السلام عليكم
انا شاب شهر ٨ الجاي هتم ١٩ سنة ،انا مدمر يا جماعه مش عارف افكر عاوز تعيط مش مرتاح بالي شغال ٢٤ ساعه بفكر قبل ما انام بقعد افكر لدرجة الخنقة علي صدري وعاوز أعيط بس ماسك نفسي انا مفروض في أولي حاسبات ومعلومات والترم الاول شيلت اربع مواد والترم التاني شيلت مادتين ومش عارف امشي فيها ازي
سجلت سمر كورس والنهارده اول يوم بس انا دايخ مش عارف افكر والله اربع ساعات تدريب متواصله غير السمر ومحدش بيشرح والدكتور يفضل يأخرنا وفي الاخر ياخد اسمائنا ويروحنا انا جاي من امبارح العصر انا اصلا متغرب عن بلدي والله جاي بقالي يومين بدور علي سكن ومفيش حتى الناس اللي لتسكن كله عاوز بنات
يا جدعان والله العظيم ما هنبوظ الشقه بقولك لا اسفين حسبي الله افضل دايخ من العصر لحد ١١ بليل عشان سكن ومفيش وفي الاخر روحنا سكن سيبناه للاحتيط دافعين فلوس وغالي وخره والراجل بتحيل عليه ينزل في الفلوس في سكن تاني مش راضي ومحطتشي لقمه في بوقي ونزلت الكليه تاني يوم مش قادر اخد نفسي من كتر التفكير
مليش نفس اكل حاجه والله انا راجل يا جدعان تمام مفروض اصبر واعمل واسوي بس مش قادر يا جماعه عاوز اعيط عاوز الخنقة اللي في صدري تروح بكلم والدتي ربنا يديها الصحه ويخليهالي بتقولي اصبر زميلك عادي اهو،
انا فاهم أنها بتحاول تواسيني عشان اذاكر ومزعلشي بس نفسيتي تعبانه انا لما جيت أول السنه كنت فضلت اسبوعين واكتر انزل اقعد بره السكن وافكر ونفسيتي تتعب لحد ما اتعودت علي الناس وبدأت انسي بس طول السنه عاوز اروح والله وعيني تدمع وتمسك نفسي بس عيطت لما كنت باجي اكلم امي واسمع صوتها كنت اعيط بس امسك نفسي وانا بكلمها وتعبت والله ساعتها والضغط جه عليا وفضلت طول الترم متشخص ضغط مزمن بس لحد ما روحت كشفت تاني ولقيت عندي ارتفاع في هرمون معين انا بيعلي بيضيق الشرايين علي الدم فبيعلي الضغط عندي ساعتها
انا فضلت اربع شهور مش عارف عندي ايه اصلا اعمل تحاليل واكشف تاني وتالت والحمدلله دلوقتي كويس بس باخد علاج بسيط له و مش مأثر علي صحتي الحمدلله، انا بحس والله انا عندي مشاعر وعاوز أعيط واهدي من الخنقه اللي في صدري بس لازم اصبر لازم اركب وش اللي مش فارق معاه واللي انا عادي ،
وبرضه الكليه انا مفتحتيش كتاب طول السنه والله العظيم كنت ادخل اهبد واحب باللي اعرفه مش اكتر كده كده مفيش غش وانا داخل مش معتمد علي غش الحمدلله والمواد اللي نجحت فيها من عند ربنا والله بس انا مش عارف اذاكر الرهبه بتاعت الامتحانات معدتشي عندي بخش الامتحانات كأني داخل العب وشعور الرهبه والهيبه بتاعت الامتحانات مش بحسها
انا عمري ما كنت كده انا شاطر انا بطلع من الاوائل انا كنت دائما في القمه بقيت في القاع صعبان عليا حالي اللي انا فيه ،انا اللي حطيت نفسي في كدا بس مش عارف ازاي انا تالته ثانوي ذاكرت الترم الاول وبعد كده ضيعت نفسي بنفسي لما كملت اونلاين ودخلت الامتحانات وانا عارف أني مش عندي ال ٧٠ % وممكن اعيد السنه كمان بس انا دخلت الامتحانات لقيت العيال بتغش وكل حاجه سايبه والشاطر نفسه بيغش
انا فضلت اكتر من نص ساعه مصدوم والله من اللي بيحصل وممسكتيش القلم لحد ما خلاص اقعنت نفسي وضميري وجبت ٨٥ وده اكتر حاجه ندمان فيها في حياتي وعدم المذكره اللي خلاني اعمل ذنب زي ده والناس اللي خدت مجهودها ومكانها انا مش عارف ارتاح انا وانا رايح اقدم في الكليه مرعوي خايف انا مش مستعد انا مذاكرتيش انا مستحقيش ده بس مكنتيش مستعد اشوف كسره اهلي
انا بدفع تمن اخطائي بس انا بدفع التمن غالي اوي ،حاولت احول والله واقول لامي مش مرتاح الغربه وحشه مش عارف اعيش مش فاهم حاجه قالتلي متخفشي انت بس عشان بعدت انت استعين بالله انت شاطر انت ذكي يا حبيبي انت كنت من اقل مذاكره وبتجيب درجات محدش بيجيبها ، انا صبرت نفسي و بدأت ارجع لربنا تاني الحمدلله بس مش بذاكر خايف امسك الكتاب خايف من عدم الفهم ،
انا ندمان بشوف تبرير لنفسي بصبر نفسي ندمان على عدم المذاكرة ندمان علي معصيتي الكتير لربنا ندمان اني ربنا اداني نعمه العقل والشطارة وانا ضيعتها في اهم سنة في عمري انا عاوز احول من الكليه بس خايف اخد القرار غلط انا حاسبات كانت حلمي من زمان ومش عارف اشوف نفسي في حته تانيه خايف اعمل فكرت احول السون أو تجارة بس خايف انا حتى بقول اصبر اشوف نفسي في السمر اذاكر وأشد واشوف لقيت نفسي مستوعب وبدأت افهم ونجحت هكمل
بس انا مش هعرف اذاكر انا المشاعر اللي عندي دلوقتي دي هي اللي كانت عندي لما كنت أول السنه وفضلت عندي فتره لحد ما راحت وانا مكنتيش باكل حتي عدل فأنا عاوز احول عاوز اذاكر عاوز امشي خايف اني اضيع فلوس ووقت علي الفاضي خايف اخد قرار غلط انا اهلي الحمد لله مستورين الحال الحمد لله على نعمه ربنا وانا الكبير انا هشيل نفسي بنفسي مينفعشي اللي بعمله ده مش عارف اشيل المسؤولية ، انا حاليا بفكر امشي واحول من الكلية والم حاجتي واروح ؟
اعمل اي ؟ وامي وابويا هيرفضوا أمي اوقات بحسها موافقه بس بتقول لا ،ابويا مش عارف منكم يقول بس هيرفض
و انا بقرأ حاسه اني بقرأ قصتي بس انا ف تالتة جامعة واخدت على الغربة بالعكس بقت احب ليا من بيتنا بس لسه تاهية لسه ندمانة على كل الماضي الجامعة فرماني حرفيا النفسية الحمدلله ف بجد ربنا يعدينا من الفترة دي على خير
تم النشر الاثنين، ٢٠ يوليو ٢٠٢٦
بص خلي املك في ربنا كبير ربنا حطك في الابتلاء ده لانه عارف انك قده إن شاء الله ربنا يفرجها عليك قريب ومشاكلك كلها تتحل استعن بالله وكما ومتفقدش الامل في أي محاولة حتي لو كانت صغيرة بالنسبة للدراسة فحاول فيها واحده واحده شوف المواد حاول تشوف ليها شرح علي اليوتيوب او خلي حد من صحابك يقعد معاك ويفهمك الدنيا بتاعت كل مادة في الأغلب المهم انك تدعي المواد انك تواظب علي الحضور مع الدكاترة علشان تعرف دماغ كل واحد في الي بيكرر امتحاناته وفي الي كرييتف الحل انك تعمل الي عليك وبس متتعبش نفسك وتتعرض نفسيتك صدقني الشدة الي انت فيها هتفرج وهتعدي متستسلمش ربنا سامعك وحاسس بيك وبوجعك ربنا معاك يارب
تم النشر الاثنين، ٢٠ يوليو ٢٠٢٦
مش فاهمه ما تقفل علي نفسك الباب أو روح مكان وابكي مين قالك ان دا حيقلل من رجولتك أو يقلل منك انت بس بتطلع الجواك مش حرام ،بالنسبه لموضوع الغش هون علي نفسك واضح عليك الندم حاول ترجع لربنا ارجع ندمان حاول ربنا غفور رحيم اكيد حيتقبل توبتك محدش معصوم عن الغلط وربنا يحلها،موضوع الكليه نصيحه متخدش قرار فيه وانت متلخبط لازم تهدي الاول وتفكر اقعد مع نفسك كدا وطلع كل الجواك وحتلاقي حل بص الغربه صعبه بس هي البتبني وتقوي الشخص مسيرك تتعود إنما تحويل الكليه دا راكز أنه كان حلمك حتي لو الطريقه الخدمه بيها مترضيش ربنا بس حاول توب وربنا يتقبل توبتك ،ادي نفسك يوم راحه أو كام ساعه اطلع مع نفسك راتب افكارك حتوصل في الاخر لقرار بعدين خدها فرصه حاول بعد ما تقعد مع نفسك تذاكر وتخلص المواد دي عشان متعيدش السنه ربنا معاك
تم النشر الأحد، ١٩ يوليو ٢٠٢٦
وعليكم السلام ورحمة الله، يا أخي. أولاً، أقدر تماماً اللي بتمر بيه دلوقتي، والضغط اللي حاسس بيه مش بس نفسي، ده كمان جسدي وفكري، وده طبيعي لما الإنسان يكون في غربة ومسؤوليات جديدة وندم على الماضي. أنت مش ضعيف لأنك بتحس كده، ولا فاشل، أنت شاب بيحاول يصلح أخطائه وده شيء يستحق الاحترام. من منظور نفسي واجتماعي، اللي بيحصل لك هو تراكم للضغوط: الغربة، الندم على الغش في الثانوية، الفشل في المواد، والخوف من خيبة أمل الأهل. ده بيخلي العقل يدخل في دائرة التفكير المفرط اللي بيمنع التركيز والأكل والنوم. الحل العملي هنا مش إنك تكبت المشاعر، لكن تتعامل معاها بخطوات صغيرة. ابدأ بتقسيم اليوم: حدد ساعة واحدة فقط للمذاكرة في مادة واحدة من السمر كورس، بدون توقعات كبيرة، وركز على فهم نقطة واحدة. ده هيساعدك تبني ثقة تدريجية وتقلل الرهبة. كمان، فكر في قرار التحويل بهدوء: اكتب ورقة فيها إيجابيات وسلبيات حاسبات مقابل التجارة أو السون، وشوف أي خيار يناسب قدراتك الحالية واهتماماتك، مش مجرد الهروب من الضغط. وتذكر إن ربنا فتح لك باب التوبة، فاستعن به بالدعاء والاستغفار، وادعُ إن ييسر لك الطريق الصحيح ويخفف عنك الخنقة دي. أنت قادر على الرجوع للقمة اللي كنت فيها، بس خطوة بخطوة، ومش لازم تكون مثالي من أول يوم. لو حسيت إن الضغط مستمر، جرب تبحث عن أسئلة مشابهة على فدني عشان تشوف تجارب الآخرين وتستفيد منها. أنت مش لوحدك في الرحلة دي، وربنا معاك.
تم النشر الأحد، ١٩ يوليو ٢٠٢٦
لعرض السؤال في فدني اضغط هنا