هو محبكيش أصلا ويعنى إيه أصلا شوفته مناسب ف بدأت أكلمه واستناه لحد لما يجى يخطبنى والله يا بنتى نصيحة من شاب زيه هو قالك استنى وبتاع علشان لما يحس انه عنده فراغ ومحتاج يكلمك يرجع يكلمك ويسلى وقته وبمجرد ما حضرتك كلمتيه وبدأتوا تتكلموا هو خلاص كان استحالة يتقدملك بس فى حيلة الشباب بتلجألها أنا عايز أكلمك مثلا ومعجب بيكى وبتاع فهعيشك فى أوهام وحنية واهتمام وكمان وعود بالخطبة والزواج رغم إن الشاب بيبقى عارف فى قرارة نفسة ان عمره ما هيخطبك حتى بس الوعود والحنية ديه علشان يضمنك ويضمن استمرار العلاقة فانتى بالنسبة له محطة طب سابك ليه فجأة لأنه فى الغالب شاف حاجة تانية أو خلاص زهق فاهمانى ومش بعيد كمان بعد فترة يرجع يكلمك تانى ويقولك انه لسه بيحبك وبتاع ساعتها اعرفى انه مش لاقى حاجة يسلى وقته بيها كلام من شاب زية وعارفين تفكير بعض ....... نصيحتى ليكى يا بنت الناس مفيش حاجة اسمها شوفته مناسب ووعدنى إنه هيخطبنى كدا العلاقة مش موجودة فى النور ولا ليها ملامح وكلها بتبقى علاقات مسمومة بتدمر قلبك ونفسيتك ومستقبلك فيه حاجة اسمها جيه اتقدم ف شوفته مناسب ف خطبنى فاهمانى حافظى على نفسك يا بنت الحلال انتى غاليه وحافظى على قلبك واحفظى نفسك وقلبك ومشاعرك لحلالك وساعتها هتحسى انك فى الجنة حرفيا مش واحدة مدمرة نفسيا بسبب عيل كرف لها اعملي له بلوك واقع ومواقع وامسحى كل حاجة ممكن تفكرك بيه أو حتى يجى على بالك واهتمى بنفسك وبحياتك وحاولى تعملى عادة جديدة مثلا وليكن زى القراءة تنشغلى بيها وتلجأليها وقت حزنك واحساسك بالفراغ ربنا يوفقك ويهدى قلبك وعقلك ويكتب لك اللى فيه الخير.
اكيد هيرجع يكلمها بالذات بعد ما قصفت جبهته بانه مش فارق معاه ف اللي هو ازاي هي تقولي كدا ف ياخدها تحدي انه هيخليكي تقعي في حبه وتموتي في دباديبه وبعدين بردو هو اللي يسيبك بس كدا يكون هو اللي سابك مش انتي اللي سبتيه فاهمة العقول المتخلفة دي ؟ المهم هيرجع يقولك اصل كان عندي مشاكل اصل عمتي كانت بتتطلق اصل خالتي حبست جوزها اوعي يدخل عليكي الحوار دا اعملي بلوك فورا
تم النشر السبت، ٤ أبريل ٢٠٢٦
لعرض الإجابة في فدني اضغط هنا