لا إله إلا الله .. انت بين نارين انك تقول ويخرب بيت والديك وتقع جريح أو انك تكتم وتستمر علاقتهم ويستمر الأذى بينهم وتقع جريح ... شوف قدامك انك ١-تكتم وتفضل شايل السر في قلبك طول عمرك ومتحسر وممكن تستمر العلاقة والمشاكل ٢-تقول ويحصل خلافات وممكن تتطور ٣-انك تحاول تصلح من والدك بس هتتعب وهيصدمك ال٣ حلول لهم سلبيات ولكن انا بفضل الحل الرابع وهو انك تضبط الg وتروق الd اللي هو طنش تعش تنتعش • شوف يا معلم والدتك كدا كدا تلاقيها عارفة! وممكن تكون شافت برضو ولو مشافتش فهي عارفة انه سئ فإيه الجديد •انا آسف بس يخي انت مالك والدك عاصي وفي مشاكل وجحيم مع والدتك خلاص خليهم براحتهم يروحوا وييجوا ويزعقوا افصل دماغك وانجو بنفسك •هيجيلك تأنيب ضمير انك لازم تصلح العلاقة ولكن صدقني مش بيدك تغير ابوك ولا تغير العلاقة .. انت متخيل ان ابوك عصبي ممكن من وهو عمره ١٥ لحد دلوقتي .. بالله عليك هتغير عصبية السنين اللي اتعود عليها دي !!!!!! ثانيا ده مش دورك الإصلاح اصلا ده فقط انجبرت على كده بسبب المشاكل ........................ •خليهم على وضعهم ناس كبار ومتعودين وحتى لو جيت تتكلم وتصلح مش هياخد كلامك على محمل الجد .. هيقول انت طفلي ازاي تتجرأ وتنتقد وعايز تصلحني انا اللي اربيك واصلحك •اكيد انت فكريا مدمر بسبب سنين وانت في بيئة الزلزال والجحيم في منظورك كطفل كل اعتمادك على والديك وتنصدم من الصراخ والزعيق والضرب وأكيد جالك من ابوك الأذى فمفيش شعور بالأمان •حاليا داخلك عشوائية ومنظورك عن الحياة والناس وعن نفسك مشوه فيجب انك متهربش من الحرب اللي جواك إلى إدمان أو انك تتجه للكلام مع الحريم أو فرط طعام أو فرط هاتف لكن عليك انك تتقبل وتواجه •ومعاك وقت انت لسة ١٥ سنة وان شاء الله الظروف الصعبة تبني منك قوة وصلابة نفسية وتقدر ...................... •اللي عليك ٣ حاجات ١-تكتسب تقدير وحب لنفسك منغير شروط ومنغير انجازات وتكتسب شعور بالأمان وده عن طريق انك تعمل حاجات ترفع من تقديرك لنفسك زي روتين يومي لدقائق من الصلاة والقرآن والرياضة والهوايات وكتابة أفكارك والتأمل .... ٢-بدأ الشد بينهم اخرج شم هوا ولا اقعد اتفرج عادي لكن وصل لهم ان اللي هم بيعملوه شئ ملوش اي داعي .. ولو كان الأذى عليك فاصبر ومتردش وخد طمأنينة من ذكر الله واحتسب اجر صبرك ٣-الدعاء ......................... مع التغيير بيكونوا مش متعودين فممكن تواجه موجة من الرفض ولكن مع الوقت هتهدأ والله يصلحك
العفو
تم النشر الأحد، ٦ يوليو ٢٠٢٥
ان شاء الله هعمل كدا و احب اشكرك جدا و جزاك الله خيراً
تم النشر السبت، ٥ يوليو ٢٠٢٥
الجيم والكورس لا شك في فائدتهم .. بس احنا بنتكلم عن حاجات خفيفة تبدأ بيها على الجانب النفسي كدقائق بس في اليوم لا أكثر للتعود .. طبعا لو استمريت عليها شهر شهرين هتتراكم الحاجات الصغيرة دي وفجأة هتتفاجئ من انك بنيت جبل وتحس فعلا ان في تغير .. (أول حاجة) جيب ورقة وأكتب الخمس حاجات دول :١- صفحة قرآن ٢-تأمل (١٠ دقائق من الملل وانك تسمع افكارك) ٣-امتنان على اي حاجة ٤-١٠دقائق أي رياضة زي المشي السريع مثلا٥-تحاول تضبط النوم .. (ثاني حاجة )تعمل جدول من ٣٠ مربع كل آخر اليوم تقيم نفسك من ٥ في المربع وهكذا وحلو لو تأخذ أي حاجة مكافأة على اليوم عشان تحس بتقدير بدل ما انك منسي وسط المشاكل
تم النشر الجمعة، ٤ يوليو ٢٠٢٥
هما امبارح اتفقوا انهم هيرجعوا انا بقا هفضل كاتم السر ده جوا مني و احاول انجو بنفسي زي نصحتني و اشترك في الجيم و اروح الكورس لو امكن يعني و ممكن تقولي ازاي انجو بنفسي يعني ايه الاشياء اللي اعملها و ممكن تفيدني و موضوع مامتي ده انها بتحاول تعوض نفسها بيا الموضوع بيدايقني بحس اني شايل اكتر من مسئوليتي يعني لازم اطلع مثالي قدامها اللي تقوله اعمله من غير مفكر ولو فكرت او اعترضت ابقي عاق و ممكن يوصل انها كمان تدعي عليا و متكلمنيش لفتره
تم النشر الجمعة، ٤ يوليو ٢٠٢٥
ان شاء الله هحاول و ربنا يوفقني و يعينّي و اشكرك تاني علي كلامك ده ربنا يجزيك خير ان شاء الله
تم النشر الجمعة، ٤ يوليو ٢٠٢٥
انت انولدت وسط بحر عمال تقاوم الأمواج بينما الحياة الطبيعية اللي على اليابسة متعرفش عنها حاجة .. فطبيعي جدا انك محتاج سنين لحد ما تجرب اليابسة دي والحياة المستقرة اللي مفيهاش قلق ولا غضب ولا تأنيب ضمير وفيها طمأنينة و توكل على الله ولا شك أن التأتأة بسببهم وعلى المدى البعيد تأثيرهم مرعب نفسيا وجسديا ............... اللي بيحصل انك كل خناقة بتتخزن في ذاكرتك ومعاها التوتر المصاحب لها وافكارها السلبية .. والذكريات دي بترجع لك في اي وقت ومعاها توترها .. بمعنى ان لو وقفوا صراع فالتوتر لسه شغال بسبب الذكريات دي فالتوتر شبه دائم وده بيسبب انك بتنسى شخصيتك واهدافك وتنسى تعيش الحاضر بسبب ان ألم التوتر شاغلك .. والتوتر ده ممكن يسبب حاجات كثير نفسية وجسدية على المدى البعيد زي في البعض بيتجه لفرط الأكل أو فرط التلفون عشان يهرب من التوتر فمش هقول لك اوصل لنفسية جيدة لأن ده صعب خصوصا ان في ذكريات كثير متوترة .. ولكن هقول لك اخرج بأقل الخسائر .. عشان لما تستقل مش تكون متوتر او حتى ممكن نسخة مكررة منهم .. ولكن تكون بدأت شغل على نفسك ................ طبعا كل اللي بيحصل جفاف عاطفي بينهم ممكن يكون بسبب طفولة صعبة ..الأب اتجه لتعويض جفاف العاطفة عن طريق المرأة اللي بيكلمها .. والأم من الأذى زاد عندها الجفاف العاطفي فعايزة تعوضه بيك انت وعشان كده بتحس بالخيانة لما انت تبتعد لكن انت زي ما قلت لك مش مسؤول عن نفسية حد بل هم اللي مسؤولين عن نفسيتك وممكن لما يلاقوك عايز تنجو بنفسك يغضبوا في البداية لأنهم عايزين منك ردة فعل وتعويض لجفاف العاطفة انت فقط واجبك البر حاول متقصرش فيه فمتعتبرش انك تقدر تنقذهم ولا أنهم هيتغيروا وغالبا هم خلاص اتبرمجوا على كده .. ممكن بس صعب ............... الآن هم كبروا واتعودوا أفضل شخص قابل للتغيير بل وبناء قوة وصلابة بسبب الألم ده هو انت .. والأمواج المستقرة لا تنتج بحار ماهر .. فاخرج بأقل الخسائر النفسية
تم النشر الجمعة، ٤ يوليو ٢٠٢٥
وحضرتك قلت اني مليش دعوه بابويا انه عاصي فعلا انا مليش دعوه اللي اقدر اعمله مثلا اني انصحه بس النقطه هنا ان ذنبه ده مش بيضره هو بس لا ده بيضرنا احنا كمان من بقا انه بيتعصب عليناو بيسمع كلام اللي بيكلمها دي و وصل لدرجه انه ضرب امي عشانها في الآخر احب اقلك شكرا شكرا بجد من قلبي انك رديت ❤️
تم النشر الخميس، ٣ يوليو ٢٠٢٥
و قلي اللي عايزه قولوا انا مس همنعك ولا هعملك حاجه مش عارف بقا اقولوا اني عرفت ولا لا
تم النشر الخميس، ٣ يوليو ٢٠٢٥
النهارده الصبح ابويا جبني و قعدني و اتكلم معايا وقلي اللي نفسك فيه قولوا وانا مش هعملك حاجه هسمع منك بس وفعلا اتكلمت و كنت هقولوا اني شفت و عرفت واتاكدت بس كأني لساني اتشل لما جيت اقوله
تم النشر الخميس، ٣ يوليو ٢٠٢٥
و انا قبل المشكله دي كنت مشترك في جيم و كورس انجليزي بس لما حصلت المشكله كنسلت كل ده عشان لما قلت اني عايز اروح الجيم و الكورس و المشكله كانت موجوده كل واحد امي وابويا قالولي انت معندكش دم يعني في مشكله وانت رايح تتمرن في جيم و رايح كورس و امي خصوصا امي بتحس اني لما اخد قرار بدون مرجعلها كأني كدا خنتها و ضربتها بالنار و انا بقا مستغني عنها و بردوا كان متفق مع دكتور اني اعمل تقويم بردوا امي قالتلي هو ده وقتوا حتي لما جيت اركز علي حياتي منعوني ابويا ممكن اقنعه عادي انما امي زي ما قلت بتحس اني كدا مستغني عنها و عايش حياتي عادي من غيرها وانها مس فارقه معايا و ده اصلا شئ مش حقيقي كل ما اجي اكلم مع حد او اقرب منه التاني يحس اني كدا بخونه
تم النشر الخميس، ٣ يوليو ٢٠٢٥
والله اشكرك علي الكلام ده وانك تعبت نفسك و اخدت من وقتك عشان تساعدني انا الحمدلله شاطر و متوفق في تعليمي و السنه دي هبدا تالته اعدادي المشكله ان التوتر بيدمرني يعني مثلا في اولي اعدادي حصل بينهم كذلك مشكله قبل امتحان الرياضه بيوم رحت تاني يوم الامتحان معرفتش احل حاجه مع اني بذاكر بنتظام و مهتم بالمذاكره و انا عارف الاسئله دي بس مش قادر امسك القلم فا انا لو بعدت نفسي منهم و كبرت دماغي من مشاكلهم وانا بحاول اعمل ده دلوقتي حتي لو قدرت اتخطي ده هيفضل مأثر فيا و مش هعرف اذاكر ولا اعمل اي حاجه مع ان دلوقتي بالنسبالي تعليمي اهم حاجه عشان عايز اخش كليه كويسه و استقل بذاتي وانجو منهم وانا بحاول اتخلص من موضوع التوتر ده غير كدا اصلا انا عندي تأتأة مش قويه يعني بس بتأتأ في الكلام لم اتعصب او اتوتر او حتي وانا بتكلم عادي ولحد ما كان عندي سبع سنين مكنتش بعرف اتكلم كلامي كله كان تأتأة بعدها بدات اتحسن الحمدلله النقطه اللي هنا اني لو فصلت نفسي بردوا هفضل متأثر و مش هعرف اذاكر زي ما قلتلك وانا زي ما قلت تعليمي اهم حاجه دلوقتي معلش ان كنت عمال اكرر نفس الكلام
تم النشر الخميس، ٣ يوليو ٢٠٢٥
لعرض الإجابة في فدني اضغط هنا