السلام عليكم ورحمه الله وبركاته. كلنا عندنا ذنوب علينا يا اما نتصر يا اما نموت واحنا بنجاهد والجهاد مع نفسنا جهاد عظيم(افضل الجهاد من جاهد نفسه في ذات الله عز وجل) نقطة جلد الذات نقطة مهمه وانا واجهت فيها صعوبه زمان لان في كذا عدو منهم نفسك ومنهم الشيطان اللي قبل الذنب يستخدم مبدأ التصغير ودا مجرد ذنب دي حاجه بسيطه وبعد الذنب يستخدم مبدأ التهويل ربنا عمره ما هيسامحك دا سلاح من اسلحة الشيطان واما ان كان الذنب متعلق بسلوك ادماني فدا اهم باب بيدخل منه الادمان عشان يعمق المادة الادمانية لان الجلد ياتي بالخزي والخزي يأتي بالعار والدونيه ومن هنا تتولد محفز للضرب. انا عملت تمرين ساعدني اتخلص من جلد الذات هاتي ورقتين واكتبي فيهم كلام تشجعي بنفسك انا كمثال كنت كاتب (انا ناجح انا بحب نفسي زي ما هي انا متعافي) كنت اول ما اصحي من النوم وانا داخل انام او اول ما انتكس كان في الاول الكلام صعب بس بعد يجي اسبوعين بقيت متراضي مع نفسي وحاسس ان حاببها زي ما هي فعلا واخيرا لو بتحبي الكتب في كتاب اسمه الجلاد تحت جلدي لعماد رشاد و لو الذنب دا متعلق بس سلوك ادماني انصحك تتابعي عماد رشاد عثمان على اليوتيوب سلسله فهم التعافي https://youtube.com/playlist?list=PLOjvW1C4hDCk448_fWgbTz6GQK3pE6q9c&si=OghyC5RlJG7Dos75
جزاك الله خيرا
تم النشر الأحد، ٨ فبراير ٢٠٢٦
لعرض الإجابة في فدني اضغط هنا