الاول هي اه دكتوره كويسه والفرق بينها وبين الدكتوره الاولى انها انتقلت من مرحله فضفضه بس ل تمارين وتغير فعلى ، تاني حاجه ليه مش حاسس بفرق كبير لحد دلوقتي وده مش فشل فى العلاج ده بسبب حاجتين اولا عدم التزام بالتمارين المطلوبه ولازم تعرف ان الجلسه النفسية بتشكل 20% بس من العلاج ،وال80% الباقيه تعتمد على ممارستك للتمارين فى حياتك اليومية من غيرها هتكون زي اللى بيروح الجيم يتفرج علي المدرب وهو بيتمرن بدل ما يتمرن هو ، ثانيا طبيعه الوسواس :الوسواس القهري يحتاج لوقت وجهد ذهني وتكرار مستمر للتمارين عشان تبدأ المسارات العصبيه فى الدماغ بالتغيير ،ونصحتي لبك بلاش تغير الدكتوره لان التنقل المستمر بين الدكاتره هيشتت ذهنك ويخليك تبدأ من فى الصفر فى كل مره ادي نفسك والنظام العلاجي فرصه حقيقه لمده ٣ شهور على الاقل مع التزام كامل بكل حاجه الدكتوره تطلبها منك حتى لو حسيت فى البدايه انه بسيط او انه غير مؤثر و افتكر دايما إن ربنا سبحانه وتعالى قال في كتابه الكريم: {إِنَّ مَعَ الْعُسْرِ يُسْرًا} [الشرح: 6] والآية دي هي أعظم طمأنينة ليك؛ لأن "العسر" اللي أنت فيه دلوقتي من وسواس وقلق، ربنا وعدك إن "اليسر" والشفاء ملازمين ليه وهيوصلوا بإذن واخيرا :أنت مش مقصر ولا ضيعت عمرك، كل اللي فات كان "دروس" عشان توصل للمرحلة دي وتفهم نفسك أكتر وتعرف تسلك طريق صح اعتبر التمارين دي "عبادة" بتتقرب بيها لربنا عشان تحافظ على الأمانة اللي هي (نفسك وعقلك). ، وقول لنفسك: "أنا بعمل اللي عليا والباقي على الشافي".
بأذن الله هحاول والله وشكرا جدا على كلامك ❤️
تم النشر الأحد، ١٢ أبريل ٢٠٢٦
انا عارف ان الجلسات غاليه والعلاج النفسي مكلف جدا بس ممكن تحاولي تدوري على جلسات رخيصه في مدن عاديه يعني انا بروح الجلسه ب٣٠٠ وسمعت ان في ناس بتروح ب٨٠٠ في القاهره فانت ممكن حتى تروحي جلسه كل فتره المهم تبداي والدواء هيفرق معاكي جدا جدا فحاولي قدر الامكان تروحي لدكتور نفسي ومخ واعصاب مثلا وربنا يوفقك يارب ويشفيكي وانت اقوى من المرض ده في ناس خفت منه بدون علاج عشان كان عندها اراده فلازم تقاومي ومتستسلميش وحطي فدماغك ان المرض ده مسيره فيوم هيروح
تم النشر السبت، ١١ أبريل ٢٠٢٦
والله انا هبقا اكتر واحد حاسس بيكي لان الي بنمر بيه واحد بس والله الدنيا دي مبترحمش مينفعش تبقيي ضعيفه لازم تقاومي ومتستسلميش وخلي عندك يقين فالله انك هتعدي من كل ده بس ليه ماجله العلاج حاولي تبداي فيه انا قبل الدواء كنت بتمنى الموت كل يوم ومكنتش عايز بعد ما خد ادويه الوساوس ومهدءات الاكتءاب حياتي اتغيرت اه لسه تعبان مخفتش ١٠٠ في ١٠٠ بس اتحسنت كتير وحياتي اختلفت بجد متسبيش نفسك فالعذاب دا ولا تاجلي العلاج انا حتى في ٣ ثانوي كنت بروح جلسات وباخد علاج فا متاجليش العلاج لاي سبب وربنا يوفقك وانا هديعلك لما ادعي لنفسي ان ربنا يلخصنا من كل ده وانا واثق فيكي انك انسانه قويه وهتقدري على كل ده ربنا يوفقك يارب
تم النشر الجمعة، ١٠ أبريل ٢٠٢٦
شكرا جدا ليكي وعلى الكلام ده بس انا اكتر حاجه ماثره فيا دلوقتي اني قعدت سنين بعاني لدرجه ان في ايام كنت بتمنى الموت وفكرت فلانتحار وكنت هتجه لسكك مش كويسه كا هروب من الواقع فانا صعبان عليا نفسي والي مريت بيه انا راضي بس انا مكنتش استاهل كل ده من الدنيا والله اعلم اي هيحصل تاني
تم النشر الجمعة، ١٠ أبريل ٢٠٢٦
لعرض الإجابة في فدني اضغط هنا