(انا اسفة ان الرسالة طويلة جدا. انا بس كان نفسي افضفض و اتسمع فمصدقت وكتبت كتير.)مش عارفة بصراحة اشرح ده ازاي أو ازاي اوصف فا معلش لو كان كلامي ملخبط، بس المشكلة موجودة من صغري. اللي فاكراه من الحضانة مشهد وحيد لما الاطفال كانو كلهم برا وانا قاعدة لوحدي ف اوضة تانية وبعيط ف كورنر. مش فاكرة اللي حصل بس فاكرة اني كنت حاسة بالوحدة. و دخلت المدرسة، ورغم محاولاتي اني اكون صداقات فشلت. لقيت نفسي البنت اللي الفصل بينفر منها ومش مهتم لوجودها. كلهم لقوا شلة و صداقة و خلاص اكتفوا ب دا ف حسيت ان مليش مكان خلاص و فات الاوان اني ابقى وسطيهم. بس كملت و حاولت برضو احشر نفسي وسطيهم واتكلم واتدخل في حواراتهم. هم مكنوش بيحبوني ولا بيكرهوني برضو. مكنتش موجودة بالنسبالهم اصلا. مكنش في غير بنت واحدة بس كانت مظهرة كرهها ليا. البقية مش فارق معاهم. قدرت بمحاولاتي ابقى صديقة لبنت واحدة. بس مكنتش بحس كتير اننا اصحاب حسيتها بتبصلي من فوق كده. و عامة نقلت من المدرسة ورجعت وحدي تاني. كان دايما اول السنة فالمدرسة بيقعد جنبي حد اول يوم. بس تاني يوم بيغير مكانه وبفضل قاعدة لوحدي طول السنة وهكذا كل السنين الدراسية. عمر ما حد كمل قاعد جنبي كتير. لان اكيد هيفضلو يقعدو مع صحابهم عن حد غريب مش كده؟ جت الكورونا، غبت كتير عن المدرسة. الفترة دي اكتشفت الانترنت و الصداقات الالكترونيات ورغم ان كتير ناس شايفاها تفاهة ومش حقيقية بس عرفت منها ناس كويسة جدا. كان في منهم الوحش طبعا بس بسبب ده اتعلمت اختار صح. و الاهم اخيرا حسيت اني مش لوحدي. بس اظن ان الانفصال عن الواقع فترة طويلة مكنش مفيد. بقيت بحب اتكلم بالإشارة مكنتش بحب استخدم صوتي غير قدام اهلي. اي حد تاني كنت برد عليه ب ايدي وخلاص. لما رجعت المدرسة تاني اظن لحوالي سنتين كانو عبارة عن عياط وصمت وبس. وقتها مكنتش عايزة اعترف اني محتاجة حد و كنت بقول لا انا بعيط عشان ظروف تانيه. بس دلوقتي انا عارفة اني كنت بعيط عشان حاسة بالوحدة. كنت بقعد طول اليوم هناك بدون ما انطق حرف ولا اكلم حد ولا اعمل حاجة، و هم ساعتها زمايلي كانو اه مش شايفيني بس حاولو يكلموني حبة. قالولي اقعدي معانا لو عايزة. قعدت معاهم بس كان برضو كاني شفافة ومش موجودة و دا وجعني ف قلتلهم اني هروح معلش بس برضو محدش خد باله ومشيت ومقعدتش تاني. جت مرات مكنتش بعرف امسك نفسي و اعيط قدامهم بس محدش برضو خد باله. بعدها جت تالتة اعدادي فمكنتش مضطرة اروح. بس من وقتها والمدرسة كابوس بالنسبالي. تالتة اعدادي نزلت دروس ف قررت احاول المرادي واتكلم و احاول اصادق البنات. بعد محاولة لسنة عرفت اكسب بنتين من الدرس يكونو صحابي. بس حتى دول مبقوش يبعتولي و مشفتهمش من سنة وبكده خسرت صداقة حاولت بكل مجهودي اخليها بس للاسف برضو معجبتهمش الظاهر. قبل اولى ثانوي بشهرين كده جتلي لحظة ادراك انو مفاضليش غير سنتين و مش هضطر اداوم فالمدرسة تاني. بالنسبالي دا خبر مفرح ومحزن بنفس الوقت.. كان نفسي اعيش حياة مدرسية عادية زي باقي الطلبة اللي عندهم صحاب وذكريات حلوة من المدرسة و حاجات يحكوها عنها. كمان لما قريبتي ورتني فيديو ليها مع صحابها فالرحلة قلت لنفسي ان كان نفسي برضو اروح رحلة مدرسية. مرحتش غير مرة و برضو كنت منسية فيها. حسيت ان السنتين دول اخر فرصة ليا عشان اغير اي حاجة. ولو خلصو من غير ما احاول حتى يمكن مسامحش نفسي بعد كده واندم جدا. لان المدرسة تجربة مش هتتكرر ابدا مرتين. قررت احاول و بدأت اشوف فيديوهات ثقة بالنفس و ازاي تكون صداقات ازاي تتعامل مع الناس.. و كنت متحمسة وقلت هعملها المرة دي ان شاء الله وقررت انقل لمدرسة جديدة و دي اول مرة انقل عموما كنت فنفس المدرسة طول حياتي بس قلت خليني اغير المكان يمكن حاجة تتغير..جه اول يوم وقعدت وحدة جنبي وقعدت اطبق اللي تعلمته و حاولت اسالها اسئلة بحيث افتح معاها حوار بس متفاعلتش اوي كانت بترد على قد السؤال.. و حسيت بالاحباط كمان عشان المكان اللي قعدت فيه نفسه اللي كنت بقعد فيه فمدرستي القديمة. كان اول مكان قدام. و المكان ده بيوترني لان في حد قاعد ورايا و قدامي بيبقى الاساتذة اللي غالبا هيركزوا معاك وانا مش برتاح لما احس ان في احتمال ولو صغير اكون متشافة..تاني يوم طبعا البنت غيرت مكانها. التاريخ بيعيد نفسه. قلت خليني اختار ناس باين عليها هادية ومعهاش شلة ف كده اقدر اتعامل بسهولة.حاولت مع اتنين و كان فالبداية حاسة ان في امل كانت بترد عليا مكنتش بتنفر بس فنفس الوقت ردودها كانت على قد السؤال برضو ومش بتتفاعل.. البنت الهادية التانية فشلت اكلمها. بعد كام يوم لقيت البنتين قاعدين سوا و واحدة منهم لما جيت وشها اتغير وقالت اهلا ومشيت..احبطت من كل ده ف فلحظة زعل واحنا طالعين من الفسحة سألت بنت عشوائية ازاي الناس بتصادق.. قالتلي انا ك فلانة عادي بدخل عليهم و اكلمهم على طول و اسالهم.. حسيت ساعتها اني الوحيدة اللي مش طبيعية الكل بيصادق بسهولة جدا بس انا بعاني عشان اخد حاجة الكل بيمتلكها. ف طلعت عيطت فالحمام ولما طلعت اغسل وشي لقيت نفس البنت فا عيطت قدامها بالغلط.. هدتني و بعد كده خلتني اقعد مع شلتها ورا و هم بجد ناس لطاف جدا كلهم بلا استثناء وقفو جنبي طول الترم و فهمتهم مشكلتي و اني مش بعرف اتواصل خالص ولا اتكلم ف بقو ينادوني احيانا وكده.. بس كنت لسه بعاني لان وجودي فالمدرسة بالنسبة لوحده ضغط نفسي. على طول لما ادخل او يتجاب سيرتها قلبي بيتقبض ومش بعرف اتكلم.. و محدش هيجيلك بنفسه فالغالب.. وانا مش عارفة اخد الخطوة الاولى.. ف بفضل وحدي لحد ما حد يقرر يلاحظني.. لما احتجت اعيط اوي افتكرت المدرسة القديمة و انو لما عيطت فالفصل محدش خد باله ف مهتمتش و عيطت بس عالصامت.. ساعتها كنت قاعدة ف اخر الصف ف محدش ورايا و المكان امان بالنسبالي شويه وكده بس رغم ده لاحظو.. و ده بجد بسطني بشكل انه اخيرا في حد انتبه لوجودي. اتبسطت أني نقلت الناس دي كانت الطف بكتير و اجمل و حاسة اني عالاقل ف امان حبة عن الاول. بس مازلت بحس ب حاجات غريبة بتمنعني اتواصل. زي تفكير زايد و حاجات كده مش عارفة اشرحها ازاي بظبط بس كنت عايزة افهم ايه مشكلتي ف قعدت ادور عن حالة مشابهة ليا و كان اقرب واحد الرهاب الاجتماعي.. عشان مديش نفسي تشخيص وخلاص فضلت ادور ورا الرهاب الاجتماعي كتير. فضلت ادور لحوالي سنة او اكتر تقريبا. و كل ما اعرف عنه اكتر كل ما بتصدم من تطابق الاعراض بتاعته معايا.. كنت بدور على المشكلة عشان اعرف حلها.. اللي فهمته ان حل الرهاب الاجتماعي كسر الخوف و المواجهة وحاولت كتير بس مهما حاولت مفيش.. انا دلوقتي تانيه ثانوي. اللي عشته فالمدرسة من اولى لحد دلوقتي بجد لا يطاق هي بالنسبالي اسوء سنين حياتي. بنهار نفسيا واتعب بمجرد ادخل المدرسة. مش ببقى عارفة اتحرك ازاي حتى. بس كانو لسه زمايلي بيحاولو معايا وانا بجد ممتنة ليهم بشكل.. وعشان كده بحس ببغبائي لما اضيع الفرصة اني اكلمهم بس غصب عني لما اتحط فالحدث بفشل.. غبت اخر ايام قبل الاختبارات.. ولما جت الاختبارات كنت بتجنب اكلمهم متعمدة عشان مش عايزة اشغل بالي بالحزن و اني فاشلة ف اني اكلمهم.. كنت عايزة اركز عالمذاكرة بس حسيت انهم خدوا بالهم و خدو جنب مني.. اخر يوم امتحانات انهرت اني مقدرتش اودعهم ولا كلمت حد و كله كان مبسوط اوي الا انا كنت زعلانة جدا.. مش عارفة ليه مش قادرة اكون زيهم.. ليه مكونش مبسوطة زيهم واخرج واتبسط اخر يوم.. مش حاسة ان حد طايقني مش عارفة ليه بس حاسة دلوقتي بعد ما تعمدت اتجنبهم مبقوش اكيد عايزين يكلموني.. فضلت منهارة اسبوع ونص عياط و نكد.. انا تعبت.. بعد سنة تقريبا من المحاولات و العذاب ده فالاخر وصلت ل ايه؟ مش عارفة اودع حد حتى.. بيقولو هتخسر ايه يعني لو حاولت؟ انا خسرت نفسي. انا بقيت اسوء من الاول كمان. بدات احس انه ياريتني ما حاولت.. ياريتني خليت السنين تعدي وخلاص.. انا مش هعرف اشرح اللي بحس بيه لما ادخل المدرسة بس هو مطابق بظبط وبالحرف لاعراض الرهاب الاجتماعي اتمنى تدوري عنه عشان تفهمي اللي بحسه صح لاني فعلا مش عارفة اشرحها بالكلمات ازاي. الاجازة خلصت من يومين وانا لسه مش قادرة اتجرأ انزل المدرسة بعد ما انهرت لاسبوع واكتر بعد اخر يوم امتحانات.. انا بجد تعبت ومش عايزة اروح تاني ومش عايزة اتوجع تاني. كان نفسي ف صحاب بس خلاص الطاهر انو مستحيل عايزة احافظ على نفسي عالاقل.. مش عايزة ابوظ اكتر. ومش هقدر استحمل اعيط هناك بالتمن مرات عشان حاسة بالعجز واني مش قادرة اعمل حاجة او لاني وحيدة او لاني فشلت او لاني ضيعت الفرصة او لاني بشوف غيري بيضحك ونفسي لو اقدر اضحك معاه. مش قادرة افضل حاسة اني متراقبة طول الوقت ومش عايزة افضل قاعدة طول اليوم فمكاني وجوايا تفكيري مش بيوقف ومش ببطل افتكر اني ثقل عالكل او اني بعطلهم او ايه اللي جابني هنا. بحس اني بنتقد نفسي اكتر منهم. دايما بتخيل هما هينتقدوني ب ايه. بس وكأني بقول الكلام ده لنفسي.. بطلي دراما و بطلي افورة و بطلي تبقي عيوطة بطلي تفشلي ف حاجات عبيطة بطلي صوتك اللي قد النكلة دا بطلي تزعجي الناس بطلي تاخدي من وقتهم ايه اللي حشرك وسطيهم ايه اللي مخليكي واثقة اوي انهم طايقينك ليه قاعدة جنبهم بصفتك ايه متخلي الناس فحالها اشعرفك بيفكرو عنك ازاي اشعرفك انهم مش بيكرهوك او بينتقدوك ف دماغهم وانت مش عارفة.. دي نبذة بسيطة عن افكاري هناك..لما احاول اتصرف او لما الاقي حد و عايزة اكلمه بفضل اقول يلا يلا ومش بقدر بيجي ف بالي الف سؤال خايفة اضايقه خايفة يكون الوقت غلط خايفة يزعل خايفة اتفهم غلط خايفة منجحش خايفة متسمعش خايفة صوتي يطلع غبي.. مش عارفة اعمل حاجة. و نفسي اطلع من كل ده. @Esraa Amr
تم النشر الثلاثاء، ١٠ فبراير ٢٠٢٦
احتاج رأي احد بالموضوع ذا بشدة ، من فضلكم لا تبخلوا علي بذا الرأي لانه بيساعدني على اخذ القرار ، انا اربي قطتين تؤام انثى و ذكر لسنة ونص و جبتهم لاني وحيده وكنت اتمنى يكون فيه ونس بغرفتي او شيء يخليني اقدر اقول اني بخير طول ماهو موجود بحياتي ، القطط ذي كل شي بالنسبة لي انا ما اقدر احزن اصلا وهم جنبي لما احزن اني وحيده اتذكر وجودهم معي وافرح والعب معهم وانسى السالفة ، ما كنت بتخطى ذيك الفترة من حياتي ابدا بدونهم احب لما يناموا جنبي او لما العب معاهم او لما يتهاوشون سوا واضحك و احب شخصيتهم اللطيفة ، بس اهلي قاعدين يحاولون يقنعوني نعرضهم للتبني لانهم مأثرين على صحتي بسبب ريحة الليتر بوكس السيئة اللي موجودة بغرفتي ذا غير ان القط الذكر ما يستخدم الليتر بوكس و القطة تطلب الزواج وتصرخ طول الوقت بصوت عالي يزعج السكان،اعرف انه الاسهل تعقيمهم بس القط الذكر ما يستخدم الليتر بوكس من صغره الين الحين لذا انا مقتنعه انه السبب مو الجواز ، سببوا لأهلي مشاكل طول الوقت بس كنت متكفلة بنظافتهم و اكلهم بس مافي فايده برضو فيه ريحه ، اهلي قالوا لو مشيتيهم بنجيب لك الجوال اللي كنتي تتمنيه من زمان و بنقدر نجدد غرفتك لان القطط لو مو موجودة ما بتخربها بالريحة و شعرهم و اظافرهم،قاعدين يقنعوني يمشوا يعني وانتبهت لكذا بس قالولي نسوي كل ذا عشان خايفين على صحتك ومافي حلول كثير قدامنا ولو ما مشوا اليوم بيمشوا بكرا لان بيجي يوم مابنقدر نستمر برعايتهم ، انا حزينه لان كلامهم كله صحيح و فعلا انا اخاف على صحتي بس مو قادره افترق عنهم ، ما مر يوم الا و دعيت فيه ربي يخليهم لي عشان كنت خايفه من ذا اليوم ، كل ما اناظرهم الحين ابكي عشاني عارفه مارح اشوفهم مره ثانيه بس اهلي معطيني حرية الاختيار بشرط القى حل مناسب ، نترك قطة واحدة بس معانا مثلا لتخفيف الضغط،اريد اسالكم عندكم اي حلول؟اوافق على فكرة تجديد الغرفة و الجوال؟مو قادره اقرر و خايفه اندم على اي قرار اخذه صدق،عشان اعرف الايام الجاية بدونهم بتكون سوداء قد ايش ، و لكذا قررت الجأ للتطبيق ذا لان ماعندي اصحاب اخذ برأيهم ، اتمنى فعلا تعطوني نصايحكم
تم النشر الخميس، ٢٩ فبراير ٢٠٢٤
دروس اونلاين مفيدة جدا ف حاجات المذاكرة دي انصحك فيها. و كمان متخليش الضغط يخليك تستسلم و تطنش و انه فات الاوان..اظن معظمنا بيستوعب ف ليلة الامتحان ف سنين الدراسة ان فالاخر الموضوع مكنش مستاهل يتأجل و كان ممكن يخلص زي ما خلصته ف ليلة الامتحان ( ك ترم واحد طبعا) و في مدرسة نصحتني نصيحة عجبتني بس للاسف ملحقتش اطبقها ساعتها بس قالتلي انه ذاكري درس جديد مع درس مراكماه بحيث متراكميش الجديد وتلمي القديم.. ضغط؟ طبعا ضغط جدا ومتفهمة دا بس طالما الموضوع مزنق اوي ف احنا بنحاول ننقذ. مفيش مشكلة لو فشلت ف نهاية السنة انك تلمهم كلهم.. المشكلة انك متحاولش اصلا فا حاول قد ماتقدر عشان اخر السنة متحسش بالندم قول لنفسك انا عملت كل اللي قدرت عليه وحاولت اصلح و مقصرتش ف ده. كل التوفيق يارب.
تم النشر الثلاثاء، ١٠ فبراير ٢٠٢٦
عارفة ان الكل بيقول كده بس بجد بمجرد بدأت اصلي الحياة ف عيني اتغيرت.. مبقتش عايزة ولا ليا نفس ابدا لأي حاجة غلط نهائي.. بقيت احس اني مش عايزة ازعل ربنا مني تاني.. ربنا اللي رزقني بجسم و ستر و مكان انام فيه و الموبايل اللي بكتب فيه دا و الأكل اللي باكله كل يوم.. ف العادي دي حاجات طبيعية خلاص متعودين عليها بس يعني بعد ما بدات اقرب لربنا حسيت ايه البجاحة اللي انا فيها دي و الامور ممكن تكون ابسط من كده لو انا بس قررت زي ما قررت ابدأ صلاة كده.. ممكن تحاول مثلا تتحدى نفسك تسيب حاجة خفيفة فالاول. لما تنجح ف ده خش على حاجة أصعب شوية كمان وهكذا ده غير انك بتسيب حاجات غلط كمان هيديك ثقة بنفسك واحساس انجاز انو ايا كان الشيء اقدر ابطله.. والقرب من ربنا فعلا بيخلي الحاجات دي مع الوقت مقرفة ف عينيك
تم النشر الثلاثاء، ١٠ فبراير ٢٠٢٦
دايما الاشياء حلها بسيط بس احنا اللي نعقدها.ذا اللي تعلمته مع الوقت،بكل بساطة اذا ما لقيتي نفسك بذا الشغل دوري عن شغل ثاني وثالث ورابع مايهم حتى لو طول عمرك دورتي اهم شي تلقين اللي يناسبك بالنهاية،الشغل اللي يناسبك مستحيل يكون ضغط عليك ابدآ،مهما كان صعب دامك تحبيه بتبدعين فيه صدقيني،ابحثي عن موهبتك لان لو دورتي عن الشغل حسب مرتبه مارح تنفعين فيه لانه ما يناسبك ذا شي طبيعي،فيه كثير اشياء ممكن تشتغلين فيها ومافي انسان معنده موهبه بشي معين،كل واحد عنده ميزة تخليه مختلف عن غيره ومصيره يلقاها مهما طال الزمن
تم النشر الاثنين، ٣٠ يناير ٢٠٢٣
شنطة بستايل ملاحظ انها بتحبه مثلا، او حاول كده تجيب معلومة عن حاجة نفسها فيها جدا وجيبها
تم النشر الثلاثاء، ١٠ فبراير ٢٠٢٦
علاقتك ب ربنا والدين اولا، ثانيا شوفي كده الحاجات اللي محتاجة تعمليها ايه بظبط يعني ايه اهتماماتك ايه اللي عايزة تطوريه شوفي ايه حبك ليه اكتر وكده، ممكن برضو تخلي علاقتك ب اهلك وقرايبك احلى و احلى. ممكن تبدأي تعملي تمارين من باب الحفاظ على صحتك برضو ده حلو. حاولي تعملي حاجة بالنسبالك انجاز فالاول ده هيفرق كتير وهيخليكي تكملي
تم النشر الثلاثاء، ١٠ فبراير ٢٠٢٦
سمعت انه لما ترمش لدقيقة بتنام.. فالاول استغربت ومصدقتش صراحة بس قلت اجرب كدا من باب الفضى ومكنتش عارفة انام و فعلا نمت. الحركة دي اصلا بتوجع عيني قبل ما اكمل لدقيقة فا بلاقيني دخلت فالنوم بعدها
تم النشر الثلاثاء، ١٠ فبراير ٢٠٢٦
عندك اختيارين اما تحاول تديه حل منطقي وتفصص الموضوع ومن وجهة نظرك ايه الاحسن فالموقف عشان تفيده او الاختيار التاني تطلعه من المود الوحش اللي هو فيه شوف هو بيتبسط من ايه واعمله ده نوع من المواساة انك تقلل عليه عالاقل التعب او الهم قوله انه لازم يغير جو مثلا او يخلي الوقت عالاقل مش ثقيل كمان عشان ميحسش بضغط اكتر وكده يعني
تم النشر الثلاثاء، ١٠ فبراير ٢٠٢٦
لما اضطر احكي عن شخص معين احكي بدون ذكر اسمه ثانيآ ما احاول اسبه،مثلا واحدة اتهمتني اتهام باطل و كمان هي اصلا تسوي اتهامها ذا بنفسها ، اقول لشخص بغية الفضفضة "فيه بنت اليوم ضايقتني جدآ كلمتني بأسلوب وقح و قالت اني اسوي اشياء ماقد سويتها و اللي ازعجني اكثر انها تسوي ذاك الشيء اصلا"لما تتكلمي لا تظهري عيوبها لا اشرحي الموضوع من وحهة نظرك بس يعني انتي تحكين هالكلام بس عشات انتي متضايقه فا لا تحكي غير عن اللي مضايقك مو لازم نطلع كل عيب بالبنت صغير وكبير لان ماله علاقه فيك لو مضايقك اشياء بالبنت روحي قولي لها مباشرة بنية النصح وانها تتغير
تم النشر الجمعة، ٨ مارس ٢٠٢٤
جرب طريقة انك ماتفكر بشيء قبل ما تسوي شيء محسوم امره ، سمعت الاذان لا تنتظر تفكر و تعطي الشيطان فرصة يقنعك،اول ما تسمع الاذان قول ١ ٢ ٣ بعدها تحرك،ايا كان مكانك ايا كان اللي تسويه لازم تصلي لان لو الشيء اللي تسويه يشغلك عن الصلاة هو ببساطة صار حرام و مستحيل تتوفق فيه،مافي اعذار ابدا لا تسمح للاعذار تمنعك،استاذي دايما لما يجي البيت رغم اننا بوسط حصة و المكان مو بيته يقاطع الدرس ويقوم يصلي حتى الضيوف يسوون كذا يعني عموما حتى لو بوسط شغل او وسط اي شيء ايا كان ايش هو لا تخليه يمنعك،و فيه طريقة قراءة القرآن كثير و حفظك منه عشان كل صلاة تقرأ سورة مختلفة و تدقق فمعانيها ذا ممكن يكون حافز للصلاة،اتمنى افدتك بشي
تم النشر الجمعة، ٨ مارس ٢٠٢٤
اتوقع سواء ذكر او انثى الموضوع نفس الشيء و ذا متعلق بشخصيتك و مين انت
تم النشر الجمعة، ٨ مارس ٢٠٢٤
طيب شرايك تجربي تثقي بقراراتك؟كل شيء اخترتيه و بتختاريه بنسبة كبيرة يستحق التجربة،ممكن يفشل بشكل سيء؟ايوه بس ممكن ينجح برضو فا لو بقينا نفكر بمستقبل هالمواضيع دايما مارح نحرز اي تقدم لكذا لازم تخاطري وتجربي مو مهم النتيجة قد ما انتي قدرتي تثقي بنفسك،ولو مو قادرة تتخذي قرار بشيء معقد ماتدري هو صح او غلط ارجعي للدين ببساطة او استشيري اللي حولك،اتمنى فعلا ذا يساعدك
تم النشر الجمعة، ٨ مارس ٢٠٢٤
فعلا احنا كنا حاطينهم بالبلكونه اللي بغرفتي بس كنت بفتح البلكونه طول اليوم عشان اقعد معاهم و كمان عشان الجو برد فيها غير انها ضيقه حرام احبسهم فيها دا غير ان واحد منهم وقع قبل كده منها
تم النشر الخميس، ٢٩ فبراير ٢٠٢٤
تمام شكرآ للتوضيح
تم النشر الثلاثاء، ٣١ يناير ٢٠٢٣
بس ذا برضو ما يخليها ممنوعة عن العمل
تم النشر الاثنين، ٣٠ يناير ٢٠٢٣
بعيدآ عن اخر سطر لان اكيد كلنا نعمل في سبيل الله كمسلمين،شايف المرأة جواري؟ليه بنظرك المفروض ماتشتغل؟
تم النشر الاثنين، ٣٠ يناير ٢٠٢٣
حساب فيسبوك حساب تويتر حساب لينكد ان الموقع الشخصيلعرض الملف الشخصي في فدني اضغط هنا