احتاج رأي احد بالموضوع ذا بشدة ، من فضلكم لا تبخلوا علي بذا الرأي لانه بيساعدني على اخذ القرار ، انا اربي قطتين تؤام انثى و ذكر لسنة ونص و جبتهم لاني وحيده وكنت اتمنى يكون فيه ونس بغرفتي او شيء يخليني اقدر اقول اني بخير طول ماهو موجود بحياتي ، القطط ذي كل شي بالنسبة لي انا ما اقدر احزن اصلا وهم جنبي لما احزن اني وحيده اتذكر وجودهم معي وافرح والعب معهم وانسى السالفة ، ما كنت بتخطى ذيك الفترة من حياتي ابدا بدونهم احب لما يناموا جنبي او لما العب معاهم او لما يتهاوشون سوا واضحك و احب شخصيتهم اللطيفة ، بس اهلي قاعدين يحاولون يقنعوني نعرضهم للتبني لانهم مأثرين على صحتي بسبب ريحة الليتر بوكس السيئة اللي موجودة بغرفتي ذا غير ان القط الذكر ما يستخدم الليتر بوكس و القطة تطلب الزواج وتصرخ طول الوقت بصوت عالي يزعج السكان،اعرف انه الاسهل تعقيمهم بس القط الذكر ما يستخدم الليتر بوكس من صغره الين الحين لذا انا مقتنعه انه السبب مو الجواز ، سببوا لأهلي مشاكل طول الوقت بس كنت متكفلة بنظافتهم و اكلهم بس مافي فايده برضو فيه ريحه ، اهلي قالوا لو مشيتيهم بنجيب لك الجوال اللي كنتي تتمنيه من زمان و بنقدر نجدد غرفتك لان القطط لو مو موجودة ما بتخربها بالريحة و شعرهم و اظافرهم،قاعدين يقنعوني يمشوا يعني وانتبهت لكذا بس قالولي نسوي كل ذا عشان خايفين على صحتك ومافي حلول كثير قدامنا ولو ما مشوا اليوم بيمشوا بكرا لان بيجي يوم مابنقدر نستمر برعايتهم ، انا حزينه لان كلامهم كله صحيح و فعلا انا اخاف على صحتي بس مو قادره افترق عنهم ، ما مر يوم الا و دعيت فيه ربي يخليهم لي عشان كنت خايفه من ذا اليوم ، كل ما اناظرهم الحين ابكي عشاني عارفه مارح اشوفهم مره ثانيه بس اهلي معطيني حرية الاختيار بشرط القى حل مناسب ، نترك قطة واحدة بس معانا مثلا لتخفيف الضغط،اريد اسالكم عندكم اي حلول؟اوافق على فكرة تجديد الغرفة و الجوال؟مو قادره اقرر و خايفه اندم على اي قرار اخذه صدق،عشان اعرف الايام الجاية بدونهم بتكون سوداء قد ايش ، و لكذا قررت الجأ للتطبيق ذا لان ماعندي اصحاب اخذ برأيهم ، اتمنى فعلا تعطوني نصايحكم
فعلا احنا كنا حاطينهم بالبلكونه اللي بغرفتي بس كنت بفتح البلكونه طول اليوم عشان اقعد معاهم و كمان عشان الجو برد فيها غير انها ضيقه حرام احبسهم فيها دا غير ان واحد منهم وقع قبل كده منها
تم النشر الخميس، ٢٩ فبراير ٢٠٢٤
او حاولي تجهزي لهم لو مامكنس رووف حاولي فالحديقه أو لم يمكن مفيش غير البلكونه. حولي تجهزيها لهم. لانها فيها تهويه واي روائح مش هتكون بالبيت تاني حاجه حاولي متخلي الاثنين عشان ميتكاثروا أما لو حابه خلاص
تم النشر الخميس، ٢٩ فبراير ٢٠٢٤
حاولي يكون عندك رووف وتجهزيه لهم. وكل متحسي نفسك وحيدة تروحي تقعدي معاهم. منهم يكونوا جنبك ومنو بعيد عن داخل البيت
تم النشر الخميس، ٢٩ فبراير ٢٠٢٤
لعرض السؤال في فدني اضغط هنا