دايما حاسة بالتقصير والعجز وان الكل اشطر وان انا مش هعرف اوصل لحاجة بسبب تقصيري وعدم ثقتي في نفسي دايما بحاول مرة واتنين محاولاتي بتفشل ك طالبة بي ثانوية عامة مش عارفة تذاكر ولا عارفة تعمل اي حاجة وعارفة ومتأكدة انها بتضيع نفسها ب ايدها بس مش عارفة تقوم ولا عارفة تحاول بسبب فشل المحاولات تضييع وقت وبس ،الله المستعان
ممكن اقولك انك اكيد مريتي بظروف ومواقف كتير سببتلك الاحساس ده انتي محتاجه تهدي وتفكيري بهدوء وانك مش شخص مقصر وعاجز انتي محتاجه تشوفي نفسك من زوايا تانيه تصرفك ده مجرد رد فعل داخلي اثر عليكي. فكري في نفسك وانك تستحقي انك تحاولي علشان دي حياتك ومستقبلك . اكتبي كل اللي جواكي ونفسك تعملي ايه وابدأي بالتدريج المهم تبدأي . وحاولي يكون معاكي دعم نفسي ده هيفرق معاكي جدا سواء من حد مقرب ليكي من العيله أو صديقة مقربه او لايف كوتش المهم متكونيش لوحدك لحد ما تستعيدي توازنك النفسي وتقدري تكملي
تم النشر الخميس، ١٨ ديسمبر ٢٠٢٥
لعرض الإجابة في فدني اضغط هنا