بتخافي من الالتزام؟ شعور الخوف ده اتجاه ايه كمان غير الشغل؟
حل كويس جدا .. ولكن متاخديش كورسات ايا كانت نوعها... لأ حددي هدف ونية لكل شئ
تم النشر الاثنين، ٣٠ يناير ٢٠٢٣
دا حل بديل لحد ما احس انى قادرة اواجه تانى مخاوفى مثلا واجرب انزل شغل تانى يمكن الموضوع يضبط واتحسن شويه من ناحية الموضوع دا
تم النشر الاثنين، ٣٠ يناير ٢٠٢٣
انا فكرت ف حل تانى غير الشغل بأنى انزل جيم او انزل كورسات ايا كان نوعها واتعامل مع الناس بردو بحيث انى اتعامل مع الناس ومحسش بأنطوائيه
تم النشر الاثنين، ٣٠ يناير ٢٠٢٣
فكري في كلامي ... لو مش عايزة تردي في وقت ما هتشوفي الكلام ده مترديش غير لو كان فعلا عندك اجابات حقيقية... حقيقية من نفسك من الجزء اللي عايز الحل .. مش من الجزء اللي عايز يهرب.
تم النشر الأحد، ٢٩ يناير ٢٠٢٣
ليه عايزة تهربي من الاحاسيس الوحشة ؟ طيب ما تواجهي؟
تم النشر الأحد، ٢٩ يناير ٢٠٢٣
تعرفي ان القعدة في البيت عموما مدة طويلة ممكن يحسسك بانك مش عايزة تتعاملي مع الناس .. وتأثر عليكي .. ببس انتي لو انخرطي وغرقتي نفسك في المياه .. هترجع ليكي حياتك تاني العادية .. هتعرفي تتعاملي زي الاول تدريجيا.
تم النشر الأحد، ٢٩ يناير ٢٠٢٣
ليه متخيلة؟ يعني ليه لازم تتخيلي اللي هيحصل مع ان ممكن كل ده يكونعبارة عن اشياء دفاعية عقلك بيعملها علشان متروحيش للنقطة اللي خايفة منها؟ ف ليه تعملي كل ده ؟ ليه تتخيلي انك مش هتعرفي تتعاملي .. ليه متخيلة انك مش هتبقى شاطرة وكويسة وتحققي تارجت، ليه متخيلة؟
تم النشر الأحد، ٢٩ يناير ٢٠٢٣
بس انتي لسه مجربتيش المعاملة الوحشة، ولسه مجربتيش الخصومات، مش شايفة انك بتختلقي الحاجات ديه من نفسك مثلا؟ باعتبار انك خايفة تلتزمي .. او مثلا انك مش حابه انه يضغط عليكي من اي نوع .. او مثلا عندك احساس انك لازم تعملي الحاجة على اكمل وجه، وده طبعا بيستزنف منك طاقة كبيرة جدا، خايفة انه ميحصلش وتعملي كل اللي عليكي، ف اختارتي انك متعمليش خالص.
تم النشر الأحد، ٢٩ يناير ٢٠٢٣
متخيله انى مش هعرف اتعامل مع الناس وانى مش هستوعب بسرعه الشرح بتاع الشغل اللى هيتشرحلى وانى همشي بسرعه زى مامشيت قبل كدا من كل اللى قدمت فيهم . ولو فى حاجه بحبها مش عارفه بس تقريبا لا مش هعوز بردو لانه جايلى احساس اوى الفترة ديه انى بقيت انطوائيه لما روحت تجمع عائلى فا حسيت بدا اوى فا اكيد لو قدمت ف شغل هحس بأحاسيس وحشه حتى لو كان حلو وهمشي بردو 😅
تم النشر الأحد، ٢٩ يناير ٢٠٢٣
بصراحه معنديش خوف من الالتزام عامة غير من الشغل وانو حد فوقى يبقى مسؤول عليا فا لازم انى مغلطش وابقى كويسه ف شغلى عشان مثلا ميتخصمليش او ماتعاملش بأسلوب وحش
تم النشر الأحد، ٢٩ يناير ٢٠٢٣
طيب ايه اللي متخيلاه مثلا لو اشتغلتي؟ او عملتي الحاجة اللي مش عايزاها؟ وهل لو فيه حاجة بتحبيها هتكوني عايزاها ولا لا؟ ولا هتكوني عايزاها وفي نفس الوقت مش عايزاها؟
تم النشر السبت، ٢٨ يناير ٢٠٢٣
خايفة من ايه كمان؟ بتخافي من الالتزام عموما في اي حاجة؟
تم النشر السبت، ٢٨ يناير ٢٠٢٣
صح تقريبا اه بخاف من الالتزام ممكن اكون بخاف من التعامل مع ناس جديده بردو
تم النشر الخميس، ٢٦ يناير ٢٠٢٣
لعرض الإجابة في فدني اضغط هنا