السلام عليكم
اولا قصتي عشوائيه جدا! بجد امانه في رقبتكم تقراوها كلها وتدولي حل عارفه انها تعتبر جريده بس يجزيكم الله كل خير !.
حابه اقولكم اني مريت بمشاكل كتير في حياتي وفوق ما تتخيلوا كمان انا ١٦ سنه للعلم لان ممكن مساعدتكم ليا تفرق
بدأت الحكايه من وانا اعدادي دايما كنت وحيده مكنش عندي غير صحبه صحبتين بالكتير وفجأه بيتغيروا عليا للعلم انا مزاجيه وبتعصب بسرعه وكمان ملامحي حاده كان دايما يجيلي انتقادات ليه زعلانه ليه مبوزه متيجي تضربيني قلم وبلا بلا... ولما دخلت لمرحله الثانوي لاحظت ان ألمدرسين وقت الشرح يتجنبون النظر لي ابدا واوقات يتجاهلون وجودي وقبل مره مدرس قالي هو انتي وشك وارم كدا ليه هو حد ضاربك بوكس بس دا رسمه وشي والفك عندي مش متماثل وانا كنت ملاحظه الحاجه دي وكنت زعلانه منها من هذا اليوم وثقتي اتدمرت لانني ذهب بسرعه للنظر الي المرآه ووجدت انني قبيحه جدا ومن هنا بدات اقارن نفسي بالبنات.....
وبعدين بدأت اقول انا ولا مره حد عبرني ولا مره اتعاكست . في بنات حلوين والمواقف اللي بيتحطو فيها وبتدل قد ايه انهم جميلين عكسي ولا مره اتحطيت في مواقف زي دي والناس بتتجنبني انا مش بقول اني عايزه اتعاكس بس نفسي احس اني جميله ولو لمره حتى مجامله من بنت!!! واللي بيحصل من البنات كالاتي :
حصل موقف وانا طالعه البلكونه كنا اول م النهار طلع كدا نور خفيف بعد أذان الفجر طلعت أجيب هدومي من ع المنشر وفي عروسه متجوزه جديد جنبنا شافتني ودخلت بسرعه وانا ساعتها كان شعري منكوش أكيد انا مش عروسه بحلاوه وشعري حرير وعملاه بروتين يعني وواحده قايمه من النوم هي متوقعه ايه بس انا فعلا شعري صعب وافريقي وعندي عقده منه
المهم هي شافتني وانا عديت الموقف صحيح اني حسيت بإحراج بس قلت خلاص هي بنت زيي زيها يعني والحمد لله انه مكنش ولد اللي شافني المهم بعد اسبوع لقيت بنت اخو ابو العريس اللي هو جوز العروسه المهم البنت دي تعتبر صحبتي قالت ليا بحس انك لما بتصحي بيكون شكلك حلو وخدوك حمرا
استغربت قلت انتي شوفيني فين قبل كدا وانا صاحيه من النوم قالت قبل كدا شوفتك من فوق السطح قلت اهه المهم قلت ليها دا مرات ابن عمك شافتني قبل كدا وانا شعري منكوش قلت هي قالت لك قالت بصراحه اه قلت امال انتي بتقولي كدا ليه في الاول قالت علشان متزعليش قلت لا مش هزعل قلت هي قالت لك ايه قالت لا هتزعلي المهم هي مرضتش تقول غير انها قالت اه شافتك وقالت هي قالت شعرك قد كده ومكنتش مسرحه شعرك وهي دخلت جوا بسرعه علشان متحرجكيش قلت اه لا عادي
من ساعة م قالت كدا روحي حرفيا حسيتها انقبضت معرفش ازاي بس دا اقرب وصف للي حسيت بيه فضلت قاعده جنبها سكتت 10 ثواني كدا وهي كانت بتتكلم مكنتش سامعه غير صفير في ودني انا حرفيا عندي عقده من شعري علشان كدا اتحسست وانا زعلت موت من العروسه دي لاني مكنتش متوقعه وقلت موقف وعدا لا اتفاجئ انها قالت للبنت اللي تعتبر صحبتي المقربه واكيد ضحكوا عليا وحفلوا عليا كل دا (كوم واللي جاي كوم تاني)
من بعدها وانا بقيت بكره شعري اكتر واكتر وفضلت اعيط كتيررررر رر اوي اوي وبقيت ماشيه عيوني ورامه وحرفيا معنديش حد اكلمه خالص ع الفون وحتى صحبتي المقربه بقيت مكسوفه منها للمعلوم انا محجبه بس انا مكنش في بالي اني لو طلعت الوقت دا في البلكونه هلاقي حتى الشبح اصلا.
عديت الموقف وقلت خلاص همشي معاها عادي واهتم بنفسي وكدا ف بدأت اهتم بشعري وكنت ببين طرف الشعر كدا من الطرف الطرحه كنت بثبته بجيل كدا ففي يوم قالت غريبه شعرك متسرح وهي كل م تشوفني تبين شعرها قدامي من الطرحه تبين نصف وتفضل تلفت نظر الاولاد في الشارع وبلا بلا ودا بصلي ودا معرفش ايه ودا و دا
المهم في يوم كنت راحه مكان معاها تصلح فونها ف بقولها معاكي فلوس قالت لا والعروس قاعده جنبها وبعدين لقيت العروسه قالت اممم لم سألت صحبتي معاكي فلوس والشارع اللي كنا هنمشي منه العروسه هي كانت قاعده فقامت علشان ممشيش من جنبها وقعدت في مكان تاني معرفش هي شيفاني *** ولا وايه المهم فجأه لقيت صاحبتي ضحكت بصوت عالي كدا بسخريه!!! لما العروسه قامت بسرعه قبل م أمشي من جنبها!!!
وبعدين لقيت صحبتي قالت ليا دا في ولد كان هيعاكسني هيعاكسها هي يعني وقالت بس لم أعرف انها اخت صاحبه سكت قلت شطوره وانا مش فاهمه هي بتعمل كدا ليه!؟ وكمان غير ان بيحصلي مواقف كتير في الشوراع مثلا ولد بالمكنه تف على الأرض وانا ماشيه بس انا مبصتش ولا اعرف دا مين اصلا وكل م أمشي مع صحبتي كل الناس تبصلها وانا هوا؟!
وقبل كدا كنت لابسه أزرق ف صاحب ابن بنت عمي قال شفت قدامي العفريت الأزرق وقبل كدا ست شافتني قالت يا ساتر وبردو ولد بص في وشي اتخض؟!؟! وقبل كدا عمي كان ماشي قلت ازيك يا عمو بصوت عالي مردش عليا؟! 🙂 طب اعمل ايه في نفسي طيب اولع فيها؟! نفسي اكون بنت حلوه طبيعيه وحصل معايا مواقف أسوأ من كدا بكتيرررررررر
وعليكم السلام ورحمة الله وبركاته حاولي تروحي لـ دكتورة جلدية تعالج ليكي مشاكل بشرتك وشعرك تمام كده... وإلبسي لبس يليق على لو بشرتك ونسقي الدنيا وخليكي استايلك انثوي وبنوتاتي كده زيك... وده تقردي تعرفيه عن طريق اليوتيوب،او برنامج بنترست وممكن تشوفي طريقة استخدامه على يويتوب بردو في نقطة تنسيق اللبس وهكذا... وحاولي تشتغلي على الحجات الباقية اللي موجودة فيكي فاهمة انك تجهزي نفسك للمستقبل بحيث انك تتعلمي مهارات تقدري تشتغلي بيها عشان يكون معاكي فلوس وتقدري تصرفي على نفسك بخصوص حتت البنات اللي بتتعاكس وكده انتي مش بتشوفي الصورة كاملة لو شوفتي الصورة كاملة هتحمدي ربنـا على كذه نقطة انتي مش مدركاها انتِي سنك صُغير وفي مرحلة المتعارف عليها انك بتعدي نفسك للمستقبل، ومتقلقيش كل ما هتعيشي هتتعلمي بس خلي بالك طويل ومتبصيش للي حواليكي بنظرة سطحية ربنا يروق بالك.
تم النشر الجمعة، ٢١ أغسطس ٢٠٢٦
وعليكم السلام ورحمة الله. أولاً، أنا آسفة جداً إنك بتمري بكل اللي وصفتيه، وأنا فاهمة إن الكلام ده مش سهل ولا عادي، خاصة وأنتِ لسه ١٦ سنة وبتحاولي تفهمي نفسك وسط كل الضغوط دي. مشاعرك بالإحراج والألم والغضب طبيعية تماماً، وإنك حسيتِ إن ثقتك اتدمرت بسبب التعليقات والمواقف اللي حصلت مع العروسة وصاحبتك ده شيء يوجع، ومش عيب إنك زعلتِ أو حسيتِ بالإحراج. اللي بيحصل معاكِ مش بس عن شكلك أو شعرك، ده أكتر عن طريقة تعامل الناس معاكِ وكمان عن الطريقة اللي بتفسري بيها المواقف. العروسة وصاحبتك بيتصرفوا بطريقة غير ناضجة ومؤذية، والسخرية أو التعليقات اللي بتيجي "علشان متزعليش" دي في الواقع بتزود الجرح. في الإسلام، الجمال الحقيقي مش بس في الشكل الخارجي، الرسول بيقول "إن الله لا ينظر إلى صوركم وأموالكم ولكن ينظر إلى قلوبكم وأعمالكم"، وده بيذكرنا إن قيمتنا مش مرتبطة بإعجاب الناس أو تعليقاتهم. شعرك الأفريقي أو ملامحك مش عيب، ده جزء من خلق الله، والاهتمام بنفسك يكون من منطلق الراحة والثقة مش عشان ترضي الآخرين. عملياً، ابدئي بخطوات صغيرة عشان تبني ثقتك من جوا: ركزي على مهاراتك أو هواياتك اللي بتحبيها، سواء دراسة أو رياضة أو قراءة أو حتى تعلم حاجة جديدة، لأن الإنجاز بيخلي الإنسان يحس بقيمته أكتر. لما تيجي مواقف زي اللي حصلت، حاولي تردي بهدوء أو تبتعدي عن الناس اللي بتقلل منك، ولو صاحبتك بتستمر في المقارنات أو السخرية، فكري في مسافة صحية بينكم لأن الصداقة الحقيقية ما بتجرحش. كمان، مارسي الصلاة والدعاء بانتظام، وادعي ربنا يقويكِ ويبعد عنكِ الحسد والكلام المؤذي، ده بيجيب راحة نفسية كبيرة. أنتِ مش قبيحة، ومش لازم تنتظري مجاملة أو تعليق عشان تحسي بجمالك. الجمال بيبان في الابتسامة والثقة والأخلاق، ومع الوقت والاهتمام بنفسك هتحسي بالفرق. لو الموضوع بيأثر عليكِ بشدة وبتعيطي كتير، حاولي تكتبي مشاعرك يومياً عشان تفرغيها، وتذكري إنك لسه صغيرة وبتنموي، والأيام الجاية هتكون أفضل إن شاء الله. لو عايزة تتكلمي أكتر عن موقف معين أو طريقة تتعاملي بيها مع صاحبتك، أنا هنا.
تم النشر الخميس، ٢٠ أغسطس ٢٠٢٦
قرأت كلامك كله ولو عايزة الخلاصة كلام الناس ميأثرش فيك والناس اذواق ومهما كان شكلك هتلاقى اللى يحبك واللى يكرهك .. ف لو ليا نصيحة ف هى اولا حبى نفسك لان الناس هتشوفك بعيونك .. والنصيحة التانية ان معظم الحاجات اللى قلتى عليها مضايقاك زى شعرك وغيره دى حاجات تنفع تتظبط وليها حل ف بلاش تخلقى اسباب تكرهك ف نفسك .. بالعكس انتى تشوفى ايه ممكن تظبطيه وتهتمى بيه .. وكمان سنك لسه صغير يعنى لسه بتكبرى ولسه وهتحلوى
تم النشر الخميس، ٢٠ أغسطس ٢٠٢٦
لعرض السؤال في فدني اضغط هنا