لا يسبب زيادة في الوزن. لكن يمكن لهذا التصرف ان يسبب مشاكل نفسية تتعلق بالطعام، وفي هذه الحالة يمكن ان يسبب "bulimia" ، وهو اضطراب يجعلك تخرجين الطعام بعد اكله، ان كان عن طريق التجشؤ ، او عن طريق اخذ حبوب للإسهال. وهذا طبعا اضطراب خطير، يؤثر سلبي على حياة الانسان. فبدل اخراج الطعام من فمك، حددي الكمية وكليها كلها، اسمحي لنفسك اكل كل الكمية التي وضعتيها لنفسك، ومفضل المتابعة مع اخصائية تغدية.
عفوا❤ انتبهي على جسمك حافظي على صحتك وما تضييعيها بسبب مفاهيم غلط، جسمنا أمانة بإيدنا🌸
تم النشر الاثنين، ٣٠ يونيو ٢٠٢٥
شكرا إلك وعلى نصيحتك 💞
تم النشر الاثنين، ٣٠ يونيو ٢٠٢٥
بدي اعرف ليه وصلت لهي المرحله
تم النشر الاثنين، ٣٠ يونيو ٢٠٢٥
شكرا على نصيحتك أنا عمري ١٧ لما كنت ١٥ كنت باكل كله fast food وحلويات لكن لما وصلت لوزن ٦٠ كرهت نفسي كتير وبلشت اعمل دايت على رغم ماما منعتني لكن أنا ما قبلت وهلئ أنا كلوا بالبيت البس اوفير سايز لان مابدي حد يلاحظ زر ضعفت كتير وأنا أصلاً هلأ بعطله الصيفيه وبدي أضعف اكتر أنا اشرب مي منيح بس لما بدي أكل اي شي بفكر بالسعرات اللي فيه ومباكل
تم النشر الاثنين، ٣٠ يونيو ٢٠٢٥
هذا النظام غلط حبيبتي وممكن يعمللك امراض خطيرة بالمستقبل وممكن حتى امراض توقفلك كل حياتك لا سمح الله... بعدين الصبية الحلوة الي بتهتم بجسمها ما بتكون هيكل عظمي، لا هو حلو ولا هو صحّي اصلا! اظن انت بالمدرسة صح؟ وممكن متأثرة بالبنات حواليكي. هاتي احكيلك كمان شو ممكن يصير اذا ما حسّنتي نظامك الغذائي، الاشي ممكن يأثر على هرموناتك، على جمالك وصحة بشرتك، على التوازن بالمشي يعني ممكن تصيري تمشي وتتفركشي لانك ما ماكلة منيح! وكمان اوجاع الراس واضطرابات المعدة... انتبهي على حالك واوعديني توقفي هاد الاشي الي انت فيو، كلي زي باقي العالم ما تفكري بالوزن، كلي اكل صحي اعملي رياضة، اشربي مي منيح كمان... بتحبي تقوليلي لي بتخافي من الأكل؟
تم النشر الاثنين، ٣٠ يونيو ٢٠٢٥
أنا اتبع نظام قاسي جدا أتناول باليوم خيار ولبن فقط هذا الطعام الذي يدخل معدتي لأنني أصبحت ان اخاف من الطعام والسعرات الحرارية على رغم وزني ٤٨ قبل وزني كان ٦٠ وبصعوبة وصلت واريد انحف اكثر
تم النشر الاثنين، ٣٠ يونيو ٢٠٢٥
لعرض الإجابة في فدني اضغط هنا