السلام عليكم، "لا يُلدغ المؤمن من جحر واحد مرتين" وأنتِ اتلدغتِ كذا مرة وأخدتِ دروس قاسية، ولسه بتسألي هل تعطيه فرصة وممكن يكون تغير؟ هو ولا راجع ندمان ولا حاجة ولا تغير وكل الكلام اللي بيقوله بس عشان يجر رجليك ويرجعك للعلاقة التوكسيك دي تاني. ولو رجعتِ هتكوني بترتكبي أكبر خطأ في حق نفسك وهتساعديه يدمرها. أنتِ لو تغاضيتِ عن المعاملة السيئة اللي كان بيعاملها لك والخناقات والبعد، مينفعش أبدا تتغاضي عن الخيانة وإنه كان بيتسلى بك وهو مرتبط بواحدة تانية ولولا إنها خانته كان زمانه مكمل معها. فمجرد بس إنه فكر في غيرك دي نقطة كفيلة تخليكِ تطرديه من حياتك تماما. عامة، أنتِ رادة على نفسك في تفاصيل المشكلة اللي كاتباها فارجعي اقرئيها وفكري كويس ليه مينفعش تعطي فرص تانية ولا تفتحي صفحة جديدة. وبالمناسبة، بلاش ارتباط غير رسمي تاني، العلاقات دي مش بيجي منها غير التعلق ووجع القلب فحافظي على قلبك ومشاعرك، أنتِ تستحقي أفضل من كده. بالتوفيق.💚
ولا تاخدي في بالك ومتفكريش غير في نفسك ومصلحتك. الكلام سهل، والحب نفسه والمشاعر مش مضمونين وممكن يتغيروا بسبب الظروف والمعاملة السيئة والطباع الصعبة فما بالك بقى بشخص أصلا مكنش صريح معك وكان توكسيك في معاملته، ولا كان بيحبك فعلا عشان اللي بيحب مش هيفكر يخون ولا يؤذي اللي بيحبه. ارمي كل كلامه ووعوده ورا ظهرك وخلي نفسك رقم واحد ومتجيش عليها أبدا عشان خاطر حد. وربنا يوفقك للي فيه الخير.💚
تم النشر الأربعاء، ١٦ سبتمبر ٢٠٢٦
صح ي دكتور أنا بقول كدا بس من كلامه ليا بيتمني ارجع تاني طبيعيه بعد اللي عمله فيا هو أصلا بعد ما صراحتي هو معايا كان بيراقب اكونتاتها لسه وبعد زمان عشانها أنا حرفيا تعبت أصلا جسديا ونفسيا من كلامه
تم النشر الأربعاء، ١٦ سبتمبر ٢٠٢٦
لعرض الإجابة في فدني اضغط هنا