انا مش كويسه خالص بعد تالته ثانوى بحاول أنسى اللى حصل فى الامتحانات مش قادره خايفه اجيب درجه وحشه الموضوع يتحول لعقده خاصه ان كل امتحان له صعوبه معايا وله حكايه من اصعبهم امتحان التطبيقيه والكمياء اللى من شده حبي ليهم كنت بدعى ربنا افضل اتعلمهم للأبد امتحان الكمياء تعبت وما عرفتش احل كويس والتطبيقيه ما عرفتش احل خالص عماله احل واعمل خطوات النواتج مش بتطلع هبدت الامتحان وخرجت مهمومه وأولياء الأمور كلهم معاهم ورد ومبسوطين وانا ماشيه وسطهم بهمومى وعقلي فاضي روحت قاعده على السلم واعيط لحد دلوقتى مش قادره أواجه نفسي بانى ازاى اهبد وأخرج بالطريقه دى
السلام عليكم، بصي حبيبتي، القلق والخوف وكل اللي أنتِ معيشة نفسك فيه دلوقتي مش هيغير أو يبدل حاجة مكتوبة فأنتِ مش بتعملي حاجة غير إنك بتتعبي أعصابك وبتتوقعي الشر بأفكارك السلبية. اللي اتعمل اتعمل خلاص، وأنتِ في أمر واقع، ومش هتقدري ترجعي للماضي تغيريه فاستهدي بالله وركزي على الدعاء والتفكير بإيجابية. أنتِ لو لا قدر الله مكتوب لك تجيبي درجة وحشة زي ما بتقولي فأنتِ بتضاعفي الفترة السيئة على نفسك. غير أصلا محدش عارف مكتوب إيه والخير فين، فتفاءلي خيرا وثقي بربنا. *** على فكرة حصل معايا في الثانوية وامتحانات الكلية إني كنت بخرج حاسة إني عكيت جدا في الامتحان رغم إني كنت مذاكرة والحمد لله ربنا كان بيسترها. *** وبالنسبة للهبد في الامتحان فعادي، أنا ياما هبدت في امتحانات الكلية في الأسئلة اللي مش مذاكراها 😅😅.. تقريبا معظمنا كطلاب كنا بنهبد عادي. فصالحي نفسك على الهبد. ****** وأنتِ على فكرة اللي بيدك تحولي نتيجة الثانوية لعقدة، ناس كتير قصرت في الثانوية أو اجتهدوا ومع ذلك نزلوا في المجموع لكن مسمحوش لده يتحول لعقدة في حياتهم وتفوقوا في الكليات اللي دخلوها. وناس تانية كانت متفوقة وفرقت معهم على كم درجة ومدخلوش الكلية اللي عاوزينها أو دخلوها بس مجموع غير اللي كانوا عاوزينه وحولوا الموضوع ده جواهم لعقدة نفسية، فأنتِ اللي تقدري تخلي ده عقدة نفسية أو لأ. *** بالنسبة لدراسة الكيمياء والتطبيقية عشان حبك لهم، فدلوقتي النت متاح فيه كل حاجة وممكن تكملي تعلم عليه والدراسة مش متوقفة على الدراسة الحكومية ولا حتى على درجتك فيهم بالثانوية. يعني لو نقصتِ فيهم لا قدر الله، إيه المانع إنك تكملي تعلمهم مع نفسك بعد كده؟ **** فكري إن ربنا إن شاء الله هيختار لك اللي فيه الخير، كلنا لنا مسار في الحياة وطرق هنمشيها وتجارب هنعيشيها فممكن تكون كلية معينة في مكان معين هي اللي مكتوب لك عشان تمشي في المسار ده وربنا بيكتب لنا اللي فيه خير لينا. ركزي على أنك تبرمجي أفكارك كده وإن شاء الله كله هيبقى تمام. بالتوفيق.💚💚
تم النشر الثلاثاء، ٢٨ يوليو ٢٠٢٦
أنا آسفة جدًا إنك بتمري بهذه اللحظات الصعبة، وأقدر تمامًا كم الضغط والخوف اللي بتحسي بيهم دلوقتي. امتحانات تالتة ثانوي بتكون تجربة مرهقة جدًا، ومن الطبيعي إن النتايج والأخطاء تتحول لعقدة مؤقتة، خاصة لما تكوني بتحبي المواد زي التطبيقية والكيميا وبتدعي ربنا إنك تتقنيهم. اللي حصل مش فشل شخصي، ده جزء من ضغط الامتحانات اللي بيأثر على أي حد، ومش هيحدد قيمتك أو مستقبلك. حاولي دلوقتي تتعاملي مع نفسك بلطف أكتر. اجلسي مع مشاعرك بدون لوم، واكتبي اللي حصل في ورقة عشان تخرجيه من دماغك، ثم ركزي على الخطوات الجاية زي معرفة النتيجة أو التفكير في بدائل الجامعات اللي تناسبك. ربنا بيقول "إن مع العسر يسرا"، وكتير من اللي مروا بنفس الضغط ده لقوا طرق أفضل بعد كده، فمتخليش الخوف يسيطر. لو النوبات دي بتتكرر، ممكن تبحثي عن أسئلة مشابهة على فدني عشان تشوفي تجارب تانية وتاخدي أفكار إضافية. أنتِ قوية، وهتعدي المرحلة دي خطوة بخطوة. خدي وقتك في الراحة والدعاء، وربنا هيسهل الأمور. لو عايزة تتكلمي أكتر عن أي حاجة، أنا هنا.
تم النشر الثلاثاء، ٢٨ يوليو ٢٠٢٦
بصي ياستي نفكنا من الزعل ونفرفش كده علشان نشوف مستقبلنا انا عملت سيرش صغير كده عن المعاهد عندك معهد العالي للهندسه والتكنولوجيا دا مجموعه مش عالي اووي يعني باذن الله ممكن تلحقيه انتي ممكن تدوري كويس ولو لقيتي أن محافظتك مجموعها عالي شوفي محافظه تانيه مجموعها قليل شويه وروحيها سنه وانقلي محفظتك السنه الجايه واهو ياستي اهو حاجه هتشيلي فيها مسطره برده ولا ايه 😑💗
تم النشر الأحد، ٢ أغسطس ٢٠٢٦
طيب انا هعرف احل مشكله المستر فانتى اكيد من الطلاب اللى بتذاكر اكتر من عشر ساعات اللى حياتها دراسه بس ومش معنى كلامى انك مش شاطره مالهاش علاقه بس بجد انتى لازم تبقي قد المسؤولية دى. لا انا هاخد درسين عشان ممكن أراكم حاجه والمنهج مبنى على بعضه فلازم تعدلى يومك اللى هيتعبك فى ثانويه مش ان تاخدي اكتر من درس اللى هيتعبك انك تسيبي وقت فاضي كبير بين الدروس وتفضلي متمرمط طول اليوم بجد لازم تظبطى جدول للدروس وتقليلى الوقت الضايع
تم النشر الثلاثاء، ٤ أغسطس ٢٠٢٦
المشكله التالته سبب لمشكله التانيه و الاولى ليه التجربه ناقصه الفكره فى منهج ثانويه هو منهج لذيذ بس هو أجزاء جزء مبنى على جزء وجزء مختلف عن التانى شبه الفيزياء فى كهربيه وفى حديثه طبعا مالهمش علاقه ببعض بس بس الكهرببه اربع فصول كلهم مبنين على بعض فى الاساذه صعب تبقي كويسه فى كل حاجه وصعب مثلا تبقي شرحها حلو وبتحل كتير فإنك تلاقي استاذ هيشرح كل الأجزاء حلو وانه يشرح حلو ويحل حلو دا بجد احتمال يقترب من الصفر فالحل انتى تبقي عارفه عيوب الاستاذ دا ولازم لازم تحليها او تاخدي درسين
تم النشر الثلاثاء، ٤ أغسطس ٢٠٢٦
تانى حاجه واضح من اول حاجه انى ماكنش عندى ثقه بنفسي ودا خلى المشكله التانيه تظهر انا نسيت خالص انى عادى بذاكر طول حياتى وبعمل تفوق ملحوظ حتى لو أهلى الناس الوحيده اللى مش شيفاه فطبعا مشيت ورا تعليمات الناس اللى جايبه مجموع والأستاذة اللى بتطلع اوائل والله اى مستر او فى الاغلب بيورى درجات العيال عنده فهو مستر تعبان فكنت مش بفهم حاجه من الاساذه اللى اختى قالت ليا عليهم اختى فى طب وكنت بروح اعيط واقول مش فاهمه حاجه وامى تزعق وتقولى العيب منك وكالعاده حطيت فعلا العيب عليا على الرغم ان فعلا الاساذه ماكنتش احسن حاجه ليه بقي ما تمشيش ورا كلام حد عشان والله بالصدفه اكتشفت انى اختى اختى مش حد غريب ماكنتش معتمده على الاساذه دول بس وكانت بتاخد مع ناس تانيه فلو عايزه تعدى من المشاكله دى هو اكيد لازم تسمعى لكلام الناس اللى جابت مجموع بس ما تنسيش انك بردو ليكى دماغ وغالبا الشخص اللى بينقل ليكى التجربه بتبقي ناقصه فمش شرط الاستاذ اللى الاوائل بتاخد عنده بيبقي حلو لأنهم فى الغالب مش بيعتمدوا عليه أو وحش لان اكيد فيه ميزه
تم النشر الثلاثاء، ٤ أغسطس ٢٠٢٦
اول خطأ انا كنت فى اغلبيه او كل مراحلى الدراسيه من الطلاب الشاطره اللى بتميل احيانا للتفوق دا مستوايا بالظبط المهم طبعا كنت متوقعه انى هعمل مجهود خرافي فكنت بجلد ذاتى لاى سبب او تقصير خفيف ماكنتش بحاول حتى اشوف المشكله و احلها وبجد الطلاب المتوفقه هى إللى بتعرف مشاكلها اول بأول وبتحلها او اى شخص ناجح عموما المهم كنت مصممه ان فيا عيب واروح اسئل الاساذه يقولوا مستواكى حلو وانا اقول ايه الحلو فى كده وكنت بتجنن لحد ما اهلى ادخلوا وكانوا عمالين يقنعوني انى ماكنتش بذاكر ولا بفتح كتاب وفعلا كلامهم عمل فيا اثر سلبي كبير وأثر عليا اهلى من النوع اللى بيدوا تعليقات سلبيه على اساس نتعب اكتر شخر ١١و١٢ ماكنتش بذاكر احسن حاجه كنت بردو حاطه تخيلات عجيبه عن السنه وان اهلى مش هيعملوا ليا مشاكل ويسبونى اذاكر والسنه دى هيقللوا ضغط لكن كانوا ببتعملوا عادى واسلبهم ما تغيرش وانا كنت متوقعه انى هدخل الجيش بقي وكده لكن اكتشفت ان عادى وغالبا هيبقي عندك وقت تعملى حاجه بتحبيها فانا كنت شايفه الرفاهية تقصير فيوم ورا يوم فعلا مستوايا قل ما انا ما بحلش المشاكل بجلد ذاتى بيها وخلاص
تم النشر الثلاثاء، ٤ أغسطس ٢٠٢٦
الاول هقولك ايه احساسي دلوقتى بعد ما جبت المجموع دا على طول بفكر فى التقصير على الرغم من انى تعبت وعارفه جبايه المنهج الكل بيقصر التفوق بينسيكى التقصير بحكم ان النتيجه حلوه فحاولي تمشي صح و تظبطى امورك كويس عشان الموضوع دا لقدر الله.
تم النشر الثلاثاء، ٤ أغسطس ٢٠٢٦
قولي ايه الغلطات الي وقعطي فيها انصحيني 🥺 ها سمعاكي كلي اذان 👂🏻
تم النشر الاثنين، ٣ أغسطس ٢٠٢٦
ربنا يوفقك العبي جامد بقى وذاكرى صح ولو حبيتى ممكن اقولك حاجات لو رجع بيا الزمن مش هعملها أخطاء يعنى انا على فكره من الشطار بعيد عن المجموع بس المدرسين بتقول ودرجاتى بعيدا عن المجموع😐
تم النشر الاثنين، ٣ أغسطس ٢٠٢٦
بجد فكرتك فى جامعه اصلا😂
تم النشر الأحد، ٢ أغسطس ٢٠٢٦
تشكريني علي ايه هو مش البنات للبنات حطيها في الرغبات وان شاء الله خير كنت عاوزه اعرفك اني لسه داخله تالته ثانوي ادعيلي بقا 🙂
تم النشر الأحد، ٢ أغسطس ٢٠٢٦
والله شكر على تعب حضرتك معايا انت انسانه طيبه اوى ربنا يكرمك هشوف كده المعاهد ممكن احطها فى الرغبات
تم النشر الأحد، ٢ أغسطس ٢٠٢٦
جبت ٦٠ انا علمى رياضه كنت بفكر فى زراعه ، انا غلطت لما فكرت كده وقولت ليه بس صعب رجعت ادعى تانى ربنا بس المره دى انه يشلها من دماغى خلاص بفكر فى الجامعه وحياتى الجامعه تخيلت نفسي بالغلط انى ماسكه المسطره تعبت رجعت ادعى تانى بين الصلاوات عشان انساها شعور وحش اوى شكرت مدرسى زى ما كنت بحلم وقولت مجموعى مالوش علاقه بتعب حضرتك عندى امل انتى هشكرهم كلهم بس عشان هتفوق فى الجامعه امل غريب بس اهو عندى
تم النشر الأحد، ٢ أغسطس ٢٠٢٦
بصي اكتبي كل الي جواكي انا سمعاكي اهو بس بلاش تقولي لربنا ليه يارب ماينفعش يا حبيتي ربنا عارف وعالم ب الي احنا منعرفوش اصل بصي ثانوي مش نهايه العالم والله صدقيني وانتي لو متعشمتيش في ربنا هتتعشمي في مين ؟ خليكي راضيه ب الي ربنا قسمهولك واحمدي ربنا انك نجحتي في غيرك دور تاني وفي الي هيعيد تاني انتي والله والله في نعمه معلش يعني لو هكون متطفله شويه ممكن تقوليلي جبتي كام وممكن اساعدك ونستشير بعض واعرفك قدراتك ونشوف كليه مناسبه وان شاء الله خير وانا والله متاكده أنه خير
تم النشر السبت، ١ أغسطس ٢٠٢٦
انا مش زيهم مش زيهم خالص انا اه قصرت بس ذاكرت وتبعت وعارفه تفاصيل المنهج كله انا دايما ماما كانت بتقول نفسي اشوفك مهندسه وكنت بقول لما هكبر هبقي علمى رياضه عشان ابقي مهندسه وانا مش عارفه هندسه دى ايه اصلا كبرت ونسيت الموضوع لحد ما بقيت احب الرياضيات جدا وكنت شاطره فيها ليه ليه يخلينى أقرب من حلمى و يبعدنى انا كان املى فى ربنا كبير انع يعوضنى عن اى حاجه اتاخدت منى عن اى حاجه خايفه ادعى ربنا باى حاجه بقول بتعشم على الفاضي و خايفه احلم وخايفه اعمل اى حاجه جيت سألت شلت جى بى تى عن اى جامعه ممكن ادرس فيها كيمياء و تطبيقيه تانى قال مافيش مجموعك قليل ليه حصل فيا كده مافيش حاجه نهائى من اللى حبتها خدتها كنت بدعى ربنا من كل قلبي انه ما يسبنيش كان قدامى اغش فى اكتر من مره وقولت كده حرام مستحيل اغضب ربنا عشان يكرمنى اللى بيغش نفع وانا لا واحد مش بيعرف يقرأ يدخل هندسه ليه وانا اترمى مرحله تالته انا فى صراع نفسي بين كل حاجه و عكسها حرام والحلال والصح والغلط شويه اقول مش هفكر فى الحرام تانى شويه اخاف من ربنا شويه اقول ايه اللى هيحصل فيا تانى وافضل كده طول اليوم
تم النشر السبت، ١ أغسطس ٢٠٢٦
ليه كده بس انتي هاتكفري بالله ماينفعش نقول ليه ماينفعش ياحبيبتي انتي اكيد كان حلمك كليه طبيه وربنا مش عاوز كده ربنا ربنا مش يديكي حاجه اكبر منك او مش هتقدري عليها يعني مثلا الكليه الي انتي عوزاها دي انتي مش قدها مش هتقدري تمشي فيها حتي لو بتحبها وحبها ربنا عارف انك مش هتقدري تكملي فيها هاتقعي في النص ربنا عز وجل بيقول ايه لا يكلف الله نفسا الي وسعها والكليه دي مش في وسعك مش هتقدري عليها لو هي في وسعك لو كنتي هتفيدي بيها الناس لو فيها خير لو في وسعك ودي اهم حاجه كان ربنا كلفهالك هو ياحبيبتي حد باخد حاجه مش في وسعه؟ حد هيقدر يتكلف بحاجه مش هيقدر عليها ؟ عندك مثال لو عندنا عربيه فيها 12 كرسي وال 12 شخص ركبوا خلاص ينفع نركب كمان خمسه سته معاهم ؟ لا طبعا ماينفعش لان العربيه دي وسعها كده ماتقدرش تركب اكتر من كده انتي كده بقا انتي ذاكرتي واجتهدي ودعيتي وصليتي وتصدقتي انتي في مخيلتك أن ربنا ما تقبلش دعائك ؟ لا طبعا تقبل بس شيليك الاحسن والي هتلاقي في نفسك بعد كده والي هتعرفي تثبتي فيه كيانك و اجتهادك والله لما تخشي الكليه الي ربنا كاتبهالك هتقولي الحمدلله اني دخلت الكليه دي انا ازاي ماكنتش عاوزه ادخلها ربنا شايفلك أن دا الخير أن دا الصالح والمفيد ليكي وثانويه عامه مش اخر الدنيا يعني دي مرحله بناخدها في حياتنا وانتي خدتيها و ختي نصيبك فيها خلاص بقا نركز في المستقبل وننسي ثانوي بتعبه وهمه نركز علي الهدف الجاي ونركز علي الكليه الي هاندخلها ونحاول نحقق فيها نجاح كبير واستهدي بالله كده استغفري ربنا عاوزه تموتي علشان حاجه خير ليكي اصلا و ربنا بيقول عسي أن تكرهوا شئ وهو خير لكم وعسي أن تحبوا شئ وهو شرا لكم ركزي في كلام ربنا كويس ربنا يوفقك يارب 💗
تم النشر السبت، ١ أغسطس ٢٠٢٦
ولا اى حاجه دعوه ١٣ سنه ما استجابتش صعبان عليا نفسى موت حتى ما رضيتش اعيط تصنعت السعادة عشان ما غضبش ربنا لسه بدائه افوق دلوقتى بسئل نفسي سوال واحد بس دعوات و صدقات سنين واجتهاد بردو انا ماكنتش فاشله راحت فين انا ماكنتش راضيه اغش كلمه عشان خايفه ما يكرمنيش كل اللى بفكر فيه دعواتى بس انا مافيش حاجه ما عملتها ذكر قيام ليلى ناس دعولى فى مكه حتى ليه عمل معايا كده ليه خلانى اشوف حلمى حد غشاش عايش فيه ليه كرمهم وسابني انا عملت ايه لك دا معقول مافيش مره وانا بعيط ودموعى مغرقه سجادة الصلاه غيرت القدر مافيش صدقه واحده غيرت قدرى انا كنت بتصدق بكل اللى معايا دا مش عدل مش عدل خالص اول مره فى حياتى اجيب المجموع دا على الرغم انى من الطلاب اللى بتحل بمجهودها انا فى صراع نفسي رهيب بين الحلال والحرام وكل حاجه مابقتش اشوف سبب يخلينى ما اعملش الحرام مافيش اى حاجه تمنعني كل اللى كنت عايزه الحلم دا بس انا ياما حبيت حاجات وماخدتهاش كان يسيب ليا دا لسه انبارح جايبنى قبل ما انط من البلكونه واخلص من دماغي عماله اكدب واقول انا كويسه وخلاص وعندي امل فى ربنا وكل حاجه بتنهى انها مش ليا انا عملت ايه لك دا انا حتى ياما سهرت وما نمتش عشان اذاكر ياما ساعده اللى حواليا عشان يكرمنى ليه كده انا مش فاهمه
تم النشر السبت، ١ أغسطس ٢٠٢٦
طمنينا عملتي ايه
تم النشر الأربعاء، ٢٩ يوليو ٢٠٢٦
خايفه مستنيه النتيجه وعماله اعيط
تم النشر الثلاثاء، ٢٨ يوليو ٢٠٢٦
خلاص يا حبيبيتي الي حصل حصل كفايه جلد ذات انا حاسه بيكي وقد ايه الشعور ده وحش بس ربنا عمره ماهيضيعلك تعب مش يمكن تجيبي مجموع كويس والله مش بعيده فكرتني مره كنت طالعه من امتحان التاريخ كنت مذاكره بس الامتحان كان صعب موت فا حرفيا هبت الامتحان كله وطالعه قايله اني شايله ملحق وفصلت اسبوعين مهمومه ذيك كده ومش عارفه اعيش ذي البنادمين يوم النتيجه والله نقصت نص درجه بس انتي متخيله سببها علي ربنا وان شاء الله خير
تم النشر الثلاثاء، ٢٨ يوليو ٢٠٢٦
لعرض السؤال في فدني اضغط هنا