جماعه خطيبي بيعمل كل حاجه تأذيني بمعني كلمه اقل موقف اقوله مثلا لما يحب يبعد يتهمني بحاجه كذب وتكون كذب فعلا يقولي مثلا انتي كنتي بتضحكي وانتي بتكلميني كنتي بتكلمي مين واتساب وانا في الوقت دا كنت سبت الفون وروحت اصلي اصلا يقلب الترابيزة عليا ويبعد
بقاله اسبوعين كدا بقا قرررت ابعد لان تعبت يقعد يومين بالظبط ويرجع يبعتلي آخر موقف دا وجعني اوي اي اللي انت بتعمل دا عملت بلوكات من كل حته وعرفت اهلي الاقيه يبعت من رقم خامس اصلا معاه طب ازاي يجماعه دا بيعمل كل حاجه تأذيني دا اقل حاجه قولتلها معرفش بقالي ٣ شهور حاجه عن حياته ومخبي حاجات كتير طب سيبته لحياته بقا ليه بيرجع يكلمني غير أن في وقت الخناق بيقول كلام يجرح بمعني مافيش بنت تقبله مع ذلك استحملت كتير وكنت بكمل بس آخر موقف خلاني اتوجع واعيط وادعي لربنا لدرجه دعيت عليه كتير
ممكن اعرف ليه بيبعتلي بعد ما يبقى واخده القرار التعافي منه بجد اتجنن رغم بيكون هو اللي قاعد وعاوز يبعد فدوني؟!!!!
السلام عليكم، عاوزة مصلحتك وخايفة على نفسك؟ ابعدي عنه وانهي الخطوبة دي. اللي أنتِ شايفاه وبتعانيه دلوقتي هو نبذة صغيرة جدا وعينة عن اللي هتعيشيه معه بعد الزواج إذا قررتِ تكملي. هو يا إما سام ومتلاعب نفسي وهيتعبك نفسيا ويدمرك أكتر بعد الزواج أو كرامته بتنقح عليه وعاوز هو اللي يبعد وقت ما يحب ومينفعش خالص هو اللي يتساب. فأنتِ افلتي بجلدك بجد لو تهمك نفسك. بلاش تعملي زي بنات كتير ياما اتنصحوا وفي الآخر كملوا رغم وجعهم وتعبهم بسبب تعلقهم باللي مخطوبين لهم وللأسف دفعوا التمن غالي قوي بعد الزواج. اثبتي على موقفك ومهما يعمل متسأليش ومهما يبرر أو يحاول يرجعك اثبتي وبلاش تخلي أي ابتزاز عاطفي أو كلام وضغط من أهلك والناس إنك تكملي في علاقة مؤذية وسامة. وادعي ربنا وكرري كتير "حسبي الله ونعم الوكيل" وإن شاء الله هيكفيك شره وشر أي حاجة خايفة منها. بالتوفيق.💚
تم النشر الجمعة، ٢١ أغسطس ٢٠٢٦
هذا السلوك اللي بتصفيه مش مجرد "استخسار" عادي، ولا هو مرض نفسي بالمعنى الطبي الدقيق، لكنه نمط سلوكي سام ومتكرر يدل على شخصية متحكمة وغير ناضجة عاطفياً. الاتهامات الكاذبة، قلب الطاولة، الابتعاد ثم الرجوع بأرقام جديدة، والكلام الجارح... كل ده أدوات للسيطرة والتلاعب، مش حب حقيقي. الشخص ده بيرجع لأنه مش قادر يتقبل فكرة إنك قررتِ تبعدي، فبيحاول يستعيد السيطرة على مشاعرك ووقتك، مش لأنه نادم أو بيحبك بطريقة صحية. من منظور نفسي واجتماعي، اللي بيحصل ده غالباً بيسمى "دورة الإساءة"، حيث يتبع الابتعاد محاولات للعودة لإعادة التوازن لصالحه. إخفاء حياته لثلاث شهور وإيذاؤك بالكلام ده مش علامة على رجل يستحق الاستمرار معاه، خاصة وأنتِ خطيبته. في الإسلام، العلاقة الزوجية أو الخطوبة مبنية على الرحمة والمودة، مش على الإيذاء والشكوك. ربنا أمرنا بحسن العشرة، وإذا كان الطرف التاني بيجرح ويخفي ويتلاعب، فده مش من الإحسان. أنصحكِ بشدة تثبتي على قرارك بالبعد، لأن الرجوع هيخليكِ تدوري في نفس الدائرة وتتعبي أكتر. ركزي على نفسكِ دلوقتي: صلي استخارة، ادعي ربنا يريح قلبكِ ويبعد عنكِ كل ما يؤذيكِ، وابدئي تملي وقتكِ بحاجات مفيدة زي القراءة أو تعلم مهارة جديدة. لو لقيتِ صعوبة في الالتزام بالبعد، حاولي تكتبي كل المواقف اللي أذتكِ عشان تتذكريها وقت الضعف. ابحثي عن أسئلة مشابهة على فدني عشان تشوفي تجارب تانية وتاخدي منظور أوسع. أنتِ تستاهلي علاقة فيها احترام وأمان، وده قراركِ اللي هيحميكِ.
تم النشر الجمعة، ٢١ أغسطس ٢٠٢٦
بصي ي قلبي ، خلي والدك يحط حد للموقف دا ، ابعدي عن الشخص دا لإن مفيش بني آدم عاقل ومحترم بيعمل تصرفات غير ناضجه من دي ، انتي حاليا قبل الجواز مش مرتاحه ونفسيتك متدمرة ما بالك بقا لو اتجوزتوا ! ...فشكلي الخطوبة دي وقولي لوالدك يخليه يبعد عنك ي اما هيشتكيه في المركز ويحط حد للموضوع دا ، في غيره احسن منه بكثييير اووي ، وزي مقلتلك ي تغيري رقمك ي اما تحذفي الوتس مؤقتا الفترة دي عشان ميبعتش ، بس الأفضل انا برشح تجيبي شريحة جديدة
تم النشر الجمعة، ٢١ أغسطس ٢٠٢٦
يعني حضرتك شايفه ابعد دا عمره ما هيتغير صح ؟وبجد معايا ديما متجاهليني بس المهم اكون موجوده لما أقرر يبعد يحاول يرجعلي لدرجه جالي الشغل واعملي مشكله شغلي اللي بكير فيه بقالي سنتين ودي كانت من ضمن اذيه وانا الأسف كنت مذاكره دا حب لكن حرفيا آخر فتره بيعمل تصرفات والله العظيم ما فيه حد يتحمله انا من جناني انت بتعمل كدا ليه بترجع بقا وانت اللي بعدت
تم النشر الجمعة، ٢١ أغسطس ٢٠٢٦
سبيه وفشكلي الخطوبة الشخص اللي زي دا لا يؤتمن علي جواز ، مش عارفة انتي لي مكملة معاه لحد دلوقتي ! اي اللي جابرك ! والمفروض ي حبيبتي قبل م توافقي علي شخص تصلي استخارة ولو ارتاحتي وافقي ، امسحي الوتس اللي بيبعتلك من عليه دا الفترة دي او غيري رقمك ، في حلول كتير ، بس اهم حاجه ابعدي عن البني آدم دا وربنا يعوضك عنه بزوج يقدرك ويعرف قيمتك زوج حنين ولطيف حتي وقت الخصام ، الدنيا موقفتش علي دا ، أسأل الله لكِ التوفيق والسداد في القول والعمل.
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا