ارجوكوا الي عندو الحل يقولي عليه
انا عندي ١٤ سنه بس الي انا شفته في حياتي وحش اوي من وانا صغيره كنت بشوف خناقات بابا و ماما و ضرب منهم وانا صغيره و لما بعمل حاجه غلط تتعاقب عليها و كانت ماما ديما بتزعق و بابا بيضرب و ماما كانت بتخوفني من الناس و تخليني ارفض اي حاجه منهم و بسبب كدا كنت انطوائية و مش بعرف اتعامل مع الناس خالص
و كمان كنت في مدرسه و المفروض انها كويسه و انترناشونال و رغم كدا شوفت اسود ايام حياتي و كنت لسه اوله ابتدائي كانت المدرسه بتزعقلي جامد علشان مكنتش بعرف اتكلم انجليزي كان كل كلامها انجليزي و مكنش عندي صحاب و ديما لما أغلط كانت بتخوفني علي رجلي طول الحصه و بسبب كدا العيالي الي معايا كانوا مش بيحبوني و يتنمروا عليه
و كنت صغيره اوي و داخله المدرسه بدري عن سن المحدد و وكنت من وانا صغيره معنديش ثقه بنفسي بحس اني مكروهة من الكل و حتى لما اتصاحب على واحد كانوا العيال بيقولوا اني وحشه و الحصص الي بنلعب فيها بيقعدوني لوحدي علشان مش لابسه اللبس حتى مصعبتش عليهم علشان قعده الوحدي
و كنت تخينه عن العيال الي في سني مكنش في حد كويس معايا في البيت و ديما خناق و لما كنت صغيره مكنتش بعرف البس بسبب بابا مكنش بيخليني البس و ماما بيقولوا اني تخينه فكرهت جسمي و شكلي و ثقتي بنفسي صفر و روحت مدرسه جديده و برضو مش بعرف اتعامل مع الناس و كنت ديما ساكته لما اتكلم اتلعثم في الكلام و كل ده وانا ساكته
مفيش حد.كان عارف الي جوايا و مكنتش بعرف احكي و لما أقولهم مش بحب حاجه كانوا بيجبروني اني اعملها و مكنتش اعرف اتكلم عن مشاعري علشان كانوا بيتريقوا عليها فكنت دايما ساكته و كاتمه عن كل حاجه فيه
لما كنت مش بحب اروح المدرسه علشان دايما لوحدي و معنديش صحاب كنت بضرب و كمان مكنتش بحب اعيط علشان شايفاها ضعف فالحزن دايما ليتحول لعصبيه و اهلي كانوا بيكرهوني في جسمي و لما البس حاجه ضيقه بابا و اخواتي بيبوصوا على جسمي بطريقه غريبه فبتكسف و البس حاجه واسعه
و كنت بخاف اهلي بيبصوا على بنت يفكروها احسن مني أو اجمل مني و اكتر الايام كنت بضرب علشان اروح المدرسه من وانا صغيره كنت بعمل عالم خيالي اعيش في طول اليوم حتى وانا بعمل حاجات مهما كنت حاسه في بأمان و لما كبرت و انا داخله ثانوي دلوقتي ديما اهلي بيقعدوا يقارنوا بيني و بين البنات
و ديما بيقولوا انتي عامله كدا ليه انطوائية و انا اصلا بنت حساسه و كان في مواقف وحشه مش مفهومه و كمان شكلي مش وحش كان في شله شباب واقفين في الشارع و قعدوا بيتريقوا عليه و يقولوا ايه يا عجله انتي جاموسه و كلام ده و ناس كتيره غيرهم مع اني دلوقتي مش تخينه اوي
دلوقتي ثقتي بنفسي وحشه اوي و مش بعرف اتكلم كلمتين علي بعض بتكلم بسرعه و كلام مش مفهوم و كل بيضحك عليه بس اعمل ايه غصب عني طلعت كدا و مش عارفه اتعرف أو اتعامل مع الناس و مع أهالي
بقيت عصبيه اوي و من وانا في ٥ ابتدائي باذي نفسي بحرق نفسي او اقطع ايدي لحد ٣ اعدادي و كنت بسبب جسمي الاكل برجعوا لما اكله أو بصوم كتير بس مفيش فايده و ديما بفكر في الانتحار بس المشكله انو حرام و ديما بفكر فيه من وانا صغيره
بصي يـَ جمـيله.. أول حاجة وأنا بقرأ كلامك حسيت قد إيه إنتِ شيلتي فوق طاقتك من سن صغير وخلينا متفقين مفيش طفلة تستحق تعيش كل اللي إنتِ عشتيه.. وعشان كده متلوميش نفسك على شخصيتك أو خوفك أو ضعف ثقتك بنفسك لأن دي مش عيوب فيكي دي آثار لحاجات كانت أكبر من سنك. أكتر حاجة نفسي أقولهالك إن متفقديش الأمل في نفسك..مهما وصل بيكِ الوجع افتكري إن المراحل الصعبة مبتفضلش زي ما هي حتى لو وإحنا جواها بنحس إنها مش هتخلص. ولو عندك أخ أو أخت حتى لو مش بتحكيلهم كل حاجة جربي تفتحي معاهم الكلام بالتدريج.. ولو فعلًا معندكيش حد ترتاحيله فاكتبي.. اكتبي في نوتة أو افتحي تسجيل فويس واحكي لنفسك كل اللي جواكي. متكتميش،،لأن المشاعر لما تفضل محبوسة بتتعب صاحبها أكتر. وبالنسبة لأي حد اتريق على شكلك أو وزنك فدي مش مشكلة فيكي..الشخص المحترم عمره ما يقلل من حد بسبب شكله. و ف الغالب اللي بيعمل كده بيحاول يحس إنه أفضل على حساب غيره، فلا تدي لكلامه أكبر من حجمه. وعايزة أقولك حاجة.. كل واحد في الدنيا عنده ابتلاء، بس بيختلف من شخص للتاني،، يمكن ابتلاؤك كان في أهلك أو في الظروف اللي اتربيتي فيها، وده صعب فعلًا لكن مفيش تعب بيضيع عند ربنا. أما بالنسبة لوزنك، فلو هو فعلًا مضايقك إنتِ مش علشان كلام الناس فاطمني..دي حاجة ليها حلول بإذن الله.ولو تقدري تراجعي دكتور يبقى كويس ولو لأ ابدئي بـ حتى عشرين دقيقة رياضة في البيت كل يوم مع أكل متوازن هيفرقوا مع الوقت. وحاولي تعملي لنفسك روتين بسيط.. اكتبي كل يوم كام حاجة عايزة تعمليها حتى لو كانوا صغيرين وكل ما تخلصي حاجة علمي عليها الإحساس بالإنجاز بيساعد الثقة بالنفس تكبر مع الوقت. وحاولي كل يوم تدي لنفسك شوية وقت هادي. اقعدي مع نفسك ادعي أو اذكري ربنا أو حتى رتبي أفكارك. ومتخليش كلام الناس يبقى هو تعريفك لنفسك. الناس بتتكلم عليكِ النهارده وبكرة هتتكلم على غيرك. لكن إنتِ اللي هتفضلي عايشة مع نفسك، فحاولي يكون صوتك لنفسك أهدى من صوتهم. وفي الآخر أنا مش بقولك إن الطريق سهل ولا إن كل حاجة هتتغير مرة واحدة..لكن طول ما إنتِ بتحاولي حتى بخطوات صغيرة فإنتِ بتتحركي لقدام وده في حد ذاته حاجة تستحق التقدير.
تم النشر السبت، ٨ أغسطس ٢٠٢٦
السلام عليكم، أنا مقدرة مشاعرك وقد إيه صعب اللي مريتِ به، بس صدقيني الانتحار مش حل خالص ولا مهرب. أنتِ مفكرة إنه مهرب أو حتى مفكرة إنك ملكيش لازمة في الحياة فليه تفضلي عايشة وده غلط أكبر. لو ملكيش لازمة ربنا مكنش خلقكِ أصلا. كل الحكاية إنك مشوشة ومعمية عن رؤية أهميتك ولازمتك في الحياة بسبب الصعوبات اللي حصلت لك. *** تفكيرك في الانتحار واستسلامك للاكتئاب ده معناه إنك بتسمحي لكل الناس اللي أذتك إنها تنتصر عليكِ. هل تفتكري هيزعلوا ولا يحسوا بندم على اللي عملوه لو انتحرتِ؟ هم نسيوا الأذى اللي سببوه لك وتابعوا حياتهم وأنتِ بتسمحي لهم يكملوا انتصار عليكِ حتى وهم مش بيعملوا حاجة. *** جربي تشغلي نفسك في أهداف تشتغلي عليها كل يوم، مارسي رياضة ولو عشر دقائق، ارسمي ولا حتى شخبطي، انزلي غيري جو وملكيش دعوة بأي حد يقابلك ولا يحاول يكلمك، طنشي وكملي طريقك. ** جربي تمارسي عادة الامتنان. هاتي نوتة جميلة واكتبي فيها كل يوم ٣ حاجات على الأقل بتشكري ربنا عليها، إنجازات ولو صغيرة عملتِها في يومك أو حاجة فرحتكِ مهما كانت بسيطة. لو فكرتِ وبصيتِ حولك وفي نفسك، صدقيني هتلاقي ربنا منعم عليكِ بحاجات ممكن ناس كتيرة محرومة منها بس أنتِ مش واخدة بالك بسبب الحزن والوجع اللي أنتِ فيه. جربي كده واستعيني بالله. ** أنتِ لسه صغيرة وقُدامك الحياة فاستغليها واعرفي ربنا خلقك ليه وعيشي عشان ربنا مخلقكيش عبثا. ** لو هتحتاجي تتابعي مع مختصة ابقي ادخلي على قائمة الخبراء في فدني واختاري خبيرة وتواصلي معها عن طريق حجز استشارة، وممكن تشوفي الخط الساخن للدعم النفسي الخاص بالأمان العامة للصحة النفسية وعلاج الإدمان ( ١٦٣٢٨ ) ده مجاني تماما. واستعيني بالله وإن شاء الله تتخطي الابتلاء ده وتكوني أفضل. بالتوفيق💚💚
تم النشر الأحد، ٩ أغسطس ٢٠٢٦
يا بنتي، أنا ذكية، وأنا هنا معاكِ بكل قلبي. اللي مريتِ بيه من وأنتِ صغيرة قاسي جدًا، والألم اللي عشتهِ في البيت والمدرسة والشارع طبيعي إنه يخلّي الثقة بالنفس صفر والعصبية والحزن يسيطروا. أنتِ مش "مكروهة" ولا وحشة، أنتِ بنت مرت بصدمات كبيرة وما حدش ساعدها وقتها، وده مش ذنبكِ أبدًا. الأهم دلوقتي إنكِ بتفكري في الانتحار رغم إنكِ عارفة إنه حرام، وتوقفك عن اللجوء له دليل على قوتكِ الداخلية. استمري في التمسك بهذه القيمة الإسلامية، واعلمي إن الله يرى كل اللي حصل وهو أرحم بكِ من أي حد. لكن الأفكار دي محتاجة تدخل متخصص فورًا عشان ما تتفاقمش. روحي لطبيب نفسي أو معالج متخصص في الصدمات، هما اللي يقدروا يساعدوكِ بطريقة آمنة ومنهجية، وده مش بديل عن أي حاجة تانية لكنه ضروري دلوقتي. ابدئي بخطوات صغيرة عملية: اكتبي يوميًا في ورقة أو مذكرة ثلاث حاجات إيجابية حصلت حتى لو بسيطة، ومارسي هواية بتحبيها لوحدها عشان تبني عالمكِ الداخلي بطريقة أكثر أمانًا. لما تحسي بالعصبية أو الرغبة في إيذاء نفسكِ، غيري المكان فورًا واعملي حاجة بسيطة زي المشي في البيت أو قراءة آية من القرآن. كمان ابحثي على فدني عن أسئلة مشابهة عشان تشوفي تجارب بنات تانيين وتاخدي أفكار إضافية. أنتِ قادرة تتغلبي على ده خطوة بخطوة، وأنا فخورة إنكِ طلبتِ المساعدة. لو عايزة تحكي أكتر أنا موجودة.
تم النشر الجمعة، ٧ أغسطس ٢٠٢٦
أولا البيئة المنزلية المتوترة سببت لك كره نفس وضعف ثقة وده سبب استضعاف الناس لكي .... عموما الحل مش عند الناس لأن الناس برضو قد يكونوا ضحايا لناس ثانيين .... ولكن الحل بإصلاح علاقتك مع الله فهي النجاة في الدنيا والآخرة
تم النشر الاثنين، ١٠ أغسطس ٢٠٢٦
هقولك حاجة ي حبيبتي بصي ، اولا قبل كل حاجة ربنا بيقول " ولا تُلقوا بأيديكم إلي التهلكة " بطلي تئذي جسمك وتعوري نفسك لإنه حرام ، ثانيا قرري الاكتفاء بنفسك يعني حطي هدف قدامك عشان تسعي علي نفسك وتسيبي البيئة اللي انتي فيها دي ، حددي هدف ليكي وابدئي اسعي ليه واستحملي أذاهم وتوكلي علي الله ، ابني حياتك وشوفي اي الحاجات اللي بتحبي تعمليها ونفسك تعمليها وابدئي اسعي لتحقيقها ويكون معاكِ فلوس وتبدي تهتمي بشكلك ونفسك ولبسك وتبني حياتك الخاصة بعيدا عن البيئة اللي حواليكِ دي ، استحملي أذي أهلك عشان ربنا..لإن مينفعش تعامليهم وحش ، وابني علاقة قلبية مع ربنا وليس علاقة جسدية فقط ولو متعرفيش يعني اي اسألي شات أو أي موقع Ai عشان بس رسالتي متبقاش طويلة .
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا