وعليكم السلام ورحمة اللة وبركاتة مشكلتك الأساسية فى الثقة ، الثانوية مش عايزة حد حاسس إنة فاشل أو حاسس إنة مش هيعمل حاجة لكن الخوف من الثانوية دا طبيعى جدا جدا كلنا كنا مرعوبين بس اللى بيفرق بين الناس هنا فى إن فية حد داخل خايف ومصدق إنة هيعمل حاجة وواحد تانى خايف ومش مصدق إنة ممكن يعمل حاجة وخوف بيدمرة تماما أول حاجة حوار انك منزلتيش دروس أو مذاكرتيش فى أولى وتانية متقلقيش منها تالتة حالة خاصة تماما كل اللى بنعملة فى أولى أو تاتية إن احنا بس بنستعد لتالتة نرجع لحوار الثقة والمستقبل مستقبلك لسة بإيدك ومضاعش ولا حاجة متخليش الوساوس دية تأثر عليكى أول الحاجة الصلاة انتى بتقولى ساعات بتكدبى على ماما فى انك مصلتيش بس سؤالى هنا لازم تقعدى مع نفسك وتساليها هو انتى بتصلى لمين أصلا ماما ولا ربنا ؟ التزامك غى الصلاة هو أول طريق تفوقك فعلا لأنها بتصنع حالة من الثقة وإحساس بالإنجاز إن أنا صليت الخمس صلوات النهاردة الحمدللة ف تحس إنك أنجزت ف دا يبدأ يفتح نفسك على إنك تعمل وتنجز أشياء أخرى ربنا يوفقك ويكتب لك اللى فية الخير
يارب اللهم آمين
تم النشر الخميس، ٢٦ مارس ٢٠٢٦
العفو 🤍 على إية ربنا يوفقك يارب طريقتى فى المذاكرة ... بما إنك لسة فى تانية مدخلتيش تالتة أهم حاجة فى الفترة دية إن تأهلى نفسك تماما ل تالتة تتعودى على الالتزام مثلا تتعلمى ازاى تنظمى يومك أما بقى المذاكرة ف أنا كنت بعتمد على مذاكرة جزء بسيط والحل الكتير أوووى كنت بحل على الجزء اللى أنا بذاكرة أى حاجة تيجى قدامى ممكن تتحل لدرجة إن حل الأسئلة فى المنهج بقى هواية ومش شرط أكون عارف الأسئلة كلها 😅 بس فية تكنيك كان والدى معلمهولى لو قابلك سؤال صعب معرفتوش وانت بتذاكر متسيبوش ارجع غش إجابتة من الكتاب وبعدين حلة واحفظة بحيث لو قابلك تانى فى أى مكان تبقى خلاص حفظت حلة وتحلة بكل سهولة + القلم والورقة طول ما انتى بتذاكرى حاولى تذاكرى بالكتابة دا بيثبت اللى ذاكرتية أكتر + هقولك حاجة مهمة جدا هتفرق معاكى جدا حاولى قبل ما تذاكرى تقرأى صفحة من القرآن وبعد ما تخلصى مذاكرة تقرأى صفحة هتفرق معاكى جدا جدا ربنا يوفقك ويحققلك حلمك 🤍
تم النشر الخميس، ٢٦ مارس ٢٠٢٦
شكراً جداً علي نصايح حضرتك بس بما ان حضرتك دكتور ينفع تقولي علي نظام حضرتك في المذاكره وكدا
تم النشر الخميس، ٢٦ مارس ٢٠٢٦
لعرض الإجابة في فدني اضغط هنا