انا واحدة متعددة الشخصيات عندي شخصية اكسايتد موت وشخصية اكزوستيد وشخصية اتراكتيف وشخصية بورد جدا محدش عاوز يتكلم معاها وشخصية هوبفول أكتر وده الي بحاول اظهر بيه والغالب يعني دي ماي مين كاركتر لأني م بحب الجو الكئيب بس لاحظت اني كل ما بشوف حد بتأثر بيه بمعنى لو شوفت واحد عبثي بفضل مسستمة نفسي اني شخص عفوي وعبثي لو لقيت حد منطقي وهادي ورزين بفايب الجو ده لو لقيت حد تاني وحد تاني وحد المهم بحاول افايب واماتش نفس الفايب ف الموضوع ده عاملي عقدة م عارفة انا ايه بجد بقيت بحس ان معنديش شخصية مع اني كونفدينت بنفسي جدا
تم النشر الأربعاء، ١٠ يونيو ٢٠٢٦
انا حاليا ثانوية عامة بس عندي مشكلة مهببة لأن خلاص امتحاني كمان ١٠ ايام المهم انا الحمد لله بحاول ع قد ما اقدر اعمل الي عليا طول اليوم بعيدا عن ده انا لما بنام حقيقي مش بحس بنفسي لدرجة بحس اني روحت لعالم تاني ب بظبط ب ال ٣٠ منبه وكالعادة مبصحاش عليهم انا مش بسمعهم اصلا انا بفضل طول الليل وانام مثلا الساعة ٦ عارفة ان لازم اظبط نومي بس حقيقي معرفتش المهم بنام ٦ واصحى الساعة ٢ أو ١٢ يعني داخلة ف سكة ١٠ ساعات نوم غير بصحى بحس اني كنت بلعب boxing من كتر ما بصحى رقبتي وظهري واجعيني حد عنده حل أو مر بتجربة زي كده؟
تم النشر الأربعاء، ١٠ يونيو ٢٠٢٦
حبيبتي مفيش شخص سوي ومحترم هيختفي من اللاشيء لو هو نيته كويسه ف طالما اختفى وهو عارف نيتك الجواز معناها هو م جاهز ل ده واختفى بعدها بيومين لأنه م هيقولك اكيد انا عيل وبلعب من يوم فاهماني ف عززي نفسك والي عاوزك هيتكلم مع اهلك
تم النشر الخميس، ١١ يونيو ٢٠٢٦
الحل سهل جدا ، ماما كانت كده ف فترة من فترات حياتها وكنت مستغربه جدا لدرجة حقيقي كنت بدعي عليها لحد ما لقيتها ف مرة انهارت وقعدت تفضفض بزعيق عرفت ان حاجة مضايقاها جيت ف أكتر وقت كانت نوعا ما هادية فيه وقعدت احاول افهم فيه ايه طبعا كانت مصدرة الوش الخشب ومش عاوزة تتفاعل خالص حتى افهم فيه ايه لحد ما هديت خالص وفهمت أنها فترة مضغوطة من اخوالي وحاجات تانية قعدت اشرحهلها أن العصبية م حل ل اي حاجة شوية شوية بدأت تهدى ف ممكن مامتك بتمر بفترة ضغط حاول تقعد معاها وتعرف الحل ايه معرفتش تتكلم ادعيلها ربنا يهديهالكم وربنا يهديكم يارب ويربط ع قلوبكم كأسرة
تم النشر الخميس، ١١ يونيو ٢٠٢٦
انا كده علفكرة بجد لدرجة اني لو محتاجة حاجة بكسل اقول وممكن اسكيب الحاجة دي عشان مجرد متكلمش وبزهق جدا من الشاتس وممكن حتى اشوف المسدج م برا واسكيب مؤخرا بقيت اشوف ان ده بسبب تأثير البيئة المحيطة أو نوعية الحاجات الي بشوفها بتأثر بيا
تم النشر الأربعاء، ١٠ يونيو ٢٠٢٦
@ساره سامى حرفيا والله انا حالتي نفس الصورة بموت
تم النشر الجمعة، ١٢ يونيو ٢٠٢٦
@لِينَا مُحَمّد لا فهمتي غلط بقولك بصحى كأني بلعب بوكسينج رقبتي وظهري واجعيني م بلعب
تم النشر الجمعة، ١٢ يونيو ٢٠٢٦
بصي يروحي انتي من جواك فاضية بتدوري ع حاجة تملى من جواك التهميش والفراغ ده روحك متعطشة احنا عبارة عن جسم وروح روحك عطشانة عاوزة اقولك مفيش حد هيملى الفراغ ده إلا قربك من ربنا ابدأي هاتي قصص اليقين بالله وهاتي د أحمد عبدالمنعم وضروري تسمعي فيديو لعبلة لاشين اللهم بارك هترجعلك الأمل لحياتك تاني خليك غنية بالله وادعي أن ربنا يرزقك بالصحبة الصالحة خليك عزيزة النفس متروحيش لحد صدقيني مجرد ما تقربي لربنا هتلاقي الناس كلها بتجيلك انا كنت زيك علفكرة اقسم بالله لدرجة حد قالي انا كل يوم اشوفك مع واحدة دلوقتي هما الي بيبعتولي بس بقيت مستغنية عن البشر وبقيت غنية بالله ف لو الإيمان دخل قلبك صدقيني هتحسي براحه مش طبيعية لو احتاجتي تفضفضي أو أي مساعدة انا معاكِ يعيوني انت م لوحدك
تم النشر الأربعاء، ١٠ يونيو ٢٠٢٦
كنت شوفت فيديو يوتيوب لواحد طالع يقول نفس الكلام ده وكان بيقول انه كان دايما شايف انه عادي وهما الي خسروني لما قعد مع نفسه لقي انه هو الشخص التوكسيك ف اقعد مع نفسك شوف لو فيه حاجات ممكن تضايق الي حواليك ابدأ من نفسك الأول
تم النشر الأربعاء، ١٠ يونيو ٢٠٢٦
لعرض الملف الشخصي في فدني اضغط هنا