سلام عليكم انا شاب عندى 19 وانا فى 6ابتدائي كنت بحب بنت جارتي وهي كمان كذلك وقعدنا فترة بنكبر قصاد بعض وكده واخدنا علي بعض اكتر زكنا بناكل ونلعب ونسهر سوا كبرنا شوية لحد تالته اعدادى وحصلت بينا مشاكل ومبقناش نعرف بعض وانا بلعب كورة فى نادى وجيم والحمدلله علي كل شيء من فترة قعدت 5شهور فالبيت بسبب عمليتين جراحه زقعدت فترة 5شهور علاج وكذا حاجه لحد ما اخف دلوقتى انا حاسس انى تايه وفقدت شغف وطموح وحب كل حاجه كنت بعملها ومبقتش عارف اوصل للبنت اللي حبيتها ولا هي حاسه بيا بقيت تايه ومفيش حاجه قدامى وكمان شهر مفروض اروح الجيش انا مش عارف اعمل ايه ولا اروح لمين وكمان معنديش صحاب خالص من ساعه اللي حبيتها اختفت مبقتش عارف اقرب لاى بنت ابص في شكل كل البنات وادور عليها مش لاقيها ممكن تقولى ازاى اعدى الفترة دى بالله عليكم
خلي بالك أنت بتحب الطفلة اللي فضلت عارفها لحد تالتة اعدادي لكن أنت ماتعرفش دلوقتي هي شخصيتها بقت عاملة ازاي .. أنت دلوقتي في بداية مرحلة جديدة في حياتك ومحتاج تتجاوز المرحلة اللي فاتت بكل ما فيها من ذكريات سببها العلاقة الغلط اللي مشيت فيها وأنت مراهق علشان تعرف تركز في اللي جاي ومش محتاج تكون أي علاقة حرام تاني مع اي بنت تانية علشان تتعافى .. أنت محتاج بس تقرب من ربنا وبعدها كل حاجة هتبقى أحسن
تم النشر الاثنين، ١١ سبتمبر ٢٠٢٣
ده تعلق وليس حب الشاب الذي يطارد فتاة بداع الحب والغرام فهو ليس كامل الرجولة ومنظومته الفكرية أقرب لعالم الأغاني والمسلسلات أنت تجري خلف سراب وربما لو تزوجت تلك الفتاة لصارت حياتك جحيم وليس حب وريش مخدات بيطير كما تعتقد
تم النشر الخميس، ١٤ سبتمبر ٢٠٢٣
عايزة اقولك ان كان فيه احتمال كبير جدا لو انتوا كملتوا على هذا الوضع، كان برضه هيجي وقت عليه وهينتهي. طيب ازاي؟ نبدأ الاول بمشكلة معاها. ايام الطفولة او المراهقة لو اعجبت بحد او مشاعرك اتحركت ناحيه شخصية ما، ده مفهوم طبعا وبيحصل، لكن هل المشاعر ديه هتكمل بعدين؟ طيب هل المشاعر ديه هي اهم حاجه في الموضوع؟ في الحقيقة لأ، مع احترامي لمشاعرك جدا .. ولكن انت حبيت طفلة، وهي كمان حبت طفل .. تقدر تقولي انت على مر مراحلك طبعا اتغيرت كام مرة؟ شخصيتك اتغيرت كتير اكيد، وهي كمان شخصيتها اتغيرت كتير .. مع تغير الشخصيات الموضوع بيتبدل تماما، لو كنتوا لسه على تواصل مع بعض .. انت كنت هتقولها انتي اتغير فيكي حاجات كتيرة اوي، انتي مبقتيش انتي، انا عايز الشخصية اللي كنت اعرفها! وانت كمان ممكن كان يتقالك نفس الكلام .. لان في المرحلة ديه، الواحد لسه مش بيكون واصل لمرحلة النضوج الكافي لاختيار شريكة حياته، بيكون فقط مجرد حب، اعدجاب، مشاعر عابرة. لكن لما نيجي على ارض الواقع بقى ونتكلم شوية هنلاقي ان الموضوع بعيد جدا، لان الواحد لما يجي يتجوز مش بيختار واحده بيحبها وبس، بل انه كمان ممكن ميحبش اساسا، المهم يختار صح، يختار شريك للحياة بناءا على عدة حاجات كتير ومش الحب اهمهم، يختار حد عارف يتفاهم معاه، يختار حد متقبل شخصيته، يختار حد متوافق معاه في حاجات كتير. انت مش بتختار حب فقط، لانك لو اختارت حب بس، انت كده وقعت الهرم اللي انت عايز تبنيه. 19 سنة لسه صغير .. شوف الجيش بتاعك، وشوف مستقبلك لانه هو ده المهم دلوقت وبعدين ابقى فكر في الحب والجواز متستعجلش على المسؤولية اوي .. كده كده جاية. اما عن الشغف - انت كنت شغال كويس وجيم ورياضة لحد ما حصلت كذا حالة تعب عندك، ايه بقى اللي دخل الموضوع في الشغف بالظبط؟ يعني انت ملكش نفس دلوقت انك تعمل حاجه بسبب تفكيرك فيها؟ ولا ايه بالظبط السبب؟ لان انت كنت عادي عايش حياتك؟
تم النشر الثلاثاء، ١٢ سبتمبر ٢٠٢٣
أخي الكريم عليك بالصلاه وكثره الدعاء عليك بإكمال حياتك والذهاب للجيش وبعد الانتهاء من الجيش إما أن تنساها تماما او تذهب لها لتحدثها وتحدث أهلها لخطبتها فإذا كنت تحبها بصدق فعليك بعدم الاستسلام
تم النشر الثلاثاء، ١٢ سبتمبر ٢٠٢٣
اول حاجه الحمد لله على سلامتك .... اما تخلص جيش روح اتقدملها في بيتها على طول لو رفضت ....يبقا خلاص كمل حياتك .....لو وافقت ابقا تعالى قولنا هنا عشان نباركلك ....بس خلي في بالك ان جايز ترفض الطفولة غير لما بنكبر ...يمكن حبك صادق وهي كمان حبها كان صادق بس جايز يكون انتهى بالنسبالها..... على العموم انت لسا في بداية حياتك ..كون اصحاب كويسين في الجيش وابعد عن اصحاب السوء ... ربنا يوفقك ويختار لك الخير
تم النشر الاثنين، ١١ سبتمبر ٢٠٢٣
ربنا يسعدك يارب
تم النشر الأربعاء، ١٣ سبتمبر ٢٠٢٣
انشاء الله ربنا يخليك لذوقك وكلامك اللطيف متشكر جدا لحضرتك
تم النشر الأربعاء، ١٣ سبتمبر ٢٠٢٣
بصلي الفروض الحمدلله انا شغال دلوقتي في محل في فلوس مش بتكفي حاجه بحاول افهم تداول والشغل الاونلاين بس مواضيع معقده
تم النشر الثلاثاء، ١٢ سبتمبر ٢٠٢٣
متشكر جدا لذوق حضرتك بس انا تايه مش عارف اعمل ايه ولا ايه ولا عارف اجيب فلوس كويسة تساعدنى ولا قادر حتي
تم النشر الثلاثاء، ١٢ سبتمبر ٢٠٢٣
لا بجد متفكرش لان الزعل بيجيب امراض صعبة ..اشغل حياتك واشغل نفسك روح دورات في الجوامع انزل اتمشى العب رياضه اشتغل على نفسك انساها ....انا اتأثرت جدا باللي انت حكيته ف لازم تشغل حياتك في امور كلها صح وافضل من الوضع الحالي طور من نفسك ...كله هايتمناك ...انما الزعل هايهدك وهايبعد الناس عنك لان محدش بيميل للزعل والتعب ..اطلع من اللي انت فيه وصدقني اول ما هاتحب نفسك وتطورها هاتنساها او بمعنى اصح هاتكون عادية بالنسبالك هاتشوف انك تستاهل ان حد يحبك ....ربنا يصبرك ويبارك في شبابك يابني متهلكش عمرك بالزعل ...افرح واشتغل على نفسك وان شاء الله هانسمع عنك كل خير بعد كده ابقا نزلنا وطمنا عليك
تم النشر الثلاثاء، ١٢ سبتمبر ٢٠٢٣
موضوع انى اكلمها او اتقدملها ده شبه مستحيل هى نسيتنى اصلا انا بقيت كل ما معرفش اعمل حاجه افتكرها واتعب
تم النشر الاثنين، ١١ سبتمبر ٢٠٢٣
ربنا يثبتك يارب....في مقولة بتقول اى اول الشئ صعب وفي منتصفه فوضوي وفي النهاية رائع 👌متأكده انك هاتوصل بإذن الله لهدفك استمر مهما كان معقد هاتوصل للخبرة ان شاء الله بالاستمرار والتطوير ......ربنا يوفقك يارب 🤍
تم النشر الثلاثاء، ١٢ سبتمبر ٢٠٢٣
ابدأ من الصفر او حتى من تحت الصفر اي فرصة شغل تجيلك وتحقق ربح امسك فيها على طول ...بعدها اسعى انك تعمل مشروع لنفسك حوش وكبر وابني لنفسك عارفه انك مش عارف تبدأ منين...انت بس دور على شغل في كل مكان ويا سلام لو بتفهم مهنة معينة او حرفة يدوية اشتغلها مثلا هانفرض التطريز اشتغل لحد ما تجيب مكنة تطريز وهكذا بقا اى مجال بتاعك اشتغل في لحد ما تعمل لنفسك شغلك الخاص ...متقفش مكانك اتحرك وابدأ وربنا يعينك ويقويك يارب متزعلش هي الدنيا هاتاخد منك وهاتديك ....وعلى اد صبرك وشغلك وقربك لربنا هاتلاقي ...صلي قيام ليل قبل الفجر بساعة كده صلي وادعي ربنا هايستجيبلك
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا