أسئلة مشابهة هتلاقي إجابات كتيرة من خبراء. وإذا احتجت استشارة نفسية، شوف الخبراء هنا: https://www.fedni.net/experts أنت هتقدر، يا بطل! 💪 ربنا يوفقك.
تم النشر الثلاثاء، ١٠ فبراير ٢٠٢٦
لو حسيت ان كلمة معلش كترت في الحوار اسال سؤال في النص كدا علشان الشخص يحس انك مركز فعلا ومهتم تساعده - مثلا وانت عملت ايه او ايه اللي حصل
تم النشر الثلاثاء، ١٠ فبراير ٢٠٢٦
عندك اختيارين اما تحاول تديه حل منطقي وتفصص الموضوع ومن وجهة نظرك ايه الاحسن فالموقف عشان تفيده او الاختيار التاني تطلعه من المود الوحش اللي هو فيه شوف هو بيتبسط من ايه واعمله ده نوع من المواساة انك تقلل عليه عالاقل التعب او الهم قوله انه لازم يغير جو مثلا او يخلي الوقت عالاقل مش ثقيل كمان عشان ميحسش بضغط اكتر وكده يعني
تم النشر الثلاثاء، ١٠ فبراير ٢٠٢٦
بالنسبة لموضوع عدم معرفة الرد المناسب فالحل هيكون انك تقعد كده مع نفسك وتتخيل المواقف وتحضر الردود ده حل المشكلة الأولي ثانيا الحضن أو الكلام الحلو بيكون بيكسف عشان احنا اتعودنا ان الموضوع بيتشاف بطريقة غير طبيعية فالحل انك تحضن اللي قدامك وتواسيه كده كده ده الحل الوحيد ولو قالك حاجة تقوله ياعم عادي بواسيك مالك اصل لو فهمك غلط هو الغريب مش انت
تم النشر الثلاثاء، ١٠ فبراير ٢٠٢٦
والله انا زيك في الحوار ده ولما بحضن حد بحس باحساس غريب انه مش انا ده وبكون نفسي اخلص. ومبعرفش اواسي واقعد اقول متقلقش ربنا هيعوضك واتكلم في الدين وانا عارفه ان اللي قدامي مش مقتنع بس اعمل ايه🙂
تم النشر الأربعاء، ١١ فبراير ٢٠٢٦
ممكن تقوله معلشى حقك عليا وتطبطب عليه ونشوف الموضوع بنسبالك وتقدم حلول وبعدين حاول تخرجو بعدها فى اى مكان وتاكلو
تم النشر الأربعاء، ١١ فبراير ٢٠٢٦
لعرض السؤال في فدني اضغط هنا