ليس لدي القدرة للتعبير عن نفسي او شعوري كما أنني لا أستطيع شرح الدروس او توصيل المعلومة بطريقة مباشرة فكرت في دراسة الدبلومة التربوية لتنمية القدرة على ذلك ولكن بعض الأشخاص أخبروني ان هذه قد تعتبر ملكة تكتسب منذ الطفولة وأن الدبلومة لن تغير شيئًا هل هذا صحيح؟ أليس هناك طريقة لتعلم الشرح والتعبير عن شعوري؟ @Somaia Nassar
صباح الخير الدبلومه التربويه اكيد هتفيدك نظريا وهتنزلي عملي في المدارس ولكن دا لواحده غير كافي اي مهاره تحتاج لتدريب عشان نكتسبها حتي لو مكانتش موجوده عندنا أو مكناش كفيء فيها حاولي كتير تقرأي وتيحثي عن طرق التدريس وواثقه ان اكيد هتوصلي ان شاء الله 🤍 أما فيما يخص التعبير عن المشاعر جربي اكتر من مره انك تعبري حتي ولو موقف في اليوم لو لقيتي نفسك مش قادره خدي استشاره في جلسه من متخصص عشان يعرف ايه معطلك ويدربك عليه في ناس مش بتعبر عشان خايفه ، وحد تاني خجول وحد ثقته بنفسه قليله ... الخ وورا السبب دا الف سبب جربي مع نفسك مقدرتيش تستشير متخصص بالتوفيق ان شاء الله
تم النشر الاثنين، ١٩ مايو ٢٠٢٥
السلام عليكم ورحمه الله وبركاته. طبعا دي كلها مهارات انت تقدري تعلمي مهاره التعبير عن نفسي تقدري تتعلمي مهاره ايصال المعلومه وفي طرق واستراتيجيات بيبقى اسمها استراتيجيات تعليميه الاستراتيجيات دي بتساعدك كثير يعني مثلا هاجي اقول لك لو عايزه انك توصلي المعلومه دي في عندك استراتيجيه بتاعت الخمس اصابع ايه استراتيجيه الخمسه اصابع دي ان انت هتخلي الولاد يرفعوا خمس صوابع او يرسموا قدامهم على الورقه خمس صوابع طبعا على حسب المرحله الدراسيه الموضوع بيختلف من المرحله الاخرى انا ممكن استخدم نفس الاستراتيجيه ولكن مع مراحل عمريه مختلفه بطرق مختلفه فانا هقدر ان انا اقول مثلا استراتيجيه الخمسه اصابع انا هرفع الخمسه اصابع وهبدا اعمل على كل اصبع منهم جزء من المعلومه اللي بتخص الجزئيه دي في الدرس مثلا ان انا النهارده هتكلم عن حرف الباء انا هكلمك على ابسط حاجه. هتكلم على حرف الباء خلاص يبقى يلا بينا اول صباعه حرف الباء شكله ايه ونبدا نوصف شكله حرف الباء بيتنطق ازاي نطقه اا حرف الباء في اول في اول الكلمه شكله ايه في نص في منتصف الكلمه شكله ايه في اخر الكلمه شكله ايه انا هاقدر ان انا املا الخمسه اصابع بخمس معلومات عن الدرس اللي انا هشرحه دي واحده من الاستراتيجيات انا وريتك مثالي انت بس لو كتبتي استراتيجيات التعلم تقدري تدخلي على بنك المعرفه وهتلاقي فيه في المصادر في مصادر تعليميه كثير تقدري تبحثي فيها عن استراتيجيات التعلم ودي تفيدك كتير جدا كلها عباره عن مهارات تقدري تعملي بيها كده في مهارات التواصل كمان ازاي تتكلمي مع مع الاولاد ايه افضل طريقه في ان انا اشرح الدرس برده لو انت بتشرحي في مراحل الدراسيه معينه هتلاقي في حاجه اسمها دليل المعلم بيكون نازل مع المنهج تقدري انك تاخدي دليل المعلم ده وتشوفي هو قايل لك ازاي تشرح الدرس هتلاقيه بيقول لك تقولي ايه هنا وتحضري للدرس ازاي وتبدئي لهم الدرس منين تلاقي حاجات كثيره جدا كلها مهارات كلها واحده واحده تقدري تتعلميها بتكتسبيها وتبقي شاطره فيها كمان ربنا يوفقك
تم النشر الثلاثاء، ٢٠ مايو ٢٠٢٥
كل حاجه بتقدرى تكتسبيها بالتدريب..لا تيأسي.. حاولى و تدربى على كيفية التعبير عن نفسك.. و ممكن تكتبى الافكار اللى جواكى في نوته و تطلعى كل اللى جواكى و بالتدريب مخك هيبدأ يترجم دا و يخليكي تتكلمى بمنتهى الثقه و تعبري عن نفسك صح.
تم النشر الثلاثاء، ٢٠ مايو ٢٠٢٥
في الواقع الدبلومة التربوية خارج تخصصي ومجال دراستي فأنا محاسبة ولكن فكرت فيها ك طريقة لمعالجة الأمر فقط اما فيما يخص التعبير عن مشاعري ف الامر يكمن ف خجلي تختفي ع مشاعر من حولي فاخاف كثيرا من اخجال احد برأيي او شعوري اتجاهه لذلك ألجأ دائما لتمرير الامور بدون شعور مني حتي احزن او اغضب مرة واحدة ووقتها لا أستطيع التعبير عن مدي استيائي لام الشخص أمامي لا يعرف حقيقة تمريري لأمور ازعجتني أكثر من مرة لمجرد الا تجرح مشاعره ووقتها اجد نفسي عاجزة فالواقع أشعر أنني غير مرنة بالنسبة للعالم من حولي ف كيف أستطيع تغيير ذلك ؟!
تم النشر الاثنين، ١٩ مايو ٢٠٢٥
الخلاصة لا أحد يستطيع أن يعلم أحد كيف يشعر التجربة خير دليل ماذا يفيد المعطف الثقيل اذا كان البرد من الداخل؟
تم النشر الاثنين، ١٩ مايو ٢٠٢٥
قبل ان اذكرها قد تكون المشكلة في المستمع انا ارى ان لكل إنسان لغته الخاصة في التعبير نرى مشهد مقسم على بعض الأشخاص كل واحد منهم يراه بلغته الخاصه لذا فردود الافعال تختلف
تم النشر الاثنين، ١٩ مايو ٢٠٢٥
هناك طرق كثيرة للتعبير
تم النشر الاثنين، ١٩ مايو ٢٠٢٥
ليست ملكة، كنت فاشلا جدا في شرح او التحدث امام الآخرين، ومع الاستمرارية والمحاولات والتجربة صرت متحدثا اقوى من اقوى المتحدثين.
تم النشر الثلاثاء، ٢٠ مايو ٢٠٢٥
هناك طريقة وهي ببساطة " ماذا تشعر الآن " كروتين يومي ٥ دقائق كل يوم من كتابة الشعور ... وده هينعكس على حرية التعبير واسترسالك مع أفكارك وستتحسن مع الوقت ... وقليل دائم خير من كثير منقطع
تم النشر الثلاثاء، ٢٠ مايو ٢٠٢٥
لعرض السؤال في فدني اضغط هنا