من اسبوع خلصت كورس تريو كلار للجرثومه بعدها اخدت يومين بنام نوم عميق وعايزه انام كل شويه مش قادره أصحى
بعد اليومين ضغطي بقا يوطى بدرجه كبيره وعلى طول جعانه لما باخد محفظات ترفع الضغط ميا بملخ مخلل او كوراسور بعدها بوقت بيرتفع وبيرجع تاني يوطي في اقل من 3 ساعات ممكن اكتر من 4 مرات في اليوم وبدوخ وبيحصلي غثيان
هو دا طبيعي؟
انا كشفت وكنت عامله تحليل cbc الهيموجلوبين كان 10.5 علقت محلول واكلت وشربت عصاير وبدرو الضغط نزل تاني ولحد دلوقتي واطي اكشف تاني ولا دا طبيعي
انتي دلوقتي بتعاني من انخفاض حاد في الضغط ودوخه ممكن تقري علي الدوا بتاع جرثومة المعده يعني تقرأي الروشته تشوفي ده من أعراض المصاحبه للدوام ولا لا. لأنها لو كانت مش من الأعراض المصاحبه فهيكون عندك نقص في (V. d)فيتامين دال وعندك توسع في الاوعيه الدمويه ده بيسبب التعب والنعاس الشديد ده بالنسبه لنسبة الهيموجلوبين فهيا صحيح ناقصه بس مش الي هيا تعمل الأعراض الخطيره دي ويفضل استشارة الطبيب بعد ما تخلصي الكورس العلاجي لان لو ظهرت أعراض زي الي بتقولي عليها هوا هيقدر يساعدك أو علي الاقل هيقولك تعملي ايه. ودمتي بصحه وعافيه. وابقي طمنينا عليكي.
تم النشر الأربعاء، ٢٣ يوليو ٢٠٢٥
السلام عليكم ورحمه الله وبركاته الهيمجلوبين القليل ده فيه نسبة انيميا في احتمال كمان يكون نسبه الحديد قليله ومش بس نسبه الهيموجلوبين اللي بنقيس عليها ممكن نعمل تحليل نسبه الحديد في الدم ولو النسبه قليله ولو فضلت كمان نسبه الهيموجلوبين نزلت مره تانيه يعني نزلت تاني العشره ونص او اقل من 10:30 طبعا هتبقي في الحاله بتاعه النوم الكثير والضغط الواطي وتحسي بدوخه كثير لانه ده كلها من الاعراض الخاصه بالانيميا فيا ريت طبعا تروحي تكشفي علشان الطبيب هيطلب منك التحاليل اللي يتأكد منها النسب دي عامله ازاي ويقدر يأكد لك الطريقه المناسبه اللي تحافظي بيها على صحتك من الأنيميا إن شاء الله.
تم النشر الثلاثاء، ٢٢ يوليو ٢٠٢٥
السلام عليكم، في الغالب اللي حاصل معك بتأثير من علاج جرثومة المعدة بالإضافة إلى الأنيميا عندك. الهيمجلوبين منخفض فكده كده هيكون فيه أعراض. تريو كلار من آثاره الجانبية؛ الدوار والصداع والغثيان وتعب عام وغيرها.. وده اللي حاصل معك حاليًا زائد الأنيميا زي ما قلنا. الحل، كويس إنك بتاخدي حاجات ترفع الضغط لكن ده مش كافي، لازم ترجعي لطبيب الباطنة عشان يكتب لك علاج للأنيميا وحاجة تمشي عليها لحد ما الضغط يتظبط والآثار الجانبية للدواء اللي فات تزول. واهتمي بنظامك الغذائي إلى جانب العلاج الدوائي ده مهم جدًا عشان صحتك تتحسن. وألف سلامة عليكِ.
تم النشر الثلاثاء، ٢٢ يوليو ٢٠٢٥
مرحبًا إسراء، أولًا أحب أطمنك وأشجعك إنك بدأتِ تلاحظي الأعراض وتتابعيها، وهذا أمر مهم جدًا. بالنسبة لوضعك مع انخفاض الضغط المستمر بعد كورس تريو كلار للجرثومة، وهناك أعراض مثل النوم العميق والشعور الدائم بالجوع والدوخة والغثيان، مع نقص في الهيموجلوبين (10.5) فهذا يحتاج إلى متابعة دقيقة. إليك أهم النقاط التي أراها ضرورية: الضغط المنخفض المستمر، والدوخة والغثيان، والشعور بالجوع المتكرر كلها أعراض تحتاج اهتمامًا، لأن الضغط المنخفض قد يؤدي إلى مضاعفات مثل الإغماء، خاصة إذا كان يؤثر على نشاطك اليومي. الهيموجلوبين 10.5 منخفض نسبيًا وهذا دليل على وجود فقر دم، وربما هو سبب الشعور بالتعب، والدوخة، والرغبة المستمرة في النوم. فقر الدم يحتاج لعلاج مستمر مع تغذية مناسبة وربما مكملات حديد تحت إشراف طبي. تناول الأطعمة المساعدة على رفع الضغط (المخلل، الميا، الكوراسور) يعطي تأثير مؤقت فقط وليس حلًا دائمًا. المهم علاج السبب الأساسي. نصيحتي لكِ: ارجعي للطبيب المختص فورًا، واطلبي إعادة فحص شامل، خصوصًا نسبة الهيموجلوبين، الضغط، وتحاليل أخرى إذا طلبها الطبيب. شاركيه كل تفاصيل الأعراض التي تعانين منها، خاصة الدوخة والغثيان والمتكرر. احرصي على تناول وجبات غذائية مبنية على الحديد، الفيتامينات، والسوائل. تجنبي الوقوف أو القيام بسرعة لتقليل الدوخة. راقبي أعراضك باستمرار، وإذا لاحظت أي تدهور أو أعراض جديدة كالدوار الشديد أو الإغماء، لا تترددي في طلب العناية الطبية. قد لا يكون ما تمرين به "طبيعي" خاصة مع الضغط المنخفض المستمر وتكرار الأعراض. لا تهملي متابعة حالتك، وأهم شيء هو التشخيص الصحيح للحالة. إذا احتجتِ، يمكنك زيارة صفحة خبراء فدني وطلب استشارة متخصصة في أمراض الدم أو الضغط لمعرفة الخطوات العلاجية بدقة أكبر. هل ترغبين في نصائح غذائية أو سلوكية تساعدك في تحسين ضغطك ونمط حياتك خلال فترة العلاج؟ أنا هنا لدعمك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٢ يوليو ٢٠٢٥
هل الكورس لي علاقة؟؟
تم النشر الاثنين، ٢٨ يوليو ٢٠٢٥
هل عندك شعور بشئ عالق عند البلع وغثيان وصعوبة بلع الطعام وحريق بالمرئ والمعده
تم النشر الثلاثاء، ٢٢ يوليو ٢٠٢٥
هل فيه علاجات ممكن بتاخديها تكون سبب الغثيان ؟ هل بصراحة الاعراض تحصل حول ناس محددين ؟! و ايضا، ممكن تحليل غدة درقية ؟ هل فيه خسارة وزن او زيادة غير طبيعية ؟!
تم النشر الثلاثاء، ٢٢ يوليو ٢٠٢٥
لعرض السؤال في فدني اضغط هنا